أهم خمس نصائح للحفاظ على طقم الديبرياج في السيارة

#طقم_الديبرياج
المحافظة على طقم الديبرياج في العربية بتاعتك وازاي يعيش معاك لأطول فترة ممكنة تمتد لسنوات عديدة تابع معايا الفيديو للآخر
معاكم هاني من قناة افكار جديده جدا
طقم الديبرياج هو الجزء المسؤول عن نقل الحركة من الموتور للفتيس أو الجيربوكس زي ما بتسميه
وبينقل الحركة دي بطريقة مرنة ومتدرجة عن طريق رفع قدمك من على دواسة الديبرياج تدريجيا
وممكن ينقلها قفش مرة واحدة عن طريق خطف الديبرياج مرة واحدة، ده لو انت حابب تعمل امريكاني او تخمس بالعربية وتخرب الدنيا والعربية مع بعض.
ما علينا من موضوع التخميس والامركة خلينا بقى في موضوعنا وايه اهم نصايح ممكن نقولها عشان نحافظ على طقم الديبرياج بتاعنا .
النصيحة الاولى
حاول تمشي قدر الإمكان في طرق مفتوحة وفاضية وبلاش الطرق المكسرة واللي كلها مطبات او زحمة، يعني ممكن تمشي في أوروبا أو تطلع كوكب تاني احسن
لان كتر الدوس على دواسة الديبرياج وفصل الحركة ووصلها بيسبب تأكل في الكلتشات على المدى البعيد، يعني حاول قدر الإمكان تقلل من استخدامك لدواسة الديبرياج في عدد مرات الضغط عليها وفي طول وقت كل ضغطة، يعني قلل العدد والوقت قدر الإمكان.
النصيحة التانية
اوعاك تزود بنزين جامد وانت دايس ديبرياج ولا تدوس ديبرياج وانت دايس بنزين، لان الحركة دي كافية انها تنحر الاسطوانة جدا في اقل وقت ممكن، يعني بلاش تدي عربيتك لحد مبيعرفش يسوق.
اما النصيحة التالتة
متخليش رجلك دايسة على الديبرياج فترة طويلة لو انت ماشي بقوة دفعة العربية لوحدها سواء داخل على مطب او بتهدي سرعتك،
او او كنت واقف في اشارة او واقف بتكلم حد.
الافضل في المواقف دي انك تخلي عصا السرعة على وضع المور وتسيب الديبرياج والبنزين خالص واستخدم اي فرملة في تثبيت العربية.
وبالنسبة للعربيات الاتوماتيك خلي عصاية الفتيس على وضع N مش توقفها بالفرامل وهي على وضع D ، لان ده غلط، لانك كده بتحرق في طقم الديبرياج برضو، يبقى العربيات الاتوماتيك خليها على N وانت واقف في الاشارات او غيرها مش D
النصيحة الرابعة
متمشيش الا على الغيار المناسب لسرعة العربية
يعني متبقاش علي سرعة ٤٠ وتمشي على الغيار الرابع او الخامس
ولا تبقى على سرعة ٨٠ وتمشي على التالت او التاني لانك كده بتضر كل القطع الميكانيكية في العربية مش بس طقم الديبرياج والفتيس.
وكمان متزودش السرعة بشكل مفاجيء وزود سرعتك تدريجيا حتى لو كان وراك طيار عايز يعديك.
النصيحة الخامسة
وانت واقف على مطلع بلاش تعتمد
على الديبرياج في تثبيت العربية. بمعنى
ان في ناس بتبقى واقفة على مطلع والعربية دايرة وواخدة غيار ودايس ديبرياج للنص عشان العربية تثبت في مكانها ولا تطلع ولا ترجع ولا تبطل
وبيفضل على الوضع ده ثواني او حتى دقايق
ودي اكبر جريمة ممكن نرتكبها في حق طقم الديبرياج بتاعنا، والصح انك توقف العربية بالفرامل والفتيس على وضع المور

[@mohammednasser70]

ممتاز

[@mahmoudfekry5386]

ربنا يباركلك ويجازيك خير يارب

[@alparslan3513]

بارك الله فيك

[@aouadmohammed10]

