MILAREPA GURMA/གུར་མ་། BUDDHIST PRAYER /ཁ་ཆེམས་གདམས་ངག་གླུ་འདི་ཉོན༔/2022

Рет қаралды 1,092

2 жыл бұрын

ཁ་ཆེམས་གདམས་ངག་གླུ་འདི་ཉོན༔
ཁམས་གསུམ་འཁོར་བའི་རྒྱ་མཚོ་ནས༔
སྒྱུ་ལུས་ཀྱི་ཕུང་པོ་སྡིག་པོ་ཆེ༔
ལྟོ་གོས་ཀྱི་ཞེན་པ་བསྒྲུབས་བསྒྲུབས་ནས༔
འཇིག་རྟེན་བྱ་བ་ཐོངས་དུས་མེད༔
འཇིག་རྟེན་བྱ་བ་ཐོངས་ཤིག་རས་ཆིང་པ༔
སྒྱུ་མ་ལུས་ཀྱི་གྲོང་ཁྱེར་ན༔
རང་སེམས་དངོས་མེད་སྡིག་པོ་ཆེ༔
ལུས་ཤ་ཁྲག་གི་རྗེས་སུ་འབྲངས་འབྲངས་ནས༔
ཆོས་ཉིད་དོན་ལ་རྟོགས་དུས་མེད༔
སེམས་ཉེད་བརྡར་ཤ་ཆོད་ཅིག་རས་ཆུང་པ༔
བེམ་རིག་གཉིས་ཀྱི་སོ་མཚམས་ན༔
རང་བྱུང་ཡེ་ཤེས་སྡིག་པ་ཆེ༔
གློ་བུར་རྐྱེན་ཁ་འགྲིམས་འགྲིམས་ནས༔
སྐྱེ་མེད་ཀྱི་དོན་ལ་རྟོགས་དུས་མེད༔
སྐྱེ་མེད་བཙན་ས་ཟུངས་ཤིག་རས་ཆུང་པ༔
ཚེ་འདི་ཕྱི་གཉིས་ཀྱི་སོ་མཚམས་ན༔
བར་དོའི་རྣམ་ཤེས་སྡིག་པོ་ཆེ༔
ལུས་མེད་ལུས་དང་འགྲོགས་འགྲོགས་ནས༔
གནས་ལུགས་དོན་ལ་རྟོགས་དུས་མེད༔
གནས་ལུགས་གཏན་ལ་ཕོབ་ཅིག་རས་ཆུང་པ༔
རིགས་དྲུག་འཁྲུལ་བའི་གྲོང་ཁྱེར་ན༔
ལས་ངན་སྡིག་སྒྲིབ་ཚན་པོ་ཆེ༔
ཆགས་སྡང་རྗེས་སུ་འབྲངས་འབྲངས་ནས༔
མཉམ་པ་ཉིད་ལ་རྟོགས་དུས་མེད༔
ཆགས་སྡང་སྤོངས་ཤིག་རས་ཆུང་པ༔
མི་མངོན་ནམ་མཁའི་དབྱིངས་ཤིག་ན༔
རྫོགས་པའི་སངས་རྒྱས་ཞལ་རྫུན་མཁན༔
དྲང་དོན་གྱི་བསླུ་བྲིད་གསུངས་གསུངས་ནས༔
ངེས་པའི་དོན་ལ་རྟོགས་དུས་མེད༔
ཐ་སྙད་སྤོངས་ཤིག་རས་ཆུང་པ༔
བླ་མ་ཡི་དམ་མཁའ་འགྲོ་གསུམ༔
གཅིག་ཏུ་དྲིལ་ལ་གསོལ་བ་ཐོབ༔
ལྟ་བ་སྒོམ་པ་སྤྱོད་པ་གསུམ༔
གཅིག་ཏུ་དྲིལ་ལ་ཉམས་སུ་ལོངས༔
ཚེ་འདི་དང་ཕྱི་མ་བར་དོ་གསུམ༔
གཅིག་ཏུ་དྲིལ་ལ་འདྲིས་སུ་ཆུག༔
དེ་གདམས་ངག་ཀུན་གྱི་ཐ་མ་ཡིིན༔
ཁ་ཆེམས་ཀུན་གྱི་འཇུག་མ་ཡིན༔
དོན་དེ་ལས་མེད་དོ་རས་ཆུང་པ༔
དེ་ཉམས་སུ་ལོངས་ཤིག་ཕ་ཡི་བུ༔
#milarepagurma#གུར་མ#buddhistprayer#namther
དོན་དེ་ལས་མེད་དོ་རས་ཆུང་པ༔
དེ་ཉམས་སུ་ལོངས་ཤིག་ཕ་ཡི་བུ༔