قصه جديدة المنقبه والظابط هذه هدية نجاح اختي الغاليه طبيبة الغد

[@قصصواقعيهحقيقه]

البارت الاول / الضابط والمنقبه مرحبا 💕💕 (ألظابط و المنقبه ) اتمنالكم قراءة ممتعه حبايبي ❤ السلام عليكم اني رهف عمري ١٩ سنه خلصت سادس علمي ومكملت كليه بسبب تدهور جالت ماما الصحيه بابا متوفي من عمري عشر سنوات اذكر بيومهه جنه طالعين نتعشى برة جان عيد ميلاد ماما هوه يعشقهه لحد جنون وماما همات تموت عليه حياتنه حلوة وهادئه بس بابا غيور بشكل مو طبيعي يعني وصلت بي لدرجه ميخلينه نزور بيت جدو لان اعمامي موجودين وعدهم شباب بلبيت لذلك هوه يخاف علينه ردنه نرجع للبيت من طلعنه من المطعم مر واحد وسمع ماما حجي محلو مفهمت شنو كال بوقتهه لان جنت طفله مااعرف هجم علي بابا مثل الوحش دمرة للولد كوة العالم فكتهم وذاك يتوعد اله يقتله لبابا رجعنه مرحنه لبيتنه رحنه لبيت جدو بابا عنده شغل وي عمو محسن تمنيت انزل واشوف البنات وبيت جدو بس شكل بابا المعصب خلاني اسكت دنكت ودمعه بعيني هو باوعلي رفع راسي بيدة وضحك كال بابا.شبيهه حمامتي منو مزعلهه ليش مهضومه بابا وعيونج مدمعه رهف.بابا اريد العب وي البنات اريد مرح العب وياهه بابا.ههههههه تعاي يروح بابا انزلي العبي وي بنات عمج يلا رهف.كمزت عليه بقيت ابوس بي .شكرررا بابا اني احبك بابا.كلشي ولازعل حمامتي اني عايش حتى مااشوف هاي العيون الحلوة مدمعه ومهضومه رهف.ابتسمت لان مفهمت كلام بابا شنو قصدة بابا.يلا حبيبي انزلي نكعد يم الحجيه شويه وخلي رهوفه تلعب وي البنات ماما.يلا حبيبتي انزلي ماما بس ديري بالج سيارات انتظري بابا يلزمج رهف.اول مانزلنه بس فتح الباب عمو محسن ومانسمع اله الرمي اشتغل علينه وصوت بابا يكل لعمو محسن دخل رهف جوة لايصير بيهه شي بقيت سادة اذاني وارجف من الخوف وماما حاظنتني الكل طلع على صوت وصار الصريخ والاامه نكلبت لااسف انقتل بابا على ايد واحد نذل بس لان دافع عن شرفه منظر بابا وهوه مغطي دم عمري مراح انساة شي موجع صعب توصف الاحساس هذا من شوف واحد من اهلك هيج دمه فايض بلكاع ماما ماصحت كل شويه مغمى عليهه خلصت ايام العزا واني كل اليشوفني وكالو خطيه تيتمت وهيه صغيرة حتى ماعدهه اخوه اخت ضلت وحيدة بهاي دنيا جان مجرد كلام بس مؤذي لصاحبه ياريت نفكر بلكلمه قبل لانحجيهه حتى مانجرح المقابل اكثر كالو ماما لازم تلزم عدة رحنه لبيت اخوالي رغم رفض اعمامي انو اروح وياهه اله ماما اصرت انو ماتعوفني وحدي عدهم مرت شهرين علا وفاة بابا والوضع سئ بشكل موطبيعي تعرضنه الاهانه وضرب جانت ماما تضربني كدامهم اذا واحد من جهالهم تعارك وياي ومن ندخل للغرفه تحظني وضل تبجي تكول اني اطكج ولاهمه يمدون ايدهم عليج اموت الف موته ماما تعبت حيل عد اهلهه يعاملوهه مثل الخدامه ولاواحد يحترمهه وصلت بيهم حتى غرفهن هيه تنظفهه الهن غير الكلام الي تسمعه جانت دائما تكول عدنان دللني زيادة يمكن يدري بروحه راح يعوفني لضيم وبيوم صارت مشكله كلش جبيرة بيبي امهه لماما انطتهه مفتاح بيت وكلتلهه اخذي بتج وشردي منا بس ماما خافت اذا سمعو اهلي هيه كاعدة وحدهه ياخذوني ضلت متحمله بيبي كتبت البيت بأسمهه بس ماطولت وماتت بيوم الي اجو من دفن ماما جانت محتاجه واحد منهم يجي يواسيهه وياخذ من خاطرهه بس ابد

[@قصصواقعيهحقيقه]