شكرا اخي العزيز على المعلومات القيمة

[@user-up9gr1if1s]

بارك الله لك ا هانى

[@yugieslam7182]

اللف شكر يا بشمهندس

[@ahmedhamdy3944]

الله يبارك

[@karamkeke5661]

تسلم

[@dr.wesamtaha1202]

بالتوفيق

[@safishawa5720]

احسنت

[@MrGamal-gt7xj]

تمام

[@user-ew2jw2oj8x]

بارك الله فيكم جميعا

[@samyalmasry2792]

شكرا على هذه المعلومات ماهو العمر الافتراضى للطقم الدبرياش لانى بعمل بهذه النصائح وبغير الطقم كل سنة تقريبا

[@HanyMoh2017yt]

العربية معايا من ٢٠١٧ ومغيرتش لها الطقم حسب شغلك وحركة العربية والطرق ونوع الطقم والتقفيل تمام ولا شغل تعبان

[@user-ss4qy7zd8i]

لو ترس الفولام بيعمل هزه بسيطه في بدايه الحركه مع العلم لسه مغير ديسك واسطوانه اصلي هل اخرط الترس عند الخرط للتسويه ولاا اجيب ترس جديد العربيه فيرنا

[@HanyMoh2017yt]

مقدرش افيدك، لان مليش تجربة مشابهة، غير انك تاخد رأي الصنايعي اللي شايف الدنيا قدامه افضل

[@midoelsharkawy1338]

بازن الله وانت معدي عاوز اشوف رائحه الحريق الني

[@ahmadabdelwahed7042]

طب هو الحرق علي الغيار بيضر الاسطوانة؟

[@HanyMoh2017yt]

وانت ليه تحرّق على غيار الضرر الاكبر على الموتور، اللي هو اهم من طقم الديبرياج كله لان لو ماشي على غيار قليل بسرعة عالية فترة طويلة هيسخن اكتر بسبب ان الهوا المقابل هيكون ابطأ يبقى ممكن اه تقرص ثواني على الغيار بين النقلة والتانية، انما متمشيش عليه علطول طالما هترفع سرعتك للأخر

[@user-jf8vf7ry2d]

اعمل ايه في صوت الشخلله من عند الديسك والاسطوانه مع اني غيرتهم

[@HanyMoh2017yt]

زمانك حليتها بس اتوقع انك مغيرتش البلية

[@user-jf8vf7ry2d]

@@HanyMoh2017yt كنت في انتظار رد حضرتك على كل حال كله بقي تمام ربنا يوفقك

[@HanyMoh2017yt]

@@user-jf8vf7ry2d معلش في تعليقات كتير مبيوصلش بها اشعار وبشوفها بالصدفة

[@user-xh2eb7rk1t]

@@user-jf8vf7ry2d عملت ايه فى صوت الشخلله

[@hemaelkfrawey1308]

كل ما ادوس دبرياج العربيه تبطل

[@medobasha8717]

دورها تاني هههههه

[@HanyMoh2017yt]

ممكن بك السلانسيه او السيرفو بينفس

[@user-yk9ut2xg4j]

كل الكلام اللي حضرتك قولته يااستاذ هاني كلام جميل جدا بس في حاجه هي مهما عملنا مانقدرش نحافظ علي طقم الدبرياج فيها الا وهي انك تبعد عن الزحمة ودي من رابع المستحيلات كل الطرق زحمة وتحديدا القاهرة والجيزة وعلي راي حضرتك نروح نعيش في كوكب تاني ،😁😁😁

[@HanyMoh2017yt]

فعلا الطرق بقت زحمة جدا جدا اخر شهرين كده بالذات عندنا المنصورة فظيعة وممكن تمشي ٢ كم في ربع او نص ساعة والله كل شوية

[@user-yk9ut2xg4j]

@@HanyMoh2017yt للاسف .بس هو ممكن تكون المدارس

[@HanyMoh2017yt]

@@user-yk9ut2xg4j والجامعة والموظفين المنصورة بقت زي القاهرة والجيزة تقريبا لان طرقها ضيقة المحلة والغربية عموما بقى زحمة بس طرقها واسعة وقليل لو الطريق وقف

[@user-ht6uc8bs2v]

تسلم