حصاد 2024 - عام الاكتشافات الكبيرة والأهداف الثقيلة

[@RawanAhmed-hs8ob]

بصراحة الورق حاجه تانية خالص واحساس مختلف ❤

[@abeer2663]

حبيبتي يا انجي بالتوفيق في عامك الجديد يارب ،، أنا من غزة عام 2024 من أسوأ سنين حياتي بدون تفاصيل حزينة ، مع اني بحب التخطيط كتير بس ما كان عندي اجندة مع اني كنت حموت وأشتري اجندة مفكرة بتصاميمها المميزة( كنت في بداية العام نازحة بعيد عن بيتي وكنت كل يوم ازعل اني مش بكتب مهامي واتبعها ) بس بعدين قدرت اني اكتب قائمتي اليومية في دفتر صغير ومع هيك بتديت اعمل habit tracker لمدة 6 شهور وكل مرة نظام جديد مرة colour coding مرة elastic habits وحاولت ادخل عادات جديدة ( تحديات حقيقي) في ظروف الحرب وكنت مصممة انها تكون Reference point الي ان شاءالله في المستقبل في السلام واتذكر اني عملت التحدي دا في الحرب ليه ما اعملو في السلام والأمن بالإضافة لأجرأ قرار عملته هو دارسة التسويق الالكتروني كcareer shift بعد ما كنت معلمة لاكتر من 10 سنوات ،، وطبعًا الهدف دا مكمل معاي لانه محتاج دراسة وتطوير مستمر ،، شكرًا الك محبتك من غزة ❤

[@IngyAgenda]

برافو عليكي،، اصرارك مبهر حقيقي... ما تضغطيش على نفسك عموما وحاولي تركزي في اللي يريحك قبل اي شيئ في الظروف دي.. انا عارفة ان اكتر حاجة حتريحك هي التخطيط لانه بيدي احساس انك مسيطرة شوية وسط ظروف مجنونة، لكن ما تعنفيش نفسك لو لخبطتي شوية او تعبتي، واستأنفي تاني عادي جدا،،، وربنا معاكي حبيبتي ومعكم جميعا،، قلوبنا ودعواتنا معاكم ما بتفارقكمش ابدا رغم قلة الحيلة ووجع القلب.. ربنا يزيح الغمة وينصركم وينجيكم يا رب ❤️

[@FawziyaAlHarthi]

آمين يارب العالمين

[@عبدشراب-و7ب]

وأنا أيضا أتابعك من غزة

[@IngyAgenda]

@عبدشراب-و7ب الله يحفظكم جميعا

[@omayat7473]

فعلا برافو.. ربنا ينصركم و يقويكم و يجازي صبركم الفردوس الأعلى يارب

[@niveenmohy6341]

كل سنه وانتى بألف خير منتظره الفيديو جه فى وقته، الورق له سحر لايقارن بالكتابه الالكترونيه

[@rachidaezzyani90]

صباح النور والسرور ❤❤..انا بحب الورق أكثر 😊

[@Encyc_space]

حتى لو الفيديو نصف ساعة .. بحب اسمع انجي بهدوء و تركيز و استمتاع و استفادة كبيرة من التركات و الملاحظات اللي بتقوليها يا انجي ❤❤❤ ازداد لكِ احتراماً مع كل فيديو و كل مشاركة ليكي على السوشيال ميديا .. 😊

[@meryryan3273]

متابعتك من المغرب كنت ابتديت الأهداف من بداية السنة والحمد لله طريقتك كانت رائعة لكنني توقفت عن متابعة أهدافي في شهر ١١ و١٢ لأنني ولدت الحمد لله

[@IngyAgenda]

حمد الله على سلامتك، الف مبروك حبيبتي

[@meryryan3273]

@IngyAgenda شكرا جزيلا ❤️❤️❤️

[@samah987]

اتمنى لكي ولمجتمع أجندة سنة سعيدة ومليئة بالنجاح والتميز ❤

[@_RAMAN_]

