شوربة لسان عصفور بالكعابر بنينة و ساهلة | وصفات رمضانية | Soupe Lsen Asfour / Langue d'oiseau

[@Rourita]

■ المقادير : 🔹️ كعابر لحم مفروم: - 250 غ لحم بقري مفروم -1/2 ملعقة صغيرة ملح | - 1/2 ملعقة صغيرة فلفل أسود - 1/2 ملعقة صغيرة نعناع مجفف - 1 ملعقة صغيرة فلفل أحمر | -1 ملعقة صغيرة كركم - نصف ملعقة صغيرة تابل و كروية - 3 فصوص ثوم | -1 ملعقة كبيرة زيت زيتون 🔹️مقادير الشوربة : -2 ملعقة كبيرة زيت نباتي | - كعابر لحم مفروم - 100 مل صلصة طماطم (أو 3/4 ملعقة كبيرة معجون طماطم مركزة) -ربع كوب حمص منفّخ | -1 فلفل أحمر مجفف -1/2 ملعقة صغيرة ملح | -1/2 ملعقة صغيرة فلفل أسود | - 1 ملعقة صغيرة كلافز شايحة (اختياري) -1/2 ملعقة صغيرة كركم | - 1 ملعقة صغيرة فلفل أحمر | - 1 ملعقة صغيرة فلفل أحمر مهروش أو هريسة عربي -4 ملاعق كبيرة شوربة لسان عصفور | - 2 فصوص ثوم - نصف ملعقة صغيرة تابل و كروية - كلافز 🔸️طريقة التحضير : ▫️طريقة تحضير كعابر اللحم: -خذيت 250 غ لحم مفروم و فوحتوا. حطيت ملح، فلفل اكحل، كركم، فلفل احمر، نعناع شايح، تابل و كروية، 3 فصوص ثوم مهرسين و مغرفة كبيرة زيت زيتونة. -نخلط مليح باش اللحم يشرب الفّاح متاعنا. -نشكل كعابر اللحم المفروم بنفس الحجم و نعملوهم صغار باش يطيبو فيسع و ما ياخذوش وقت. -من بعد نحطهم يرتاحو 30 دقيقة في الفريجيدار. ▫️طريقة تحضير الشوربة: -نحط الزيت في الطنجرة و نحط كعابر اللحم. و نقليهم مليح على نار هادئة، و نقلبوهم بسياسة باش ما يتفترشوش. -طريقة اخرى نحط الزيت و ماء يغلي و نحطوا فيهم الكعابر من غير ما نقليوهم، انتوما و شنوا تحبوا. -بعد ما قليت الكعابر خرجتهم و خليتهم على جنب. -حطيت صلصة طماطم، حمص، فلفل احمر شايح، ملح، فلفل اكحل، كركم، فلفل احمر، فلفل احمر مهروش و الا هريسة عربي، و كلافز شايحة (اختياري). -خلطت المكونات الكل و مرقت بماء سخون لين يولي يغلي -وقتها حطيت ثوم مهرس مع تابل و كروية و كلافز. -خليتهم شوية و من بعد حطيت كعابر اللحم و خليتهم يطيبوا 15 دقيقة. -من بعد زدت شوية ماء سخون و حطيت بات شوربة لسان عصفور و خليتها اطيب سلة سلة لمدة 15 دقيقة. و صحة و بالشفاء ليكم. اذا تجربوا الوصفة خليولي تعليق، رأيكم يهمني 🥰 شاهية طيبة للجميع و ربي يتقبّل منّا و منكم. ان شاء الله صيام مقبول و ذنب مغفور 🤲🏻

[@zinetteboughattas9192]

❤محلاه تطيبك

[@Rourita]

يحلي ايامك يا رب ❤️🥰 ربي يفضلك