كانو نكرة ماموجوده ثالث يوم الفاتحه سون نسوان اخوالي مشكله جبيرة ودخلو زلم بيهه والاسف طردو ماما من البيت ومااكتفو طلعونه وسدو الباب ضلت ماما تبجي وتدعي عليهم وتناشد امهه وابوهه حالهه خلاني اهتز كلي معقوله اني هم يصير بيه هيج لان ماعندي اب جلبت ماما بكل قوتي خايفه خاف اخسرهه وابقى وحدي ماالي احد بهاي دنيا اخذتنه ماما للبيت طلع مشتمل زغيرون كعدنه بي تغيرت حياتنه من هذا اليوم ماما جانت تشتغل عامله تنظيف مدرسه وآلعصر تروح تشتغل خدامه بلبيوت علمود تخليني ادرس واوصل لان هيه مامكمله تكول هذا حالي لان مدارسه بقى وضعنه هيج سنه جر سنه واهلي مانعرف عنهم اي شي كل مااكول لاامي نتواصل وياهم ترفض بشكل قطعي تكول يأخذوج مني كبرت ومريت بفترة مراهقه بس خلصتهه جوع وعوز وبرد وحايرين شلون نطلع لكمتنه لان امي تمرضت وتعبت صار عمري ١٥ سنه كمت اني اطلع بدال امي اروح من الصبح اشتغل عد العالم واجي كبل اطلع لدوام وسنه تجر سنه ماما تعبت كلش وصارت ماتكدر تعين نفسهه لان بالااصل هيه جبيرة مزوجهه بابا وتعبت على فراكه من اطلع صبح اسمعهه تحجي وي صورته تكله عدنان تقبل هيج يصير بينه انته تغار علينه من الهوا شايف حمامتك تخدم بلوادم ترضاهه ياابورهف هذا حالنه اشبع بجي عليهه ارجع احضنهه واضل اضحك بيهه علمود تنسى شويه اطلع البس نقاب وجبه وفوكهن عبايه اخاف وماما تمشي وتوصي ماما البنيه اهم شي شرفهه مايطلع مني بس عيوني اليوم طلعت واني افكر شلون بيه ماما علاجهه خلص ولازم اجيبلهه بس منين واني خلصتهن كلهن على طبيب اوووف ربي رفعت رأسي لفوك وكعن دموعي على وجهي ربي دخيلك امي مالي غيرهه دخيلك انتبهت واصله للبيت مال الحجيه اووف هاي يوميه هيح ينعاد عليه شريط حياتي واني امشي بشارع طبعا اخاف اصعد بتكسي وحدي لذلك اروح وارجع مشي هم رياضه وهم اوفر فلوس تكسي لان احنه بحال بس الله يدري بي دكيت الباب ودخلت الحجيه ام عدي هيه والحجي بس همه بلبيت انظف واطبخ واغسل اهدومهم واطلع اروح لغير مكان هنه خمس بيوت اطلع من سته صبح ارجع بتلاثه الضهر للبيت استلم بيتنه ادور انوب ابد مااطلع ورة ضهر من خلصنه عشا اجيت نمت بحظن ماما الي صارت مقعده خطيه احطهه على الكرسي من اطلع الصبح لحد ماارجع هيه نفس الكعده اول ماادخل الكيهه نايمه وهيه كاعده بقيت كاعده يمهه سالتهه اكول ماما ماما.كولي يحمامت عدنان شبيج رهف. تنهدت وجريت نفس كتلهه.ماما ليش ماتكولين اسمي ابد ماما.حتى دائما تحسين ابوج موجود ويانه وماتنسي رهف.الف رحمه ونور تنزل على كبرة ماما.الله يرحمه رهف.ماما تتوقعين هم دورو علينه اقصد اهلج بيت جدو ماما.بيت جدج ماادري اذا دورو لولا بس خوالج يندلون مكانه بيوم الجينه هنا همه يعرفون بينه وين كاعدين رهف.😯 صدك تحجين يدرون بينه هنا ويعرفون شلون عايشين وماهمهم مجاي اصدك ماما.صدكي يمه صدكي الحجي لنسوانهم صار هسه ولاجني اختهم الوحيدة وارمله وعدي بنيه ماعدهم غيرة على عرضهم لا والله عكس عمامج وهذا المخوفني عليج وديت ناس دور عليهم وانشاء الله يلكوهم كبل لاالله ياخذ امانته ض رهف.لاماما عفيه لاتحجين هيج أسم الله عليج مبقالي احد غيرج اترجاج ماما لاتعوفيني ماما.لاتخافين مااموت اله اسلمج لبيت جدج يلا تدرين ابوج صارله يومين يفتر عليه يكلي ديري بالج تعوفيني حمامتي بدون ماتحطينهه بأيد امينه رهف.شهكت برعب ودفنت راسي بصدرهه .لاماما ابوسج ايدج لا كافي مااريد اسمع شي عفيه ماما كافي ماما.نامي ماما وكلي امرج لربج مايسوي شي مابي صالح للبشر صيري قويه ولاضيعين تعبي عليج ولاسلمين نفسج اله لليستاهلج خليني من الكه اهلج اكلهم هاي بتكم ربيت وتعبت اريد كل اليشوفج يترحم الي على هاي تربيه خوش ماما رهف.ماجاوبت كتمت انفاسي حتى تعرف نايمه مااريد اسمع اكثر مجرد الفكرة تخليني اتخبل واصفى وحدي بهاي الدنيا الماترحم مانمت ولادقيقه كل اشوي افز اباوعلهه وارجع صاح الاذان مال صبح حسيت كلبي نقبض طفرت على ماما كعدتهه كعدت صلت ريكتهه ولبست وطلعت للشغل اني البس جفوف وجهي اصخمه بلفحم كبل لااطلع هاي طريقه الوحيدة تخليني أمن اطلع شغلي لان بهذا الشكل المقرف منو يباوع عليه نزلت النقاب على وجهي وجريت نفس طويل يالله مااعرف شبيه مخنوكه رجعت ركض على ماما حظنتهه وضليت ابوس بيهه هيه هم يمكن جانت محتاجه هذا شي قررت اليوم بس للحجيه وارجع مااكدر اعوف ماما وحدهه طلعت امشي بلشارع ودموعي تجري كلام ماما البارحه ابد مااكدر انساه الي مجرب احساس الفقدان يخاف يخسر احد بعد وصلت لبيت الحجي كملت وطلعت من وكت هيه هم تفهمت لان كتلهه امي تعبانه ومااكدر اعوفهه طلعت جاي امشي ومااحس اله صوت دوريه مال شرطه يركضون ورة واحد هوه اجه وكف كبالي وركض اجه همه ماصدكو ماانطو اي مجال سحلوني لسيارة دكيت لطمت صرخت ابد ماكو اريد افهم ليش اخذوني ماكو وذاك الولد ليش وكف يمي دخلني للمركز يايمه تمنيت ميته ولاهذا الموقف وينج ماما دموعي مانشفن دخلني كبل لغرفة التحقيق حمدت ربي الف مرة لان لابسه نقاب ومستورة مطالع مني شي بس عيوني دخلوني علي وسدو الباب سمعته سحب اقسام لو اني نخرطت من الخوف اجه وكف كدامي باوعت عليه بعده شاب صخام بعينج رهف صفن عليه بعدين كال انتي ويامن تشتغلين رهف.وي و ويامن مافهمت اني اشتغل بيت الحجي ياحجي هذا رهف .سيدي هذا رجال جبير اني اشتغل عدهم بس هوه ومرته بلبيت وثنينهم كبار بلعمر انضفلهم واطبخلهم بلاش يعني لثواب تشتغلين رهف.لا اخذ يوميه لان اني عيشتي عليهه ولازم اوفر علاج ماما وليش انتي ابوج وين ماعدكم زلم يعني وانتي صرفين عليهم

