Jaya Bima Eka ජයබිම එක සේසතකට Nilar / Samantha Perera / Abeywardana Balasooriya / Niranjala Sarojini

ජයබිම එක සේසතකට කැටි කළ පැරකුම්බා නිරිඳූ
ඒ සෙවණේ හිඳ හෙළ සාහිත මිණ නැණ එළි කැන් විහිදූ
වීදාගම, ශ්‍රී රාහුල වන් පඬිඳූ
මේ දෙරණත නැඟි අබිමන් ජය නද නිති දස දෙස රැන්දූ
සහස් වසින් තව සහස් වසක් වෙත ඒ කිතු ගොස කැන්දූ
ගුත්තිල කව්සේකර මහ කව් මිණි
ලෝවැඩ සඟරා කවි ටීකා බැඳි
මාහිමියන්ගේ මහිමය පෑ හැටි
ජයවද්දනපුර උරුමයෙ දැවටිණි
ජයබිම එක සේසතකට…
විරු අලකේශ්වර ගොඩනැඟි මහ රට
මහ පැරකුම්බා ජයගත් මහ රට
සාහිත අඹරෙහි ජය දද ලද රට
ඒ නිදහන ගෙන යමු සක්වළ වෙත
ජයබිම එක සේසතකට…
පද රචනය: නිලාර් එන්. කාසිම්
තනුව සහ සංගීතය: සමන්ත පෙරේරා
ගායනය: අබේවර්ධන බාලසූරිය සහ නිරංජලා සරෝජනී