Jamg'arma va INSA GROUP o'rtasida hamkorlik aloqalari o'rnatildi

#Xalqarohamkorlik
🇺🇿 “El-yurt umidi” jamg‘armasi va Fransiyaning INSA GROUP - Milliy amaliy fanlar instituti bilan hamkorlik aloqalari o‘rnatildi!
2024-yilning 17-aprel kuni “El-yurt umidi” jamg‘armasida ijrochi direktor o‘rinbosari v.b. Javohir Axmedov, Jamg‘arma bo‘lim boshliqlari va Fransiyaning Milliy amaliy fanlar instituti xalqaro hamkorlik bo‘yicha bo‘lim boshlig‘i Marie Peierre Favre o‘rtasida hamkorlik aloqalari yuzasidan uchrashuv bo‘lib o‘tdi.
Hozirda Fransiyada 8 ta universitetida 10 ta Jamg‘arma stipendiatlari tahsil olmoqda.
Mazkur uchrashuvda, Jamg‘arma va Fransiyaning Milliy amaliy fanlar instituti o‘rtasida stipendiatlarni ta’lim olishini ta’minlash, davlat xizmatchilari uchun stajirovka dasturi masalasi batafsil muhokama qilindi. Xususan, ushbu stajirovka dasturida barcha vazirlik idoralarni boshqaruvchi kategoriyalardagi nomzodlar ishtiroki haqida to‘liq ma’lumot berildi.
Universitet US News by subject reytingining, mexanik muhandislik yo‘nalishi bo‘yicha 89-o‘rinni egallaydi.
Uchrashuv so‘nggida, ikki tomon o‘rtasida stajirovka sohasi, Stipendiatlarni ushbu universitetda ta’lim olishini yo‘lga qo‘yish va ko‘plab ijobiy masalalarni o‘z ichiga olgan hamkorlik memorandumini imzolashga kelishib olindi.
Batafsil o'qing (eyuf.uz/site/v...)
EYUF axborot xizmati.