[@قصصواقعيهحقيقه]

رهف.عايشين بس اني وماما وحدنه وسبب شنو وين عائلتج رهف.اعتذر هذا شي خاص بينه تقرب وكف قريب مني كال بصوت هامس شيطاني معقوله ماتشتغلين غير شغله رهف.لاوالله ابد اني اطلع من الصبح ارجع الضهر للبيت بعد مااطلع الله يخليك سيدي والله ماعندي شي انشوف اكعدي هنا هسه على جهه بين ماارجعلج وانطيني عناوين البيوت تشتغلين بيهن رهف.اي طلع وعافني وحدي فوك ساعه اكثر واني ميته خوف وقلق على ماما راح اموت شون اوصللهه يربي دخليك تحفضهه اليه من كل شر انفتح الباب ودخل راسا وكفت الرعب الي صاير بيه بهاي ساعه محد يتصورة كعد كبالي كال يابه طلع حجيج صحيح يعني طلعتي خدامه رهف.شغل مو عيب اهم شي اطلع لكمتي بلحلال ههههههه حلو هسه اسمعي يحلوة شايفه ذوله البرة بس يردون اطلع ويستفردون بيج انتي شتكولين اطلعج وياي لو اخليج يمهم رهف. لزمنتي رجفه من كلامه .سيدي الله يخليك خليني اطلع امي تعبانه ومريضه ولازم اخذلهه علاجهه الله يخليك خليني اطلع ههههههه كتلج لو ياي طلعين لو اعوفج واطلع واكليهه عود رهف . انته شتريد مني وين تريد تاخذني وياك نتونس شويه وارجعج وروحي لبيتكم وها انطيج مصرف مال شهر رهف.لالالالا اااااااااا مستحيل انته شتحجي اني اشرف منك ومن وامثالك ياحقير معناتهه ابقي هنا وبيعي شرف براس جنود هههههه رهف.هيه هاي نخوة انته ماعندك غيرة م..... لاتكملين ماعندك غيرة ماعندك خوات قديمه هاي الاسطوانه سامعهه هواي وهسه طالع وخلي هاي سرسريه تشبع بيج بلحرام رهف .ههه وانته حلال عليك يعني لو نازله بيك ايه شوفي رغم انج عجبتيني وجنت ناوي اعقد عليج يلا لان لو شما جانت عندي علاقات مااتحمل الحرام ولاتخافين هيه شغلة ساعه واطلكج واتنكلعين وينتهي كلشي رهف.ليش اني اكو غيري هواي ويجوز يتمننك اني ماافيدك اترجاك اعتقني لوجهه الله وخليني اروح بحال سبيلي اهووووو انتي شلعين الكلب خل اروح احسن راح للباب بقيت واكفه مكاني والكاع تنهز من جواي شسوي هذا نذل بس على الااقل مااتحمل حرام هوه وصل للباب وباوع عليه كال هاااا تجين لو لا رهف.انته صدك راح تعقد عليه اي بس مؤقت لاتفرحين زيادة رهف. تمام اني موافقه جنت ناويه اسايرة بس علمود اطلع من المركز وساعتهه اشرد منه وين يلكاني بعد هوه بتسم

[@قصصواقعيهحقيقه]

