Рет қаралды 35,806
I am thrilled to share the first video from my Vietnam tour with you. The journey began in the captivating city of Hanoi, the capital of Vietnam. Hanoi is a bustling city with an array of attractions and vibrant markets to explore. One of the most memorable experiences for me was visiting the train street, where visitors gathered around small chairs beside the railway track to watch the train passing by while enjoying a meal or a drink. The feeling of the train passing just inches away is truly unforgettable.
During my time in Hanoi, I also visited a war museum and memorial, as well as a prison, which provided a deeply moving and eye-opening experience. To conclude my day, I wandered through the old market street and savored a delightful Vietnamese meal at a renowned restaurant in Hanoi.
I have immortalized these moments in the video and I hope that you will find joy in watching it.
Greetings,
I am Dinesh
සොදුරු මිටියාවතේ වීර දේශය "වියට්නාමය"
සංචාරයේ පළමු කොටස -
උරහිස්සේ ගෑවී ගිය "හැනෝයි කෝච්චිය"
මා එහි ගමන් ගන්නා විටත් මාර්ගය දෙපසින් පොලිස් මාර්ග බාධක යොදා කිසිවෙකුටත් දුම්රිය මාර්ගයට ඇතුලු නොවන ලෙස පොලිස් නිලධාරීන් පවසා සිටියත් දුම්රිය පැමිනීමට පැයකට පමන පෙර ඒ සියලු බාධක ඉවත් කොට සංචාරකයින් සදහා දුම්රිය මාර්ගයට ප්රවේශ වීමට අවසර ලබා දෙන්නේ දුම්රිය මග දෙපස ඇති කුඩා කඩපිල් වෙත ගොස් මොහොතක් ගත කිරීමට එහි පැමිනි සංචාරකයන්ගේ අත්පොලසන් මැදයි.
විවිධාකාර වූ සැරසිලි සහ මෝස්තර වලින් හැඩ ගන්වා තිබූ කුඩා කඩපිල් සෑම එකකම පාහේ ආහාර ගැනීමට සහ වාඩි වී දුම්රිය පැමිනෙන තෙක් රැදී සිටීමට කුඩා පුටු තබා තිබෙන්නේ දවස පුරා එහි පැමිනෙන සංචාරකයින් වෙනුවෙනුයි. මාද ඉන් එකක අසුන් ගත් අතර දුම්රිය පැමිනෙන තෙක් බීම වීදුරු කිහිපයක් පානය කරමිනුයි. ඈතින් හූ හඩ නංවමින් පැමිනි දුම්රිය සැබැවින්ම කඩ පිල් අතරින් රිංගා ගියේ එහි රැදී සිටි සංචාරකයින් අමන්දානන්දයට පත් කරවමිනුයි. මක්නිසාද යත් උරහිස සහ දුම්රිය අතර ඇති ඉතා අඩු ඉඩත්,දුම්රිය ගමන් ගන්නා මොහොතේ ලබා ගන්නා ජායාරූපයක ඇති වටිනාකමත් එහි පැමිනෙන සංචාරකයන්ගේ සංචාරක ජීවිතයේ අමතක නොවන අත්දැකීමක් ද වන නිසාවෙනි.
දුම්රිය ගොස් සුලු මොහොතකට පසු නැවතත් සුපුරුදු පරිදි මාර්ගය වසා තබන අතර මාද "train street" එකට සමු දී පිටත් වූයේ මීලග ගමනාන්තය වෙතයි.
මාගේ මීලග ගමනාන්තය වූයේ හැනෝයි නගරයේ ඇති හමුදා කෞතුකාගාරයයි. ඇමරිකානු හමුදා විසින් ගුවනින් හෙළන ලද විශාල බෝම්බ සහ වියට්නාම් හමුදාවේ තිබූ යුධ උපක්රම පිලිබද මනා අවබෝධයක් ලබා ගැනීමටත් ඒවා සියැසින් දැක ගැනීමටත් මා හට එහි දී හැකි විනි. තවද වියට්නාම් හමුදාව විසින් අත්පත් කරගත් ඇමරිකානු අවි ආයුධ පිළිබදවත් වියට්නාම් බිමේ දී ඇමරිකානු සොල්දාදුවන් මරා දැමීමට ඉදි කොට තිබූ වනගත උගුල් පිළිබදවත් දැනුමක් ලබා ගැනීමට "හැනෝයි හමුදා කෞතුකාගාරය" ඉතා කදිම තෝතැන්නකි.