انا سنتي كانت سنة غريبة عجيبة بلشت بانقطاع الكهرباء بليلة ١٥ يناير و ما اجت غير قبل كام يوم و لساعات قليلة للأسف رجعنا للعصر الحجري و صرنا نسخن المياه عالحطب للاستحمام و غسل الثياب و رجعنا نغسل الملابس باليد و سقط النظام قبل نهاية العام كان عام ما يعلم بيه الا ربنا 😂

[@IngyAgenda]

لا حول ولا قوة الا بالله، ربنا يستر ويصلح الاحوال يا رب

[@somayataha7917]

شكرا شكرا 🎉❤ حقيقي انا استفدت جدا جدا بتمنالك كل التوفيق و السعادة ❤❤❤

[@AyaMBayomi]

ممكن لو بتستخدمي اسلوب معين لتنظيم كتابة وصنع المحتوى سواء ورقي أو رقمي تتكلمي عنه في فيديو بالتفصيل؟

[@zizizaza7876]

فيديوهاتك راحة نفسية ❤🇩🇿

[@IngyAgenda]

🥰🥰

[@ellenramzy33219]

عنوان للحلقة موفق جدا

[@NouraYousfat-d6d]

شكرا اختي انجي الله يوفقنا جميعا كل ع م وانتم بالف خير

[@amiraelkoot8307]

كل سنه وانتي طيبه ياانجي ❤سنة سعيدة عليكي يارب ❤ياريت ياانجي فعلا تفكر ي في طرح اجندتك السوق بصراحة هي رائعة ومحدش بيعرف يطبعها بره 😢

[@hramadan68]

السلام عليكم ورحمة الله وبركاته جزاك الله خيرا وبارك الله فيك على الطرح الأكثر من رائع

[@Creative.everyday]

كل عام وانتم بخير عام جديد سعيد بالتوفيق والنجاح الدائم لك ولقناتك إن شاء الله

[@mariannaguer3418]

كل سنة وانتى طيبة يا عشرة سنينى❤الزرع جميل و بيحس بالاهتمام ⚘️

[@IngyAgenda]

اتمنى ما يكونش زعل مني علشان انا جربت فيه وبهدلته كتير قوي السنة دي 😅

[@Nour-qv7zo]

كل عام وانت بخيرر وجزاك الله خيرا ما تطولي الغيبة كتير متابعتك من لبنان

[@MikyyZariihjbjukuw]

جرعه جمال واحترام ونقاء وهدوء انتي الركن الهادي بتاعي بجد ❤❤ سنه سعيده عليكي وعلي اسرتك المحترمه يارب ودايما ناجحه ومحققه كل احلامك واهدافك واكتر تستاهلي اكتر بكتير دمتي نعمه فحياتي و كل سنه مع بعض

[@IngyAgenda]

كل سنة وانت طيبة ومرتاحة وقمر كده على طول 😘

[@hope8718]

كل عام و انتي بألف خير☺️🌹🙏🏻

[@Wahag10]

ياريت تنزلي اجنداتك السوق ❤❤

[@وصاياامي-ه4ت]

اهلا انجي اهلا بالتنظيم كنت وعدتيني بنسخة للتحميل في انتظارها بفاااارغ الصبر و بحاجتها جداااا

[@IngyAgenda]

نزلت من زمان في القناة

[@وصاياامي-ه4ت]

@IngyAgenda 2025؟

[@IngyAgenda]

@وصاياامي-ه4ت اه في صفحة الcommunity

[@sabahshems3596]

السلام عليكم ورحمة الله كل عام وانتم بالف خير

[@eman45]

