МЕРЕНГОВЫЙ РУЛЕТ 😋

Ингредиенэ:
• сымыыт - 5 уст.;
• саахар - 250 г;
• кукурузнай крахмал - 17 г;
• миндаль сэбирдэҕэ.
Кремҥэ уонна декорга:
• 33-35%-наах холбуйуу сүөгэй - 200 мл;
• творожнай сыыр - 200 г;
• саахар - 200 г;
• сибиэһэй малина - 100 г.
Ыраас, кураанах иһиккэ сымыыт үрүҥнэрин уоһахтарыттан араарабыт. Биир да хааппыла уоһах үрүҥҥэ барсыа суохтаах. Сымыыт үрүҥүн миксеринэн кыратык хабахтаныар диэри эрийтэрэбит. Үстэ төхтүрүйэн саахары ардахтыы кутабыт уонна хойдуор диэри ытыйабыт. Меренга ньылаархай уонна кытаанах буолуоҕа. Иһиккитин туора туттаххытына миэстэтигэр хаалыахтаах. Бу маассаҕа крахмал кутабыт уонна лопатканан булкуйабыт.
Духуопка лииһигэр силиконовай көбүөр тэлгиибит уонна маассабытын кутабыт уонна тэҥниибит. Меренга халыҥа биир тэҥ буолуохтаах, кээмэйэ 25*35 см. Үрдүгэр миндаль сэбирдэхтэрин таммалатабыт. 160-170 кыраадыска 20-25 мүнүүтэҕэ буһара уурабыт. Саһара буһуоҕа. Үөһэ-аллара режим + конвекция. Конвекция суох буоллаҕына туох да буолуо суоҕа.
Бэлэм меренговай коржу пергаменынан, онтон сотторунан бүрүйэбит. Лииспитин эргитэбит, көбүөрбүтүн сэрэнэн устабыт. Көбүөр уһуллубат буоллаҕына сойорун күүтүҥ.
Крем бэлэмниибит. Ингредиеннэри барытын миксер муҥутуур түргэнигэр эрийтэрэбит. 70 г креми баһан туспа уурабыт, декорга туттуохпут. Холодильникка уурабыт.
Сойбут меренгабытыгар крем кутабыт, тэҥниибит. Маныаха тимир лопатканы туттабыт. Үрдүгэр сибиэһэй отону ууруҥ. Мин малинаны туһанным. Меренговай рулеты аһыы отон тупсарар курдук. Сотторбутунан көмөлөһүннэрэн рулеппытын эрийэбит уонна холодильникка биир чаас курдук туруорабыт.
Ол кэннэ рулет икки кытыытын быһан ылабыт. «Звезда» насадкалаах кондитерскай мөһөөччүккэ 70 г крем тобоҕун долгун курдук ыган таһаарабыт уонна отонунан киэргэтэбит.
Минньигэс рулеты сандалыбытыгар ууран дьиэлээхтэрбитин амсатабыт.

[@aita8271]

Очень аппетитно выглядит, Дуняша спасибо за рецепт ❤️

[@qwert77787]

мастер класскыт иьин махтал 😍👏🏻

[@ААА-т9м]

онорон боруобалыырга👍🏼