Рет қаралды 303,683
Kannada Bhaavageethe
Music - Shreemantha Avati
Singer - Prabha Inamdaara
Lyrics - Vinayaka Aralasurali
Album - Neenirada Baduku
Video Edited by - Sukesh Mijar
Video credits:
• No Copyright Backgroun...
ಕನ್ನಡ ಭಾವಗೀತೆ - ಇಲ್ಲ ಎನ್ನುವ ಒಂದು ಮಾತಲಿ
ಸಂಗೀತ - ಶ್ರೀಮಂತ ಅವಟಿ
ಗಾಯಕಿ - ಪ್ರಭಾ ಇನಾಂದಾರ
ಸಾಹಿತ್ಯ - ವಿನಾಯಕ ಅರಳಸುರಳಿ
ಧ್ವನಿಸುರುಳಿ - ನೀನಿರದ ಬದುಕು
ವೀಡಿಯೋ ಕೃಪೆ - ಸುಕೇಶ್ ಮಿಜಾರ್.
ಇಲ್ಲ ಎನ್ನುವ ಒಂದು ಮಾತಲಿ
ಎನಿತು ಕನಸಿನ ಕಗ್ಗೊಲೆ;
ಗೆಲ್ಲಲಾರದೇ ಹೋದ ಒಲವದು
ಎಂದೂ ಮಾಯದ ಖಾಯಿಲೆ.
ಮಾತು ಮಾತನು ಪೋಣಿಸಿ ತಂದೆನು
ಒಲವ ಬಿನ್ನಹ ಹಾರವ;
ಭ್ರಮಿತ ಮತಿಯಲಿ ಅರಿಯದಾದೆನೇ
ಮನಸು ಮನಸಿನ ದೂರವ?
ಸಮಯದಾಟದಿ ಕಂಡ ಸೋಜಿಗ
ಸತ್ಯವೆಂದೇ ನಂಬಿದೆ;
ನಿಜದ ಬಣ್ಣವು ಕಾಣದಾಯಿತೇ
ಸ್ವಪ್ನ ಮುಸುಕಿದ ಕಣ್ಣಿಗೆ?
ಮಂಜಿನಂದದಿ ಕರಗಿ ಹೋಯಿತೇ
ದಿವ್ಯ ಮಿಲನದ ಸ್ವಪ್ನವು?
ಎಷ್ಟು ಜನ್ಮದ ನಂಟು ಬೇಕೋ
ಬಯಸಿದೊಲವನು ಪಡೆಯಲು?
ಮರೆಯಬೇಕೇ ಕಾಯಬೇಕೇ
ಬೆಳಗದಾದ ಜ್ಯೋತಿಯ?
ನೂರು ಚೆಲುವರು ಒಲಿದುಬಂದರೂ
ಮರೆಯಲಾಗದ ಪ್ರೀತಿಯ.
-ವಿನಾಯಕ ಅರಳಸುರಳಿ.