بالنسبه لهدفك الدينى انا كان عندى نفس الهدف بالظبط التفسير والتدبر وهقول لحضرتك اللى ساعدنى عليه وهو هدف مكمل مش بيخلص فعلا فيه حبه ادوات كدا بتساعد ع التدبر لو صح نسميها ادوات يعنى ( متابعه سلاسل التفسير لدكتور احمد عبد المنعم ع قناه أنه القرآن) كنت بختار بلاي ليست مثلا سوره الانعام واسمع حلقه كل يوم واشغل السوره كامله كل يوم دا كان مناسب لى في وقت مع الاوقات واتعلمت كتير وبقي عندى رابطه بكلام ربنا فعلا اداه تانيه كتاب اسمه( القران تدبر وعمل) دا راءع مافيهوش تفسير كتير ولكن فيه ازاى نعمل بالايات ونتدبر فيها اداه تالته و هى قناه ع يوتيوب ساعدتنى في الحفظ كمان جدا لانى بنسي بحكم طبيعه المرحله اللى انا فيها معنديش تركيز فعلا وع الرغم من كدا قدرت اربط الايات والصفحات وافهم وأتدبر بدون توسع اوى وهى قناه ممتازه لكل الناس الصراحه سواء هيحفظ او لاء لان فيها فهم ميسر وذكر للأحداث باختصار وهي ( قناه امل ثابت ع يوتيوب ) اخر حاجه اشتركت في منصه اهل القران في مجموعه بتاخد صفحه بس في الاسبوع حفظ وتدبر وتفسير

[@IngyAgenda]

شكرا جزيلا على الاقتراحات، حاشوفها كلها ان شاء الله.. انا الحاجات اللي على يوتيوب بالذات بابقى حذرة جدا معها،، الاتجاهات كتير والتفسيرات كتير ولازم ابقى عارفة انا باسمع لمين وتوجهه ايه، ده مهم قوي علشان ما نقعش في مطبات احنا في غنى عنها... حاشوفهم كلهم، الف شكر..

[@هاجرناصر-ت1د]

مجموعة اي الي حضرتك مشتركة فيها عشان عاوزة ادخلها؟

[@eman45]

@ العفو 🌸ان شاءالله تستفيدى باذن الله ودكتور احمد ناقل عن تفسيرات العلماء

[@Marwa1311]

كل سنه وانتي طيبه يا انجي ❤ ممكن تنزلي فيديو عن ازاي اخطط الوجبات لان الموضوع ده مأزمني عاوزه اوفر وقت بدل كل يوه نسأل هنتغدي ايه 😅

[@IngyAgenda]

اتكلمت عنه فعلا في فيديو من فترة عن ازاي عملت بلانر لادارة البيت وفيها كان قسم لتخطيط الوجبات.. كان فيه الطريقة اللي باحب اتبعها لتخطيط الوجبات، مش تفاصيل كتير لكن افكار مبدئية ممكن تساعد

[@Marwa1311]

@IngyAgenda ادور علي الفيديو إن شاء الله واشوفه شكرا يا انجي 🥰

[@IngyAgenda]

@Marwa1311 عفوا... حتلاقيه من مدة شوية اسمه بلانر البيت، بس ما اعرفش احط لينكه هنا اللينكات مش بتشتغل في التعليقات

[@hramadan68]

هذه قناة تفيدك في التدبر

[@sel08152]

فيديوهاتك علمتني الكثيرشكرا لك

[@Profmahmoud69]

مساء النور

[@aichamecheri9641]

كل سنة وانتي بالف خير ❤❤❤❤❤❤❤

[@eman45]

صباحك جميل ❤ انا متابعه السلسله الواحده بعيد وازيد في سلسله تنظيم الوقت للامهات 😅 انا حقيقي بحبك ❤❤❤

[@IngyAgenda]

😁😁🥰🥰

[@silence4972]

ممكن يا انجي توضحيلنا في فيديو طريقة الداتا بايز في نوشن يعني كيف نظمتي الكتب ورتبتيها على نوشن وهل رتبتيها حسب المجالات او حسب الاحجام والالوان

[@IngyAgenda]

حاعمل عنها فيديو ان شاء الله، الترتيب عموما حسب الموضوع والمجال

[@_RAMAN_]

وفقك الله😊

[@dinaplans1903]

ممكن تفاصيل اكتر وجولة في ورق التخطيط والخطوات لهدف أنك تقدمي كورس 💜

[@IngyAgenda]