واشرلي اجي وراة طلعت واني مدنكه راسي اخخخ يازمن شسوي بيه بعد وصلنه لسيارة مالته اجاه صاحبه مااعرف منو يحجي وياه بطئت مشيتي كلت بس يوصل لسيارة اني اركض هوه وهوه يمشي كال وروح عمي طلق وحده ماتكلفيني وكومج بلكاع اذا لعبتي بذيلج جري عدل لججج يمه وكع كلبي هذا شلون عرف شريد اسوي ياربي ويامن ورطتني وي شيطان شنو صعد واشرلي صعدت وراة احس عقلي تبنج لا الجاي يصير غلط والقرءان غلط ليش هيج العالم صارت ذيابه ليش ماكو رحمه لاونخوة عد البشر هسه هوه شاف مني حتى جلب بيه هيج الله لايوفقك يانذل يارب ارحمني برحمتك يارب خلصني منه ياربي لاتخلي ينتهك شرفي الله لايخليك كون ياكلب خلصتي مسبه عليه بعدج يلا انزلي رهف.باوعت واكف كدام مكتب مال زواج غمضت عيوني حيييل كتله. انته شتريد مني دخيلك سيدي احنه ناس على كد حالنه عشنه عمرنه بشرف ومامدينه ادينه لااحد اترجاك تعوفني والله امي تموت ماتتحمل والله اني ماافيدك والله نزلي لجج بلا لغوة زايدة ترى لعبتي نفسي لاتخليني ابطل حتى عقد ماكو واتحملي انتي ذنب مالتج رهف. لا خلص راح انزل صيري شاطرة ونزلي يلا نزلت وياه دخل للمكتب ضاهر يعرفونه فعلا والمصيبه شهود جماعته ويصنفون عادي عدهم ياجلاب ولك وين لكيتهه هاي شو قطعه سودة انجب لك راح صير على ذمتي ممنوع تحجي بيهه ورة ماتطلع من ذمتك عادي هههههههههه رهف.اباوعله فرك وجهه حيل مثل الي تنرفز ماحجه شي يعني هوه لاشايفني لايعرفني كمل العقد وطلبوا مواقفتي متت كوه طلعت الكلمه مني بس غصبا عليه كمل وطلعنه طريق كله اني شلون جثه الهامده صرت احس حتى عيوني نشفن هيه هاي تاليت تعب هيج تروح لواحد زباله مثل هذا ليش ياربي ليش لو عندي اب اخ اهل بيهم حظ ماجان صار بيه هيج ولاكدر هذا نذل يستغلني هيج بعد تفكير قررت انتحر خلص اني لازم انتحر مستحيل اخلي يطولني لو يموت يارررررب مثل مانجيت يونس من بطن الحوت تخلصني من هذا البلاء نزل عليه اني حتى اسمه ماسمعته زين امير مدري أثير وين صايرة هاي ياللله وكف كدام فندق نزل اضاهر فاتح اقامه هنا لان طلع كبل لاستعلامات ولا شي وساحبني وراة مثل الطلي صعد دخلنه للغرفه دفعني جوة ورجع طلع كعدت ارجف اني شسويت شسويت بروحي عزززة العززاني راح يروح كلشي وشمدريني هوه صدك عقد يجوز ضحك عليه وكلهم جماعته اني ماشايفه واحد مزوج ولااعرف بهاي سوالف اتمنيت لو ميته ولاهذا أليوم عشت عمري كله اكره جنس ادم عمري ماتواجهت وياهم لامن بعيد ولامن قريب واليوم انحط موقف رجف كلبي من شفته دخل وسد الباب برجله ضلت رجليه ترجف وصورت ماما كدام عيني اوووف ماما وينج تعالي شوفي بنتج شصاير بيهه هذا الضالم راح ينتهك شرفي ويينك بابا تعال انقذ حمامتك راح ينزل راسك بلطين حسيت بي واكف فوك راسي طفرت لزمني من خصري وسحبني عليه هوه طويل وضخم واني ناعمه ضعت بيدة صار يتلمس خصري من فوك العباه متت ياربي كلشي ولاواحد ينتهك شرفي مااعرف منين اجتني القوة دفعته بكل قوتي وصارت عيني على سلاحه على الطبله سحبته وحطيته على رأسي كتله بصوت متقطع من البجي وروح ابويه اذا قتربت مني اكتل نفسي وابليك ههههههه ذبي بابا هذا مولعب جهال وتعاي لاسوين روحج شريفه براسي انته واحد حقير وكلب وحرامات هاي رتب العلى متنك خررررة لاتاكلين تعاي خلصيني لااجي حظج اطيحه يلااااااااا كتلج تعاااااااااي والله لو تموت مااجي اذبح نفسي ولااسلمهه لواحد مثلك ياعار انته عار على زلم اصلا ياحسافة الشوارب الحاطهن بوجهك استغليت ضعفي علمود ترضي رغباتك ياحييوان اني كلت هيج لو هجم عليه مثل الوحش بسحبه وحده صرت بحظنه اخذ المسدس وشمرة على جربايه سحلني من شعري بكل قوته وضربني راشدي دار وجهي بي والله ومستمر بذاك الغلط والفشار بنننننت الكلب بنت زمال اني عاررر على زلم مو اني والله لاادفنج مكانج اليوم واريد كواد يطلع وراج اله امثل بيج وروح عمي اله اخليج عبرة لمن يعتبر ياساقطه وعلمج الحييوان شلون يصير سيدي دخليك والله جبت عمري كله محافظه على نفسي دخليك خليني اروح بحال سبيلي وعد ابد متشوف خلقتي بعد بنت النعاااااال تقشمريني ولججج والعقد العقدنا تردين صيرين مرة براسي ولج لو ادفنج واشمرج لجلاب محد يطلع وراج بنت الكلب لاتغلطاااااا على بابا حرام عليك رجال ميت بيش طالبه انجبي لججج تعلميني شحجي مبقى عليه بس انتي يازباله طفر عليه مثل المخبل سحب النقاب من وجهي لو هوه تكول واحد وركعه راشدي على وجهه ضل صافن وفاتح عيونه على وسعهن خفت منه ومن عصبيته لان تحول وحش من صدك هلمرة هااااااااااي شششششنو لججججججج انتي شنو مسويه بروحج تذكرت ششويت بوجهي صبح ابتسمت بكلبي يارب تلعب نفسه ويعوفني لان اني من اباوع على روحي تلعب نفسي دخيلك يارب خلصني شهل سواد هذا هاي انتي شلون هيج فحم اسود وعيونج ملونه ؟؟ بعد من الله هذا لوني احد كلك ليش انته ابيض هيج بنننننت القندرررررررة ضحكين عليه تخليني ازوجج وطلعين نعال ماتسوين ياكلبه لااضحك عليك ولاتضحك عليه طلكني وخل اطلع منا وروح ابويه متشوف خلقتي بعد

