Рет қаралды 20,082
ഓര്മ്മകള് പൂക്കുന്നൊരിടവഴിയില്..
വി.കടത്തനാട്
-------------------
ഓര്മ്മകള് പൂക്കുന്നൊരിടവഴിയില്
മഷിത്തണ്ട് തിരഞ്ഞു നീ വന്നതെന്തേ?
കാലം കരിച്ചൊരാ പ്രണയ വര്ണ്ണങ്ങളില്
ഇനിയൊരു മഴവില്ലു തിരഞ്ഞതെന്തേ?
ഇനിയുമീ യിടവഴി ചെരിവുകളില്
തെളിനീര് പൊടിയുമൊരുറവകളില്
ഒരു പുളിപ്പൂവിന്നിതളുകള് നുള്ളിയി
ട്ടറിയാത്ത ഭാവത്തില് നില്പ്പതെന്തേ?
ഒരു സ്വപ്ന സഞ്ചാരിയായി ഞാനിനിയും
വ്യര്ഥ പാഥേയം ചുമന്നു ഞാനിന്നും
ഒരുവേള വീണ്ടുമായിടവഴിയരികില്
അറിയാതെ നില്ക്കേയറിയുന്നു ഞാന്
നവ വാസരത്തിന്റെചിറകില് നാമന്നേ
വസന്തങ്ങള് തേടി പറന്നകന്നുവല്ലോ
അകലെയാകാശത്തിന് ശൂന്യതയില്
അകക്കണ്ണിന് കാഴ്ചകള് മറഞ്ഞുവല്ലോ.
***