المسألة مش مستاهلة كورس خالص، الموضوع ابسط كتير،، التخطيط فكر مش ورق،، وعملت عنه فيديوهات كتير عموما في القناة

[@dinaplans1903]

​@@IngyAgenda انا فاهمة لا مقصدش كدة انا سؤالي عن هدف اتكلمتي عنه في الفيديو من أهدافك ٢٠٢٤ انك قدمتي كورس خاص بشغلك وكان له ورق مخصوص لتفصيل الهدف دة ،، كنت بسأل عن خطوات تنفيذ الهدف دة ❤

[@IngyAgenda]

اه ده كان محتاج تحضير فكنت باحدد الوقت المتاح امامي والمادة اللي حاقدمها وبدأت ابحث عنها وانسق مع زملائي، وادور على مراجع وعيني على الاجندة علشان الوقت ما يسرقنيش.. وطبعا الخطوات تتكب بدقة، ماكانتش خطوات كتير بس كان فيه اجراءات ادارية محتاجة اتابعها واتأكد اني بانفذها في وقتها فكان لازم اخد بالي منها ومن مواعيدها،، مشروع زي ده تخطيطه عبارة عن ترتيب وقته مع تسجيل للمصادر اللي محتاجاها، ده كان اساس الورق بتاعه.

[@silence4972]

الفيديو بجنن وكنت منتظراه❤️ متباعة قناة أجندة منذ 8 سنوات منذ ان كنت في الجامعة واليوم أم سبحان الله الأيام كيف تتسارع. اجندات المشاريع تجنن راح انتظرها لحين تصبح قابلة للتحميل. يالا نكمل الفيديو الرائع 😍

[@IngyAgenda]

❤️❤️❤️

[@olaibrahim6245]

كان نفسي تدخلي اكتر في تفاصيل الماسكات للبشرة 🎉

[@IngyAgenda]

مش باعمل ماسكات، بس عموما دي قصة تانية خالص بس مش مجال القناة 😁

[@mennaibrahim4165]

احلي بريك من الامتحانات اشوف فيديو جديد ليكي❤

[@IngyAgenda]

ربنا يوفقك ان شاء الله 😍

[@mennaibrahim4165]

@IngyAgenda يا رب كنت بردو عايزة اسألك علي التقييم اليومي السنة اللي فاتت كنت بجاوب علي ٣ اسئلة يوميا بس زهقت وبطلت بعمل تدوين لتفريغ الافكار والمشاعر وكده وفي تقييم اسبوعي وتقييم يومي لل to do list نسبة الانجاز المئوية مش عارفة التقييم اليومي اعمل فيه ايه لأني حاسة انه مهم بس من تجربتي صعب الالتزام بيه مع التدوين هل اكتفي بموضوع المسبة المئوية ومرجعش لموضوع الأسئلة؟ ولا في افكار تانية ممكن تناسبني؟ ونقطة كمان معلش هو انا ينفع اخلي اهدافي عبارة عن عادات بسيطة فقط؟ نابعة من اهداف كبيرة معرفتش احققها لأنها كبيرة عليا ولو قابلني هدف خارج متتبع العادات اعمله كمشروع بطريقة SMART والتزم بنفس العادات بدون تغيير او اضافة فيها بحيث تكون اقل القليل والتزم بقا بدل ما انا بعجز نفسي كل مرة لدرجة بفقد السيطرة و مبعرفش حتي اتتبع واجمع داتا اقيم علي اساسها

[@IngyAgenda]

التعليق مش راضي يطلع من بعد اول سطرين يا منة انا اسفة مش شايفاه،،، بالنسبة للتقييم اليومي انا مش باعمله، انا باعمل اسبوعي وشهري، يومي بس باتأكد اني باسجل في الاجندة اي عادات في الجدول واني باعمل اللي مكتوب فيها

[@mennaibrahim4165]

@@IngyAgenda هحاول اكتبه تاني

[@mohamedsedeq4516]