[@قصصواقعيهحقيقه]

ههههههه لايحلوة ماكو طلعه واليوم اخذ لااريدة يعني اخذة مو اني الينضحك عليه فهمتي متلعب نفسك اني وحده سودة مفحمه شتسوي بيه هههههههه عاجبني اجرب الكاكاو مو كله زبد ولو طلعين قردة هم اخذ الاريدة اليوم افتهمتي يبس كلبي يربي اني شورطت روحي هذا ماعنده رحمه ولاعنده تفاهم غبيه ورطت نفسي شلون اخلص من يربي ساعدني ضلييت هيج اردد بهاي الكلمه وهوه يقترب اكثر اني اعرف بس يتقرب مني ينكشف جذبي لان سويت بس وجهي غمضت عيوني وشاهدت على روحي مااحس اله دك تلفونه هوه حجه بسرعه مستعجل حتى ماركزت مااعرف شنو حجه دخل للحمام استغليت الفرصه فتحت الباب وشردت منه طلعت بشارع اركض اريد الخلاص بس ماجنت متوقعه اني فتحت على روحي باب جهنم جنت اركض مثل المخبله وصلت لبيتنه دخلت كبل لحمام غسلت والطم على وجهي متت يربي شلون اخلص منه هذا يارب مثل ماخلصتني منه اليوم هم خلصني منه اندك الباب حيل وكع كلبي هوه اكيد هوه اجاني يربي امي تموت ماتتحمل والله زاد دك على الباب استغربت امي مالهه صوت طلعت اركض مالكيتهه بفراشهه تخبلت ركضت للباب طلعت جيرانه ام ليلي وجهه مايبشر بخير رهف.خاله دخليج وين امي عدكم لاوالله يمه موعدنه امج امج وكعت واخذوهه للمستشفى رهف. لا شبيهه ماما ومنو اخذهه وين اخذوهه اهلج اجو واخذوهه للمستشفى لل......... رهف.طبكت الباب وطلعت اركض المرة اجت وياي وهاي جانت اول مرة اطلع بدون نقاب وصلت للمستشفى ادور مثل المخبله سالت انطوني العنوان رحت اركض لكيت الممر متروس زلم ونسوان وجان اشوف هذا الولد جان وي ضابط لايربي اول ماوصلت انفتح الباب طلعت دكتورة كالت د.منو رهف بيكم امهه تريدهه ماموجودة رهف.اني رهف دكتورة دخيلج شبيهه ماما د.ادخلي بنتي ودعيهه امج ساعاتهه معدوده رهف.لا لا اااا مستحيل ماما متعوفني الكل جان يباوعلي بصدمه صافنين عليه بس حتى ماركزت بيهم عفتهم وركضت لماما جانت نايمه وجهه اصفر وتعبانه حيل من شافتني فتحت اديهه ركضت عليهه وحضنتهه واني شهكه اخذت نص حيلي مجلبه بيهه شلون طفل اليرضع ومايريد امه تعوفه ماما.رهوفه حبيبتي موكتلج ماما مااعوفج اله اسلمج بيد اهلج بنتي سامحيني جانت امنيتي اشوفج عروس واشوفج مرتاحه بيت زوجج وشوف احفادي بس مثل ماابوج نحرم منج اني هم نحرمت من شوفتج ماما رهوفه صيري قويه ولاضعفين ولاتخافين مدامج على حق والله موجود مراح ينساج بنتي رهف.ماما لا تعوفيني والله اموت وراج ماما مالي غيرج ابوس ايدج لاتعوفيني يارررررب مالي غيرههه لاتاخذهه مني يالله دخييييلك دخلو الي جانو برة حتى مااعرفهم منو بلظبط ماما.عمي رهف بنتي امانه بركبتكم بنتي ماتعرف شي بهاي دنيا خلصتهه وحدهه ديرو بالكم عليهه وحطوهه بعيونكم يتيمه ودمعتهه عزيزة لاتخلوهه تنذل وتنضام هاي امانه ربي يحاسبكم عليهه دخيلكم لاتاذوهه وخلو عدنان كدام عينكم هاي الوحيدة ضلت من ريحته جد.لاتكولين هيج ام رهف هاي بتنه واكيد ماتنظام وجدهه موجود لاتخافين عليهه غمضي عينج وانتي مرتاحه ماما.رهوفه يمه ترى خالج جذب علينه ومضيع عنوانه على بيت جدج لاياكلج الحقد ياامي ديري بالج على نفسج امانت الله ورسول هاي دخيلكم هاي حمامة عدنان ديرو بالكم عليهه ابوس اديكم رهف.ماما لاتحجين هيج والله اموت وراج مااتحمل اخسركم ثنينكم انتي جنتي مصبرتني على فراك بابا حظنتهه وبجيت بحركة كلب مااريدهه تعوفني مااكدر والله بقيت مجلبه لحد ماضغطت على ضهري بقوة وبعدهه رخت همست برجفه مااريد افتح عيونه مااريد اشوفهه عافتني وراحت ماما اخذيني وياج لاتعوفيني هنا بابا لاتاخذهه مني . . . . . . . . . يتبعععععع❤ هلو كليباتي شلونكم شخباركم شتاقيتلكم ونبي بنات مو تاخذون فكرة عن القصه انو حزينه لااختصرة حياة البطله قبل لاتعيش بيت جدهه معانتهه هيه والدتهه بذيج سنوات القصه حلوة وراح تعجبكم متاكدة شنو رئيكم بلبارت اليوم عجبكم لو لا ريئكم بلبطله هل هيه شخصيه ضعيغه أم مضلومه شنو رئيكم بحظرة ظابط 😯 ياترى رهف راح تعيش بامان وي هاي العائله خاصه همه عشائر ياترى راح تحصل لامان وياهم لو وي حظرت الضابط الي نهزمت منه تتوقعون اهل رهف اذا عرفوا بزواجهه راح يحموهه لو ينفذون بيهه حكم العشائر خاصه طريقة زواجهه منه اتمنى تنطوني رئيكم بلبارت حبيباتي.

