Рет қаралды 7,944
(දඹුල්ල කාංචන කුමාර ආරියදාස)
2021.08.07
මුං ඇට කිලෝවකට රු 780ක් මිලක් ,ඉතිහාසගත මිල ලැබී ගොවින් සතුටෙන්
ලංකා ඉතිහාසයේ වපලමු වතාවට දේශීය මුං ඇට කිලෝවක් සඳහා ගොවියකුට රුපියල් 760 ත් 780 ත් අතර ඉහල මිලකට ලබාගැනීමට මේ දිනවල හැකි වී ඇති බව දේශිය මුං ගොවීන් පවසති.
ජනාධිපති ගෝඨාභය රාජපක්ෂ මහතා දේශීය වගාකරුවන් ශක්තිමත් කිරීම සඳහා විදේශ රටවලින් මුං ඇට ගෙන්වීම නවතා දැමීම නිසා මුං වගාව බොහෝ ගොවීන් සිදුකළ බව දේශීය මුන් ගොවින් පවසති
මාතලේ දිස්ත්රික්කයේ ලග්ගල ,හා විල්ගමුව ප්රාදේශීය ලේකම් කොට්ඨාශ වල වැඩි වශයෙන් මෙවර මුන් වගා කොට මේ දිනවල අස්වැන්න නෙලීම ආරම්භ කොට තිබේ.
විල්ගමුව ප්රදේශයේ මුං වගාකරුවෝ මේ දිනවල පවතින දැඩි අව් රශ්මියේ මුං ඇට පෑහීම වෙන්කර ගැනීම පිරිසුදු කර කරගැනීම ආදී කටයුතුවල නිරතවන අයුරු එහි ගිය අපට දැක ගැනීමටට හැකි විය.
ලග්ගල විල්ගමුව ප්රදේශයේ මුන් ගොවීන් කියා සිටින්නේ පසුගිය වසරවල මුංඇට සඳහා රුපියල් දෙසිය සිට රුපියල් 350 දක්වා වූ විවිධ මිල ගණන් යටතේ අලෙවි කර ගැනීමට හැකියාව තිබුණු බව ය
එහෙත් මේ දිනවල කෘෂිකර්ම දෙපාර්තමේන්තුව හරහා තම මුං ඇට බීජ වලට මිලදී ගැනීම් සිදු කරන බවය. ඒ අනුව කෘෂිකර්ම දෙපාර්තමේන්තුවට තම අස්වැන්න කිලෝවක් රුපියල් හත්සිය අසූවකට මිලදී ගැනීම් සිදුවන බව ද ගොවීන් පැවසූහ.
මුං ඇට ලබාගෙන ඉවත් කරන පොත්ත උපයෝගී කරගෙන මේ ගොවින් සාර්ථක බිම් මල් වගාව සිදු කරන බවද ගොවින් පැවසුහ ,
වසර ගණනාවක් තිස්සේ මුං ඇට වගා කළ ගොවි ගෙවිලියෝ දැඩි සිනහ මුසු මුහුණින් අප සමග කියා සිටියේ තම ජීවිත ඉතිහාසයේ කිසිම දිනක මුංඇට සඳහා මෙවැනි විශාල මිලක් ලැබී නැති බව ය
ගොවීන් කියා සිටියේ මෙවර පොහොර සහ අනෙකුත් කෘමිනාශක ද්රව්ය නොමැති නිසා සාර්ථක අස්වැන්නක් ලබා ගැනීමට නොහැකි වුවද ලැබුණු අස්වැන්නට සාධාරණ මිල ඉහළ මිලක් ලැබුණු බවය
තවත් ගොවීන් පිරිසක් කියා සිටියේ මිල ඉහළ යෑම් ස්තුූතිය ජනාධිපති ගෝඨාභය රාජපක්ෂ මහතාට ලැබිය යුතු බවය .තවත් පිරිසක් කියා සිටියේ ජනාධිපතිවරයා ගත් තීන්දු තීරණ නිසා තමාගේ අතමිට ඉතිහාසගත ආකාරයෙන් වැඩි වී ඇති නිසා ඔහුට පින් සිත් සිද්ධවෙන බව ය. ලග්ගල විල්ගමුව ආදී ප්රදේශවල යුහුසුළුව මේ දිනවල මුං අස්වැන්න නෙලමින් සිටිති.