ПИРОЖНОЕ ЭСКИМО 🍫

Ингредиенэ:
• сакалааттан бисквит - 250 г;
• ынах арыыта - 50 г;
• сгущенка - 50 мл.
Киэргэтиигэ:
• үүттээх сакалаат - 300 г;
• мас арыыта - 20 мл;
• кондитерскай посыпка.
Ингредиеннэри барытын бэлэмнээтибит уонна дьэ саҕалыыбыт. Сакалааттаах бисквит рецебин «Бырааһынньыктааҕы тортар» диэн бастан булуоххутун сөп.
Бискивити араартаан баран, дириҥ миискэҕэ бытарытабыт. Туспа иһиккэ сгущенканы уонна сымнаабыт ынах арыытын барытын бииргэ холбуубут. Биилкэнэн үчүгэйдик илдьиритэн булкуйабыт. Маасса курдаттыы илийиэхтээх. Мороженайга аналлаах формаларга кутабыт уонна онно мас палочкалары угабыт. Форманы морозилкаҕа 2-3 чааска угабыт, бисквит маассата үчүгэйдик сойуохтаах.
Форматтан хостуубут. Пиалаҕа эбэтэр креманкаҕа үүттээх (молочный) сакалааты бытарытабыт. Пиаланы микроволновкаҕа 30 сөкүүндэҕэ угабыт, онтон хостоон булкуйабыт. Үчүгэйдик ууллуор диэри итини хатылыыбыт. Мас арыытын эбэбит, булкуйабыт. Үрдүк иһиккэ кутабыт. Дьэ, ол кэннэ эскимолары ол сакалааппытыгар угабыт уонна холодильникка 10 мүнүүтэ уган сойутан ылабыт. Сакалаат тоҥмут маассаҕа олус түргэнник сойорун умнумаҥ, онон сып-сап хамсанаҕыт. Дэхси ньуурдаах буоларын туһугар иккистээн сакалаакка уган ылабыт уонна тутатына араас өҥнөөх бусинкалары эбэтэр сулустары кутан киэргэтэбит.
Тэриэлкэҕэ уурталаан, минньигэс десертинэн дьоммутун күндүлүүбүт.

[@Олег-ю4ш4м]

Дуняша сааскы кэрэ бырааһынньыгынан! 🎉💖🌞🌷

[@приветтымаякрасавица]

Олус учугэй керерге ессе да таьааран ис ❤