Рет қаралды 14,216
በረታሁ
ከመኝታዬ ስነሳ
ማለዳ ከአልጋዬ ስወርድ
ትናንት እንቅልፍ ከነሳኝ
ከሃሳብ ጓዜ ጋር ልነጉድ
የየዕለቱ ምግቤን
ምህረትህን አቃልዬ
ደግሞ ነጋብኝ አልሁኝ
አንተው ላይ ፊቴን አጥቁሬ
ያልታዘዘልኝ ሸክም
በጣም ስለተጫነኝ
ይህ መያዣ የሌለው ክብደት
እንዳጎበጠኝ አዋለኝ
ሸክሜ እጅግ አስጎንብሶኝ
ማየት ስለተሳነኝ
ካገኘሁት ስላተም
ስነጫነጭ አዋለኝ
እቤቴ በግዴ ገባሁኝ
አልጋዬ ላይ ቁጭ አልሁ
በጸጋህ ብርታት ነቃሁ
ቃልህን አነሳሁ
አቅሜን ተረዳሁ
በእኔ ጣለው ስትል ሰማሁ
በድንገት እርፍ አልሁ
የከበደኝን ሁሉ ጣልሁ
በረታሁ!
በእጅህ በመንፈስ በኃይል
በረታሁ!
ከእንቅልፌ ስነቃ
ስጀምረው ቀኔን አዲሱን
ትናንት በእርዳታህ የተወኝ
ዳግም ተነሳ ሊያደርግ ልማዱን
የየዕለቱ ምግቤን
ፍቅርህን አጣጥሜ
እሰይ ነጋልኝ አልሁ
ጭንቀቴን በአንተ ጥዬ
ትናንት ያጎበጠኝን
እረፍት ያሳጣኝን ሁሉ
ከአዕምሮዬ ወሰድኸው
ሰላም ሞላኸኝ በምትኩ
አንተ የሰጠኸኝ ሰላም
አዕምሮዬን ስላለፈ
ፈገግታዬ ደመቀ
ደስታዬ ለሁሉ ታወቀ
ደስታዬ የገረማቸው
ጥያቄ ፈጥሮባቸው
አልዋጥ አላቸው ለውጤ
ሰላሜ ታዬ ከውስጤ
ሚስጥሬን ገለጥሁ እንዲሁ
ሰላም ለተጨነቀ ሁሉ
ምንጩ ከላይ ነው በነፃ
ሸክምን ከትከሻ የሚያነሳ
ህይወቴ በሠሪው እጅ ነው
ጉዳዬ ያለው እግዜር ቢሮ ነው
ህይወቴ በሠሪው እጅ ነው