فيما يتعلق بالنظام في أول الفيديو، لو حبينا نقول الخطوط العريضة لبناء النظام ما هي؟ كتابة الأهداف تحويل الأهداف إلى مهام المواعيد (الثابتة، ومواعيد تحقيق الأهداف). المتابعة للأهداف التقييم هل ممكن نعدل في الخطوط دي أو نضيف شيء؟ وهل فيه فيديو مجمع للفكرة؟ شكرا جزيلا

[@IngyAgenda]

فيه فيديو فعلا من الحاجات القديمة في القناة لكن اساسية وبابني عليه طول الوقت، اسمه اربع عناصر اساسية للتنظيم،، وواحد تاني اسمه اصنع اجندتك بنفسه، كان وراه على طول،، بالنسبة للتعديل ده ممكن طبعا، تضيف وتغير زي ما تحب، بس الاول ادي نفسك فرصة تكتشف احتياجاتك ده مهم جدا علشان لضافة اوراق وعناصر عملية مغرية جدا، فمع الوقت ممكن جدا نتوه ونتلخبط ونكتشف ان الورق مش شغال. ده اللي بيخلي ناس كتير تزهق من التخطيط، مراعاة الاحتياجات الحقيقية اهم عامل لنجاح التخطيط

[@محمداحمد-ج6ن1و]

ميزانية و مصاريف أدوات التخطيط فقط هي مزانية ضخمة.. كان الله في عونك

[@IngyAgenda]

مش بالنسبة لي،، اجندتي انا باعملها، فعليا مش باشتري اجندات بقالي سنين الا حاجة واحدة للامتنان لاني باحب اعمله في حاجة جاهزة،، التخطط ورقة وقلم مش محتاج ادوات غالية ولا كتيرة...

[@وصاياامي-ه4ت]

عشقي الورق

[@eman45]

انا بحب التخطيط اوى من وانا صغيره بس حياتى طبعا حاليا في الخلاط 😅

[@proofkbm]

يعطيك العافية ...الاجنده الشهرية من وين تشتريها؟

[@IngyAgenda]

في مصر بتنزل في محلات الادوات الكتابية من شهر نوفمبر لاول السنة

[@samah987]

فيديو اليوم؟

[@IngyAgenda]

يناير اجازة، محتاجة وقت لتخطيط السنة وباصور كمية من المحتوى الجديد

[@hudanoor1105]

حلو أوي 😁😁 نبتدي ازاي بقى انا عايزة اخطط بس مش عارفة

[@IngyAgenda]

سلسلة التنظيم ١٠١

[@Gol3_hof888]

هدف مجتمع اجندة هل فكرتي ان تنقليه للتيلجرام ؟

[@IngyAgenda]

فكرت فعلا في تليجرام وجربت البرنامج لفترة وازاي ممكن يستخدم ويتقسم، لكن ماكانش عملي قوي، استخدامه بالطريقة اللي كنت عايزاها كان حيبقى صعب شوية لانه مش مجموعة واحدة دول كتير..

[@salmabbb1334]

انجي انا الانستغرام اخذ كل وقتي لا قدر نزعه كليا لانو في حاجات احتاجها لكن غير هذا اضيع وقت كثير فيه ممكن اعمل ايه؟؟

[@IngyAgenda]

حاولي تشيليه خالص من الموبايل، ولو لفترة لحد ما تتعودي على عدم وجوده وبعدين رجعيه تاني، اعتقد ان اي حاجة ممكن تحتاجيها عليه ممكن الاستغناء عنها لفترة او تلاقي لها اماكن اخرى... بس الموضوع مستاهل فعلا المحاولة.. دي انفع طريقة... انا جربت قبل كده اعمل منبه بعد فترة واقفل التنبيهات، لكن مافيش اي حاجة بتنفع حقيقي زي انك تلغيه تماما لفترة.