හමුදා කෞතුකාගාරය තුල දහවල් කාලය ගත කල මා එහි ඇති පැරණි සහ නවීන ගොඩනැගිලි සහ අවි ආයුධ සියල්ල නරඹා අවසාන කොට ඉන් පසු ගමන් ගත්තේ වියට්නාම් සිර කදවුරක් වෙතයි. ප්රංශ ජාතිකයන් විසින් ඉදි කොට තිබූ එම සිර කදවුර සැබැවින්ම වධකාගාරයකට සමාන එකක් වූ බව ඒ පිළිබද වව්නයක් හෝ ලිවීමට පෙර කිව යුතුමය.
වියට්නාම් යුධ සිරකරුවන් සහ දේශපාලනික වශයෙන් සිර භාරයට ගත් අයවලුන් සිර කොට තැබිමට අතීතයේ යොදා ගෙන තිබූ අතර ඉතා විශාල පවුරකින් වට කොට ඇති සිර කදවුර තුල කුඩා සහ මහා පරිමාණයේ සිර මැදිරි මේ වන විටත් දැක ගත හැකිය. ඉතා විශාල සිරකරුවන් සංඛ්යාවක් මෙම සිර කදවුර තුල දී මිය පරළොව ගොස් ඇති බවත් ඔවුන් ඝාතනය කිරීම සදහා යොදා ගන්නා ලද ගෙල කදෙන් වෙන් කල හැකි චිත්රපට වල දී පමනක් මා දැක ඇති පෝරකයක් ද මෙහිදී දැක බලා ගැනීමට මා හට හැකි විනි.
සිර කුටි තුලත් සිර කදවුර තුලත් සවස් වන තෙක්ම රැදී සිටි මා රාත්රි කාලයේ දී සංචාරය කිරීමට යොදා ගත්තේ වියට්නාමයේ පැරණි නගරයයි. පැරණි මාර්ග සහ වෙළද පොළ වලින් පිරී ගිය මෙම ප්රදේශය සංචාරකයින්ගෙන් සෑම විටකම පාහේ පිරී පවතින්නේ එම ඉසව්වත් සංචාරක ගමනාන්තයක් වී තිබීම හේතුවෙනි.
මගීන් රැගෙන යා හැකි ලෙස සකසා ඇති බයිසිකල්, ලී කද කරේ තබාගෙන වෙළදාම් කරමින් එහා මෙහා යන වෙළෙන්දන්, වියට්නාමයට ආවේනික හිස් වැසුම් වලින් සැරසී ගත් වෙළෙන්දන් මෙහි දී ඉතා සුලභව දැක ගත හැකිය. ලෝකයේ ඇති ඕනෑම ජනප්රිය සන්නාමයකට අදාල ඇදුම් ආයිත්තම් මෙහි දී ඉතා අඩු මුදලට අලෙවි වන අතර කෑම බීම වලින් ද කිසිදු අඩුවක් නොමැති වීම මේ ඉසව්ව මෙතරම් සංචාරකයන් පිරිසකගේ ජනප්රියත්වයට පත් වීමට හේතු සාධකය වූවාට සැක නැත.
රාත්රි වන තෙක්ම මා එහි රැදී සිටි අතර රාත්රි ආහාරයද ලබාගත් පසු නැවතත් මා රැදී සිටි හෝටලය වෙත ගමන් ගත්තේ මද විවේකයක් ලබාගෙන හෙට දිනයේත් උදෑසනින්ම හැනෝයි සිට කිලෝමීටර් තුන්සියයක පමන දුරින් පිහිටි "කිං කොන්ග් ගම්මානය" දක්වා ගමන් කිරීමට සැළසුම් සකස් කරමිනුයි.
මහා වනාන්තරයක බට ඔරුවක නැගී හිරි ගල් ගුහා අතරින් කිං කොන්ග් ගම්මානය වෙතත්, දකුණු ආසියාවේ උසම තඹ බුදු පිළිමය වැද පුදා ගැනීමටත්, වියට්නාමයේ ඇති උස කදු මුදුනක ඉදි කොට ඇති කුඩා පැරණි පංසලක් සොයා යාමටත් මීලග රූප රචනාවෙන් මුන ගැසෙමු.
එතෙක් "ආයුබෝවන්" මම දිනේෂ්.
➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖
Instagram - / dinesh_a_pathum
➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖
“Copyright @ [Dinesh A Pathum 2024]. Any illegal reproduction of this content will result in immediate legal action.‼️“