Рет қаралды 44,302
மோனோஜெனிக் நீரிழிவு என்பது ஒரு மரபணுவில் ஏற்படும் மாற்றத்தால் ஏற்படும் நீரிழிவு நோயின் வடிவங்களைக் குறிக்கிறது. மோனோஜெனிக் நீரிழிவு நோயைப் பொறுத்தவரை பல வடிவங்கள் இருந்தாலும், அவற்றில் 2 பொதுவான வடிவங்கள் இளைஞர்களுக்கான முதிர்வு தொடக்க நீரிழிவு மற்றும் பிறந்த குழந்தைகளுக்கான நீரிழிவு என்று அழைக்கப்படுகின்றன. இதில் இளைஞர்களுக்கான முதிர்வு தொடக்க நீரிழிவு என்பது குழந்தைகள் அல்லது இளைஞர்களைப் பாதிக்கிறது, மேலும் நீரிழிவு நோயின் குடும்ப வரலாற்றை மூன்று அல்லது அதற்கு மேற்பட்ட தலைமுறைகள் வரை கண்டறியலாம். இதில் பல்வேறு வகைகள் உள்ளன. அவற்றை மாத்திரைகள் மூலம் கட்டுப்பாட்டுக்குள் வைத்திருக்க முடியும். இதுபோன்ற நோயாளிகளுக்கு இன்சுலின் ஊசி தேவைப்படாது. அவர்களுக்கு இன்சுலினை விட மாத்திரைகள் சிறப்பாக செயல்படுகின்றன.
பிறந்த குழந்தைகளுக்கான நீரிழிவு நோய் என்பது பிறந்த 6 மாதத்திற்குள் உள்ள குழந்தைகளை பாதிக்கிறது. இது கணையத்தில் இன்சுலின் சுரப்பதில் உள்ள மரபணு குறைபாடு காரணமாக ஏற்படுகிறது. இந்த குறைபாடுகளை மிகக் குறைந்த விலை உள்ள சல்போனிலூரியாஸ் என்னும் நீரிழிவு எதிர்ப்பு மாத்திரைகளை கொடுத்து சரி செய்யலாம்.
பல சந்தர்ப்பங்களில், இளைஞர்களுக்கான முதிர்வு தொடக்க நீரிழிவு மற்றும் பிறந்த குழந்தைகளுக்கான நீரிழிவு நோய் உள்ளவர்களுக்கு
டைப் 1 நீரிழிவு நோய் இருப்பதாக தவறாகக் கண்டறியப்பட்டு அவர்களுக்கு வாழ்நாள் முழுவதும் இன்சுலின் ஊசி பரிந்துரைக்கப்படுகிறது. அதற்கு ஒரு எளிய மரபணு பரிசோதனை செய்வதன் மூலம், அதன் மோனோஜெனிக் நீரிழிவு வடிவங்கள் கண்டறியப்பட்டு, அத்தகைய குழந்தைகளை இன்சுலினுக்கு பதிலாக மாத்திரைகள் மூலம் சிகிச்சை அளிக்கலாம்.
#monogenicdiabetes #type1 diabetes #drvmohan