[@rababmohamed1936]

اذا فكرتى فى صفحه الفيس وادارتها انا ممكن أساعدك ❤

[@IngyAgenda]

ان شاء الله

[@Fatima_Alansari]

حبيبة قلبي عندي سؤالييارب تفيديني فيهم انا كان عندي هدفين في السنة اللي فاتت و عملت خطوات بسيطة جدا ولكن مش ملتزمة في عملهم فهل ابدأ ادخل هدف ثالث عليهم و الا الافضل استنى عليهم لغاية ما اثبت عليهم اكثر لأنهم مشاريع طويلة الشيء الاخر عندي كورس علاجي ومن ضمن المهام اللي لازم اعملها الرياضة ورغم معرفة الفوائد الكتير جدا الا اني بحس انه اوقات كتيرة مش لاقية وقت اعملها او بنساها او بتكاسل عن عملها فهل في طريقة ممكن تخليني اثبتها كعادة

[@IngyAgenda]

رأيي الشخصي الافضل تنتظري حتى تصلي الى مرحلة ترضي عنها في مشاريعك حتى لو لم تستكمليهم تماما لكن تكون مرحلة متقدمة شوية، خاصة ان زاد عندك بالفعل هدف ثالث صعب هو الرياضى، فلا داعي انك تصعبي الأمور على نفسك بهدف رابع في الوقت الحالي. بالنسبة للرياضة دي تعتمد على المستوى اللي محتاجة تصلي له، هل هي رياضة خفيفة بسيطة زي التمشية مثلا ولا رياضة منتظمة زي انك تروحي الجيم ايام محددة، والافضل دوما انك تمارسي رياضة تحبيها، مش الجيم لانه مزعج فعلا لاغلب الناس. في كل الحالات الرياضة كهدف الان ليست لفوائدها فقط، اطلاقا، انما لانها جزء من العلاج. الفكرة مش في ضيق الوقت ابدا، الفكرة في الدافع.

[@Fatima_Alansari]

الله يجزيك كل خير ويسعد قلبك ويبارك بروحك الغالية يارب تمام هعمل بنصيحتك ويارب يوفقنا جميعا

[@yathrebahmed3193]

❤❤❤❤❤❤

[@Alaalolo-s7f]

ازى اخطط انى اشغل حياتى خصوصا انى مش متجوزة ومفيش اسرة الحياة عبارة عن نوم وشغل فقط

[@IngyAgenda]

الاهداف مش بس اسرية، فيه اهداف صحية، وعائلية تخص عائلتك الممتدة، اهداف مهنية واهداف دراسية،، كلنا عندنا ادوار مختلفة بنقوم بيها في حياتنا وكلنا بلا استثناء عندنا غاية نهائية ان حياتنا تكون "افضل"،، افضل دي لها معاني كتير قوي... معناها عندك ايه؟

[@samah987]

أكملت مراجعة السنة ولكني لحد الآن لم أكتب أهداف السنة الجديدة. لا أستطيع وضع أهداف محددة.. كل ما هو مكتوب اشعر انها مهام ادارية( كما تسمينها 😅) وكذلك المهام ذات القيمة والتي لها علاقة بعائلتي مثلاً او بصحتي: هي عبارة عن مهام واشياء من الممكن عملها لكنها ليست أهداف لها نهاية. هل هذا تشتت؟ ام انني وصلت مرحلة متقدمة بحيث اكمل ما بدأته من تحسين علاقتي بربي وبالعائلة وهكذا ؟ لا استطيع القرار 🙃 هناك هدف واحد فقط وهو بدء الدراسة المهنية لمدة ٣ سنوات وهذا ايضاً ليس اكيد. ان لم يتم عندي بدائل سأعمل عليها والهدف الأساسي هو الحصول على درجة وظيفية جديدة.

[@IngyAgenda]

انا شايفة انها كلها اهداف، الاهداف مالهاش 'نهاية' بالضرورة. كمان انت عندك هدف دراسي بالفعل، ومش لازم ابدا يكون في كل المجالات اهداف بالمناسبة، ممكن تكوني وصلتي لمرحلة انك راضية عن الشكل الحالي لمجالات حياتك في الوقت الحالي.

