Рет қаралды 20,924
Ummy Mwalimu, aliyekuwa Waziri wa Afya kwenye mitandao ya Kijamii walimwengu wamempa jina maarufu la Oddo leo amekabidhi ofisi kwa Waziri wa Afya Mteule
Ummy anatajwa kama Waziri wa Afya aliyedumu katika utumishi wa Uwaziri katika awamu tatu tofauti kuanzia ya Rais Jakaya Kikwete, Hayati John Pombe Magufuli na ya Samia Suluhu Hassan amekabidhi ofisi kwa Jenista Mgahama jana Ijumaa Agosti 16,2024.
Baada ya kukabidhi ofisi hiyo, Ummy kupitia akaunti yake ya Instagram ameandika;
Alhamdulillah. Leo nimekabidhi Ofisi
kwa Mhe Jenister Mhagama, Waziri wa Afya.
Awali ya yote, nianze kwa kumshukuru Mwenyezi
Mungu kwa neema na baraka zake na kwa kila hatua tupitazo kwa kuwa zimezungukwa na neema zake ikiwemo kupata kibali cha kuitumikia nchi yangu
katika nafasi ya Naibu Waziri (2010 - 2015) na Waziri (2015 hadi 2024). Si kwa uwezo au ujanja wangu bali ni kwa ukuu wa Mungu.
Pili, kwa heshma na unyenyekevu mkubwa
ninamshukuru Mhe Dkt Samia Suluhu Hassan, Rais wa Jamhuri ya Muungano wa Tanzania kwa kuniamini na kunipa heshma ya kuhudumu kwenye Serikali yake katika nafasi ya Waziri wa Nchi Ofisi ya Rais Tamisemi (March 2021 - January 2022) na Waziri wa Afya (January 2022 hadi 14 Agosti 2024). Asante sana Mhe Rais kwa imani na heshma kubwa uliyonipatia. Nitaienzi na kuitunza heshma hii daima.
Kwa muda niliohudumu katika Wizara ya Afya nimeiona Ari, Juhudi na Kiu ya Rais Samia ya kuwaboreshea watanzania huduma za afya. Tumetoa
mchango wetu katika hili.
Yapo mengi
tumeyasukuma na ambayo yanaendelea kusukumwa.
Pongezi za dhati kwa dada yangu, Mhe Jenister Mhagama kwa kupokea kijiti. Sina shaka na uwezo, uzoefu na kujituma kwake ktk kufikia malengo
tuliyojiwekea pamoja na Maono ya Mh Rais ya
kuhakikisha upatikanaji wa huduma bora za afya kwa watanzania. Namtakia heri katika utekelezaji wa majukumu yake mapya.
Tatu; Ninawashukuru Viongozi na Watumishi wa Wizara ya Afya, Wadau wa maendeleo, CSOs kwa ushirikiano mzuri walionipatia ambao umewezesha.”