[@قصصواقعيهحقيقه]

البارت الثاني مرحبا 💕💕 (ألظابط و المنقبه ) أتمنالكم قراءة ممتعه حبايبي ❤ رهف .مااكدر اخسركم ثنينكم انتي جنتي مصبرتني على فراك بابا حظنتهه وبجيت بحركة كلب مااريدهه تعوفني مااكدر والله بقيت مجلبه لحد ماضغطت على ضهري بقوة وبعدهه رخت همست برجفه مااريد افتح عيونه مااريد اشوفهه عافتني وراحت ماما اخذيني وياج لاتعوفيني هنا بابا لاتاخذهه مني سحلوني منهه كوة من شفتهم غطوة وجهه تخبلت قفدت ملخت نفسي تملخ محد بيهم كدر يسيطر عليه طلعوهه حطوهه بتابوت واني فقدت اخر ذرت عقل عندي ركضت وراهه لزمني جدو وقيد حركتي وسحبني لسيارة بس ماكدرلي عفتهم وركضت واصرخ عوفووووووني اررررريد أمييييييييي ولجججج يمممممه لاتعوفيني يمممممه حطوهه بسيارة بس اريد اوصل يمهه اريد احظنهه بعدني مشبعت منهه والله اخذوهه للبيت كوه ثبتت بسيارة بس اريد اوصل اول ماوكفوه ركضت عليهه خلوهه بنص البيت مال جدوو اوووف كطعت روحي كلههه صرخ يمي الي يبجي على ماما والي يبجي على حالي دنكت حطيت راسي على تابوت وكمت احجي وياهه ماما ليش عفتوني اني مالي غيركم ليش مااخذتوني وياكم شون أنطاكم كلبكم تعوفوني وحدي بهاي دنيا هيج اني هينه عدكم موتكولون انتي حمامتنه كسرتو جناحتي وذبحتوني من الوريد ليش يممممه اخذوني وياكم فدوة جد.كومي بويه جزع حرام يلا خل نتوكل امج راحت لدار حقهه وكلي امرج لله تعالو بويه وخروهه اجن نسوان ثنين جرني ماقاومت بس من شفتهم طلعوهه ركضت وراهم لشارع رغم همه زلم بس ماكدرولي مااعرف شنو سر القوة صارت عندي ركضت وراهم واصرخ والطم بنص شارع مااعرف منو لزمني وقيدني اريد احرك روحي مااكدر وكف كدامي جدو جد.اذا راح تبقين هيج مااخليج ترحين لدفن مالتهه تنصين صوتج ولفي روحج زين يلا ترحين رهف. لاااااا خلص خلص بس خلوني اروح وياكم جنت احجي واشهك هذا لازمني شال العباه حطهه على راسي اجت مريه مااعرف منو لفت حجابي ولبستني عباتي هوه وخر عني حتى ماشفته منو اخذتني لسيارة طول الطريق اني دموعي تجري مامصدكه صار وياي اليوم اني اليوم فعلا تيتمت وصلنه وكملو دفن اني لازماتني ميخلني اتحرك لان اكو زلم هواي اجه جدو وكف كدامي وسحبني من ايدي جد.تعاي بويه ودعي امج حطيناهه بصف ابوج مثل مارادت صيري قويه بنيتي والله يعينج على مصيبتج رهف. رحت بكل هدوء عكس نار الي شاعله بصدري تحرك الدنيا هسه بس بعد هذا امر الله ولااعتراض على حكمه دنكت على قبرهه وبسته وبابا همات ضليت كاعدة بنصهم حسيت بضياع وغربه الناس تخاف من المكابر بس اني هنا حسيت بأامان بنصهم اجه جدو كعد كبالي ومد ايده حجه وياي جد. يلا بويه دنيا غوربت ومايصلح تبقين هنا كومي بويه وياي رهف. باوعتله واني اشهك من البجي .خلوني هنا اني مالي احد غيرهم خلوني يمهم وين اروح وابوي وامي ثنينهم هنا 😭😭😭😭

[@sosa.3168]

مبروك انشالله تشوفهة احلى دكتورة تستاهل كول خير على هل محتوى الحلو حرفيا لو ما قناتك اموت ملل ❤️❤️❤️

[@طبيبةالغد-ه1ي]

الله يبارك بعمرج الج بالمثل يارب 💜تدللين ياورد❤

[@Ali__Ali___]

