Prezida Pierre Buyoya agiye gutahukanwa gushingurwa mu Burundi,Ibisigarira vyiwe bizoshika14/07/2024

🔴 Ibisigarira vya Prezida Pierre Buyoya bigiye gutahukanwa mu Burundi kuri uyu w'Imana uza.
Amakuru yashizwe ahabona uno musi n'urubuga Ikiriho rusanzwe rukorana n'iperereza ry'Uburundi avuga ko ibisigarira vya Prezida Pierre Buyoya bizotahanwa mu Burundi ku wa 14.7.2024 bikuwe i Bamako muri Mali. Ikiriho gisanzwe gitanga amakuru n'ivyiyumviro vyo hafi cane ya Prezida Ndayishimiye.
Inkuru yaherekejwe n'urutonde rw'ibiteguwe bijanye n'itahukanwa ry'ibisigarira vya Prezida Buyoya. Ku musi w'Imana (14.7.2024), isaha zine z'igitondo, hategenekanijwe imisa yo gusabira Prezida Buyoya muri Cathédrale Sacré Cœur y'i Bamako muri Mali. Inyuma hazokurikira igikorwa co kujana ivyo bisigarira ku kibuga c'indege Modibo Keita c'i Bamako. Ikiriho carangije gitangaza ko Prezida Pierre Buyoya azoshingurwa ku wa 17.7.2024 iwe muri komine Rutovu mu ntara ya Bururi.
🔴 Ni ikintu gihambaye ko abatwaye Uburundi bashingurwa mu Burundi.
Igihugu kireka abakirongoye bagahambwa mu mahanga gifatwa ko hari ico kibuze mu kwiyubaha no mu kwiyubaka. Kenshi biva ku ndyane ico gihugu kiba caraciyemwo. Gutahukana ibisigarira vya Prezida Pierre Buyoya ni ikintu ciza cane ku bijanye n'ishusho y'igihugu no mu nzira yo kunywanisha Abarundi. Umukuru w'igihugu atubahiriza abatwaye imbere yiwe, na canecane nk'abamaze kwitaba Imana, aba akoze ikosa kandi nawe aba yisuzuguje. Uko afata ab'imbere yiwe niko nawe ashobora kuzofatwa atakiri ku butegetsi. Kwemera ko ibisigarira vya Prezida Buyoya bitahukanwa agashinguranwa iteka bizoha iteka Prezida Ndayishimiye vyongere bifashe Abarundi mu rugendo rwo kunywana.
Kugeza ubu abatwaye Uburundi bapfiriye hanze ntibashingurwe mu Burundi bari babiri: Umwami Mwambutsa IV Bangiricenge yasandabiye mu Buswisi muri ntwarante 1977 na Prezida Pierre Buyoya yasandabiye mu Bufaransa aca ashingurwa muri Mali muri kigarama 2020.
Batatu bandi basandabiye hanze baratahanywe. Abo ni Prezida Michel Micombero yasandabiye i Mogadishu muri Somalia ku wa 16.7.1983, Prezida Cyprien Ntaryamira yiciwe mu ndege yakorowe i Kigali mu Rwanda ku wa 06.4.1994 na Prezida Jean-Baptiste Bagaza yasandabiye i Bruxelles mu Bubiligi ku wa 04.5.2016.
🔴 Prezida Buyoya yavutse mu 1949 muri komine Rutovu mu ntara ya Bururi. Ni umwe mu basirikare b'Uburundi bize amashure akomeye ya gisirikare mu Bubiligi, mu Bufaransa no mu Budagi. Yarajejwe amabanga atandukanye mu gisirikare, yarabaye mu Nama Nkuru y'umugambwe UPRONA imbere yo kurongora Uburundi incuro zibiri (1987-1993 hanyuma 1996-2003). Ni umwe kandi mu barundi bajejwe amabanga atari make ku rwego mpuzamakungu. Yasandavye aserukira Ubumwe bw'Afrika muri Mali no mu karere ka Sahel. Yahitanywe n'ingwara i Paris mu Bufaransa aho yari agiye kwivuza, ku wa 17.12.2020.#amakuru_atarikwivumbi
#urugendo_news_amakuru
#Updats_zurugendo_news
Amakuru 🅱🅱C Gahuzamiryango
Amakuru ya RPA yihuta
Amakuru ya Haguruka yihuta
Amakuru yinzamba yihuta
Amakuru ya Peace FM yihuta
Amakuru n'ibiganiro bicukumbuye

[@user-ri1wp7uy9p]

Ndabahaye.mwiriwe.nagomba.kubaza.aho.bahavye Micombero

[@user-wn1tl6nn7r]

Ashitse kukibuga cindege baze basuzume ko atari truck wosanga agikomeye.

[@user-sh4us1dn6f]

None yishe ndadaye yibaza kwazohoraho

[@Akagumyebagumako25]

Nimba yarapfuye, Ahandi bari babujijwe n'iki?

[@ErickAbuu-hi2qv]

Baramanza basuzume neza ashitse kukibuga c'indege kk urya ni Mr😂😂😂

[@CassienHafashimana]

Aho nivyiza nashinguranwe iteka nkuwatwaye ogihugu

[@NestoryNdaca]

Yarikwicwa nkukoyishe ndadaye nizindi nzerakarengane

[@GaétanNiyikiza]

Leta ntiyanse koBuyoya ahambwa mu Burundi yavuze ko adashobora gushinguranwa iteka na Leta nk'Umukuru w'ogihigu kandi yari yaraciriwe urubanza

[@user-ti1ol3ti9j]

Bazoche batahukana botse.bahabwe iburundi 😢😢😢😢

[@ComeNDAYIZEYE-tc1np]

Mugisha we, 1077??? Raba neza ni 1977 si 1077....