[@samah987]

@@IngyAgendaاي الحمد لله اغلبها أهداف بدأتها وبقي خطوات بسيطة وتكمل. تطورت طريقتي بالتخطيط وصرت التزم واستمر واصبر عالهدف حتى أحققه. والسنة هذي هدفين تتعلق بي شخصياً والباقي كله أهداف تتعلق بالبيت والاولاد ويحتاجون دعم معنوي ومساعدة مني. أكملت المراجعة السنوية وحددت أهداف السنة 🎉 والآن إلى الإنجاز 💪🏻

[@asmaaelhila5167]

انا كنت عايزه اسالك على حاجه انا في بداية رحلة التخطيط ففي الفتره دي انا مركزه على التخطيط اليومي بس عندي مشكله اذا خطة اليوم باظت مثلا في جزء في نص اليوم بقيت اليوم بيبوظ و يضيع مني و حتى لو رجعت خطط اليوم تاني بحسو برضو مش ظابط و مش عارفه اعمل ايه لان ده بيأثر على خطة الاسبوع

[@IngyAgenda]

لازم اليوم والاسبوع يتساب فيهم وقت فاضي، لان الخطة حتبوظ دي اكيد، دي طبيعة الحياة، الظروف بتتغير، فلازم تعملي حسابها،، التخطيط مش انك تحددي كل ساعة في يومك، التخطيط ان تعملي حساب اللي مش عاملة حسابه.. تسيبي وقت للتأقلم والتعديل لو حصل تغيير،، المرونة هي اساس التخطيط..

[@asmaaelhila5167]

@@IngyAgenda تسلمي بجد ❤ هحاول باذن الله

[@mennaibrahim4165]

@IngyAgenda يا رب كنت بردو عايزة اسألك علي التقييم اليومي السنة اللي فاتت كنت بجاوب علي ٣ اسئلة يوميا بس زهقت وبطلت بعمل تدوين لتفريغ الافكار والمشاعر وكده وفي تقييم اسبوعي وتقييم يومي لل to do list نسبة الانجاز المئوية مش عارفة التقييم اليومي اعمل فيه ايه لأني حاسة انه مهم بس من تجربتي صعب الالتزام بيه مع التدوين هل اكتفي بموضوع المسبة المئوية ومرجعش لموضوع الأسئلة؟ ولا في افكار تانية ممكن تناسبني؟ ونقطة كمان معلش هو انا ينفع اخلي اهدافي عبارة عن عادات بسيطة فقط؟ نابعة من اهداف كبيرة معرفتش احققها لأنها كبيرة عليا ولو قابلني هدف خارج متتبع العادات اعمله كمشروع بطريقة SMART والتزم بنفس العادات بدون تغيير او اضافة فيها بحيث تكون اقل القليل والتزم بقا بدل ما انا بعجز نفسي كل مرة لدرجة بفقد السيطرة و مبعرفش حتي اتتبع واجمع داتا اقيم علي اساسها

[@IngyAgenda]