عاشت ايدج القصه حلوع عفيه ننتضر التكمله بفارغ الصبر

[@قصصواقعيهحقيقه]

نوزلت خيوو

[@لؤيوائل-ح2ه]

الف الف مبروك النجاح والتوفيق يارب

[@طبيبةالغد-ه1ي]

الله يبارك بعمرك النجاح والتوفيق للجميع يارب 🌹🌹

[@حيدرالمحمداوي-ث3ذ]

اموت على هي القصه اجنن قريته شكم مره روعه

[@طبيبةالغد-ه1ي]

🌺🌺🌹

[@طبيبةالغد-ه1ي]

ياربي تسلملي اخوية الغالي ربي يحفظك ولايحرمني منك 🌹💜عاش ذوقك الراقي القصة تجنن والله فرحتني حيل 😍🌹

[@قصصواقعيهحقيقه]

ولو غير اخيتي ان شاء دووم فرحتج يبعد اخوج

[@طبيبةالغد-ه1ي]

@@قصصواقعيهحقيقه بوجودك اخوية الذهب ربي يفرحك مثل فرحتي واكثر 😍💜🌹

[@قصصواقعيهحقيقه]

اهم شيء تعحبج القصه بس مكدر انزل عاي اليومين لان مشغول حيل تعرفين شغل ولازم اجمع العائله ولازم اخذهم للمقبرة انشغل حيل ثالث يوم العيد اذا فرغت انزل اني رح اسد نت هاي اليومين اذا تكدرين ردي على تعليقاتهم نيابه عني

[@طبيبةالغد-ه1ي]

@@قصصواقعيهحقيقه ايي والله تجنن ان شاء الله براحتك اخوية انتظرك🌹صار بعيوني 🌹

[@اميرهبشخصيتي-ن4ق]

الف الف مبروك نجاح اختك اخي الغالي وأمانه لا أطول علينه بل نشر خويه العزيز

[@قصصواقعيهحقيقه]

الله يبارك بيج تدللون

[@hassan_24]

الف الف الف مبروك يا رب دوام النجاح والتوفيق لكل أولادنا بحق محمد وال محمد

[@طبيبةالغد-ه1ي]

الله يبارك بعمرك، امين يارب العالمين 🌹

[@hassan_24]

@@طبيبةالغد-ه1ي 🙏🕊️🥰

[@Kristina-kb4sz]

الف الف مبروك لنجاح أختك أخويه الغالي 🦋💕

[@قصصواقعيهحقيقه]

الله يبارك بيج خيتو

[@منتظرمهدي-ش6د]

قاريتهة قبل وحبيت اعيدهة وياكم من تنزل التكمله ذكروني

[@قصصواقعيهحقيقه]

تعذروني هاي اليومين مااكدر انزل لان مشغول هم على باب الله وهم زيارة وهم زيارة القبور انزل ٣ بالعيد ان شاء الله واعوضكم

[@طبيبةالغد-ه1ي]

معذور ياغالي، ربي يرزقك من واسع سماه ويرحم امواتك واموتنا ويختصك برحمته 🌹ننتظرك 🌹🌹

[@قصصواقعيهحقيقه]

@@طبيبةالغد-ه1ي تسلمين يالغاليه

[@طبيبةالغد-ه1ي]

@@قصصواقعيهحقيقه يسلملي عمرك يارب 🌹زين ماتاخرت علينا متحمسة اكملها 😍🌹

[@قصصواقعيهحقيقه]

@@طبيبةالغد-ه1ي ❤❤❤

[@مْدللھۃه-و2ه]

يمت تنزلين تكمل القصه 🙂

[@ammohamad4111]

نشركم على سرد هذه القصه الجميله اللي بيه احداث حلوة وحزينه بنفس الوقت ان شالله يارب اصحاب القصه الحياة السعيدة والعمر المديد

[@طبيبةالغد-ه1ي]

🌹🌹🌹🌹

[@حبيبتابوها-س8ض]

عاشت ايدك وربي يحفضك القصه تجنن ادمنتها وربي

[@hassanhadi9042]

الف مبروك نجاح أختك أخويه الغالي ان شاءالله أعلى المراتب يارب 💞

[@قصصواقعيهحقيقه]

تسلمين خيتوو

[@ياقائمآلمحمدياعليمدد-ل9ي]

الف مبروك النجاح

[@طبيبةالغد-ه1ي]

الله يبارك بعمرك 🌹🌹

[@montaha3758]

مبدع تجنن قصصك بس عفيه لليش مدتنزل بستمرار

[@طبيبةالغد-ه1ي]

تدللون 🌹عندو ظروف بس يفضى ان شاء الله ينزل 🌹

[@شہجہرهہآلأِحہزآنہ]

الف مبروك غلاي لنجاح اختك😍😍😍

[@قصصواقعيهحقيقه]

الله يبارك بيج خيتوو

[@شہجہرهہآلأِحہزآنہ]

@@قصصواقعيهحقيقه حباب نزل قصة فهد ومريم بس ماعرف شنواسم القصه بليس😭😭😭

[@Zahraahassan-p7g]

تخبل القصه

[@طبيبةالغد-ه1ي]

🌹🌹🌹

[@محمدحسنعريبي-ش7ذ]

الف مبروك نجاح أختك وانا بنتي ايضا ناجحه وتفوق وبمعدل٩٨بوينت٨

[@قصصواقعيهحقيقه]

مبروك اختي ان شاء يوم تفرحين بتخرجها يارب

[@منتظرمهدي-ش6د]