[@user-ei9vo4os6p]

Aho nibn kuk iyo reta yuburundi itavyemer ntagitoro twosubiy kubon mubundi kuk umuhungu wiw yarafise imyakijan yisoko yokuzanigitor

[@ndihorashid]

ntamu president numwe yatwayuburundi akwiyiteka nka buyoya gistave

[@AkimanaJeannette-tz1to]

None bazanye amagufa yeweee 😳😳

[@user-no6yf8lz1d]

Vyari bikenewe

[@JonasNtirenganya-bx6dz]

None kutatubwira ivyarwasa ahobigeze

[@marienduwimana665]

Biragoye ko dutera imbere mu gihe urwanko n'inzigo biciganziye imitima y'abarundi.kimwe gusa mugerageze mugire ubuntu kuko izo mvugo muvuga ku muntu yasezeye isi si iteka kuwubishikiriza.ndakeje indongozi z'igihugu kurico gikogwa

[@JimmyGahungu]

Ni bamuzane igito gitabwa iwabo

[@user-xc5fd2ve5r]

Ivyobiringo vyose yatwaye yakubita kudeta niwe yishe prezida ndadaye ariko agwanya demokrasi ivyo ntituzovyibagira

[@nyabendasayumwe8514]

Ikibi si ciza.yavuye mu gihugu akomeye,none atashe aramagufa.Ahubwo Kunva yiwe bazoyishireko umunyororo y'abo yishe.

[@nsavyinganji]

Ahubwo, bakwiye kumushingurana iteka! Umu "president architecte" de l'Unité Nationale? Urubanza na rwo, mu gihe rutari bwacike, boba baramuteye iryo teka. Ni ho vyokumvikana cane!

[@IRAMBONADonFerdy]

Baze bamushingure hamwe na president NDADAYE, ngirango bizoca bidusigira nicirwa suko!

[@nyabendasayumwe8514]

Ariko urasuzuguye Ndadaye vraiment.Umugereranije n'umwicanyi Buyoya? Inva yiwe bayishireko umunyororo

[@nsavyinganji]

Au regard des réactions, je constate que burundais vous êtes embrigadés dans des haines ethniques et cadnassés par le passé obscur. Avec ce genre de comportement, il impossible d'avancer

[@user-dr5jo9bi1c]

Gutahukana umukoshi!!!!!

[@GuillaumeMusonerwa-it9sw]

😂😂😂😂😂 😂😂😂.uranyishe ndake

[@veroniquekubwayo5169]

yarishe ndadaye nawe aramusanze we ikiza nuko yazikanwe niteka abantu bose babona none ayo magufa aje gutabwa muburundi jembona ntakamaro gafise bacumugani mukirundi ugirikibi kikagusangimbere yishe ndadaye azikowe azumira kwisi imana irasubiza

[@user-no6yf8lz1d]

Na jewe ndabishimye , Ariko na mwambutsa yotahanwa , Gutyo wosanga indyane hagati y'abarundi ziheze . Twikenereye amahoro.

[@sese667]

Mwambutsa ubwiwe, yarisabiye ko atohambwa i Burundi ko yoguma ahambwe muri Suisse, iyo yapfiriye kandi yasize yanditse ikete aho abivuga, rero umuryango wiwe w'amaraso, wavyubahirije uko, ninayo mpamvu adatahanwa i Burundi ...

[@user-no6yf8lz1d]

@@sese667 ariko niba mwambutsa yari umurundi yari umwami y'abarundi bose , Ico mbona n'uko intwaro zovyinjiramwo zifatanije n'umuryango wiwe agafubwana iteka Ku gataka k'abo yatwara kuko intwaro dufise Ubu ntaco bapfa . Vyiza bomuzana natwe abarundi bose tukamwunamira n'imisi y'igandaro ikabaho hamwa bwa bumwe nyabwo bugatsimbatara . Inzego ni zivyigeko ntaco bitwaye .

[@sese667]

@@user-no6yf8lz1d Muri ico gihe ntitwoba twubahirije ivyo yasiye yisabiye wenyene imbere yuko apfa ... Kandi Mwambutsa ubwiwe yivugiye ati : “Iryo teka mutampaye nkiriho, ntimuzorimpe narapfuye” kandi yahunze Uburundi inyuma yaho akarwi "k'Abahutu” kari karongowe na Capitaine Serukwavu, kagerageje gutembagaza intwaro ya Mwambutsa no kumugandagura ... mu guhunga yavuze ati “Ko Abahutu banyanse, ndahunze !” ... Mbona twokubahariza iryo baruwa rya Mwambutsa nibaza ko hariho impamvu Mwambutsa yisabiye kutahambwa mu Burundi, ubwo Burundi yazigamwo iteka kandi yakunda caaanee bwaramubabaje ajana agahinda ...

[@Akagumyebagumako25]

Gusa n'umwami Ndizeye Charles tumubone !

[@JonasNtirenganya-bx6dz]

None kutatubwira ivyarwasa ahobigeze

[@kanimary5642]

Gouverneur Murengera yatwaye i Gitega ntako atagize ngo amurondeze, barimbaguye hose barabura.

[@LeonardHabonimana-lk4gx]

Ntakibi yakoze ntamutware abura abamwanka nashingugwe mugihugu ciwe bikunda ashingugwe gamwe na pr ndadaye