انا حاسة انك متوهة نفسك بحاجات كتير قوي، يمكن علشان انا باقرأ الكلام مرة واحدة لكن انت حاطة النظام وماشية عليه فبالنسبة لك سهل،، دي عادة التخطيط عموما، كل واحد بيحط اللي بيناسبه، فامشي على اللي يريحك اللي حاقوله هنا بس ده اللي انا باعمله، بالنسبة لي انا مش باحب التقييم بنسب مئوية اصلا، لانه مش بيبين السبب في اني ما انجزتش، لو مشيت عليه حلاقي النسب قليلة قوي وحيجيلي احباط بصراحة، معرفة السبب اهم عندي من اني انجز او لأ، لان ده اللي بيفتح لي افكار ومجالات تانية ماكانتش في الحسبان،، كمان التقييم اليومي صعب ومجهود بيزهق فعلا، علشان كده بالجأ للتقييم الاسبوعي والشهري.. اليومي بيتعمل بمجرد اني اخر اليوم باشوف جداول العادات بتاعتي واتأكد اني خلصت اللي ورايا.. ده لو انا فاهمة كلامك عن التقييم اليومي صح، ممكن يكون هو اللي كتبته بس باسلوب مختلف.. مش عارفة بالنسبة لك كده يكون كافي ولا لأ بس لو حطيتي اكتر من نظام للتقييم ولقيتي نفسك بنزهقي او تلخبطي يبقى محتاجة تعيدي النظر فيهم. بالنسبة للعادات برضه حاسة انك مصعباها على نفسك،، حطي عادات قليلة، تختاريها ازاي ده حسب اولويتهم، ايه اللي له التأثير الأهم دلوقتي.. العادات اهداف برضه مش عارفة ليه الناس بتعتبرها منفصلة، بس هي اهداف، لو اهدافك كلها عادات فهي أهداف طبيعية جدا.. المهم ما تزوديش فيها قوي علشان ما تلخبطيش نفسك وتتوهي.

[@mennaibrahim4165]

@IngyAgenda شكرا جدا

[@ayaallahmagdy9179]

طب يا انجى السنة اللى فاتت كان فيه عادة ليها متتبع والسنة دى اعتبرت انى خلاص اتعودت عليها ف معملتش متتبع فوقعت منى هل ده معناه ان كل سنة هفضل اعمل نفس المتتبعات وازود عليها؟ مش هقلل من المتتبعات؟

[@IngyAgenda]

لو وقعت كنك تبقى ما ثبتتش اصلا،، محتاجة تعرفي ايه اللي حصل مش بس تتابعيها تاني.. ده مهم قوي علشان ما تفضليش كل شوية تزودي عادات وجدولك يكبر لحد ما تزهقي .. الجداول دي مهمتها تفكرك بس فضروري تعرفي العاظة وقعت منك ليه؟ ما ثببتش ليه رغم انك شغالة عليها سنة؟ ولا هي بس فكرة انك محتاجة تذكير؟

[@ayaallahmagdy9179]

@IngyAgenda فيه حاجات محتاجة تذكير وفيه حاجات كنت بعملها عشان اعلمها ف الجدول 😂.يعنى ده كان بيشجعنى اعملها لانها مهمة وانا مش حابة اعملها

[@IngyAgenda]

لو لسه محتاجة جداول علشان تفكرك يبقى ما ثبتتش، لو بس للتشجيع يبقى مش مشكلة مش حتبقى حاجات كتير لو زودتي عليها، المهم تكون الاولانية ثبتت

[@ayaallahmagdy9179]

@@IngyAgenda تسلمى ❤️ انا مبسوطة انك رديتي عليا الله يسعد ايامك.. اتعلمت منك التخطيط ف ٢٠٢٠ كنت بشوف فيديوهاتك الاقدم وكنت بحب صباح الخير بتاعتك وصوتك الرايق وحلاوة فيديوهاتك وتصويرك كان بيبسطني.. انغرمت بيكي وبقناتك وطبقت كتير من افكارك ربنا ينفع بيكي ويبارك فيكي وتحققى كل احلامك ❤️

[@IngyAgenda]

@@ayaallahmagdy9179 حبيبتي تسلميلي يا رب ويجعلك دوما مبسوطة وهاية البال يا رب

[@NaouelBourouaine-cx9kl]

تتمنى ان لا ترمي تلك الاجندات. لا نها مهممة ولا تعتبر. من الكراكيب.

[@IngyAgenda]

محتفظة بها فعلا لان بعضها ذكريات وبعضها باستخدمه حتى الان لعرض افكار في القناة، طالما عندي مساحة باحتفظ بها

[@NaouelBourouaine-cx9kl]

بوركت

[@FawziyaAlHarthi]

❤❤❤❤❤❤

[@AK-xe5ff]

❤❤❤❤

[@حنانالانطوني-ج4ظ]

❤❤❤❤❤❤❤❤

[@Alaalolo-s7f]

❤❤❤❤❤❤