انتضر التكمله على نار حبي الموفقيه ان شاء الله

[@طبيبةالغد-ه1ي]

اليوم نزل وغدا يختمة ان شاء الله 🌹

[@minafoad]

حباب نزلنه قصه اجبرت الزواج ع حبيبي كللللش حلوه ولله وممتع وبيه هوااي احداث وحزن وفرح ونهايه سعيده البطل عمر ونور وبعد بيه هواي ابطال 🥺💞

[@طبيبةالغد-ه1ي]

ان شاء الله بس يفضى ينزلها 🌹🌹

[@jjjjjjjjjjj.k]

القصة حلوة ولو اني قاريتة من قبل فترة 🥺❤

[@adsami5865]

فدوه وين الكاها وشنو اسمها

[@jjjjjjjjjjj.k]

قصة فتاة تعاني من غدر الزمن على يد ذالك الضابط

[@jjjjjjjjjjj.k]

لان ما بيهن اسم هية اكتبي هيج تطلعلك

[@قصصواقعيهحقيقه]

ترة اسمها الظابط والمنقبه وموجودة بالواتباد وبالفيس والجوجل

[@بحرالاحزان-ر7ر4ظ]

الف مبروك نجاح اختك ونجاح ابني هم فرحت النجاح متنوصف يارب النجاح لجميع الطلاب

[@قصصواقعيهحقيقه]

الله يبارك بيج امين يارب

[@امالسوس-ه9ك2ج]

التكمله اعيوني ابساع 💞💞💞💞💞🌹🌹🌹

[@طبيبةالغد-ه1ي]

اليوم نزل وغدا يختمة ان شاء الله 🌹🌹

[@دنو-ش2د]

يوم انجح من سادس ارجع للقصص ادعولي مابقى شي ع امتحانات

[@قصصواقعيهحقيقه]

الله يوفقج ان شاء الله ويوم الي تتخرجين وتفرحينه

[@دنو-ش2د]

@@قصصواقعيهحقيقه تسلم اخي الف مبارك نجاح اختك

[@قصصواقعيهحقيقه]

@@دنو-ش2د يسلموا خيتوا يوم اللج ان شاء الله وافرح بيج انطيني خبر انزل قصه على حسابج من تنجيحن

[@دنو-ش2د]

@@قصصواقعيهحقيقه ربي يسلمك اخي الورده اي ان شاء الله انجح اجي ابشرك بنجاحي

[@حيدرالمحمداوي-ث3ذ]

ان شاءالله يارب

[@بنونه-غ8ذ]

الف مبروك خويه على نجح اختك اني هم نجحت

[@قصصواقعيهحقيقه]

مبروك خيتي يوم التخرج ان شاء الله

[@بنونه-غ8ذ]

@@قصصواقعيهحقيقه اشكراك

[@كربلائيه-س3ر]

بلا زحمه عليك خويه ممكن اسم نغمه

[@قصصواقعيهحقيقه]

اغنيه تركيه لا لا لا

[@كربلائيه-س3ر]

@@قصصواقعيهحقيقه اوك يسلموو خيوو

[@banenahmed3359]

كمل عاشت ايدك

[@user-qp6iz5cn6l]

اسم الأغنية شنو ؟

[@طبيبةالغد-ه1ي]

اغنية تركية لا لا

[@hameedalbadre9899]

فدوةقصة مهيب أبو الاكبر وسدم عفية ماعندي واتباد جهازي قديم ماينزل التطبيق

[@قصصواقعيهحقيقه]

تمام

[@azal2465]

وين الكه التكمله

[@طبيبةالغد-ه1ي]

بالتعليق المثبت 🌹

[@user-ld5jc3tj2k]

ممكن اسم الغنيه

[@مصطفىماجد-ي4ل]

مبروك النجاح ان شاء الله اعلى المراتب

[@قصصواقعيهحقيقه]

تسلم اخي الغالي

[@memoalftlawy2909]

ممكن صور مشابهه في فيديو للأبطال

[@قصصواقعيهحقيقه]

صورة رهف بس موجودة بالفيديوو شبيهتها

[@Ali__Ali___]

حبابه التكمله

[@طبيبةالغد-ه1ي]

راح يكملها ثالث يوم العيد اذا الله راد 🌹🌹

[@rafedraheem3104]

شوكت تكمل القصه شلعت كلوبنه

[@طبيبةالغد-ه1ي]

كملت القصة بالتعليق المثبت 🌹

[@امالسوس-ه9ك2ج]

شني السالفه مو كلتو اليوم اتكملون🥺🥺🥺🥺🥺😭😭😭

[@طبيبةالغد-ه1ي]

ايي حياتي كملها 🌺🌹

[@امالسوس-ه9ك2ج]

@@طبيبةالغد-ه1ي 💞💞💞💞💞🌹🌹🌹

[@lubnaalbanna1886]

ما اسم الاغنية

[@قصصواقعيهحقيقه]

اغنيه تركيه لا لا لا

[@آختبآشآ-ح3ز]

بليززز االتكمله

[@طبيبةالغد-ه1ي]

التكملة بالتعليق المثبت ختمها هم 🌹

[@الهامدلف-ث6ط]

@@طبيبةالغد-ه1ي وين التكملة

[@طبيبةالغد-ه1ي]

@@الهامدلف-ث6ط بالتعليق المثبت كاملة 🌹🌹

[@yousufyousuf209]

كمل قصه جوليت واسرها عليك الله

[@قصصواقعيهحقيقه]

ان شاء الله