Sana Khani Muhammad Di Writen By AbduL Kareem Khaki MuLtani UnKnown Voic

PLease Subscribe My ChanaL Thankyou…
خُدا دى ذات کوں بھاندى ثناءخوانى محمدؐ دى
هےسب نبیاں توں ودھ کےشان لاثانى محمدؐ دى
نبى سارے محمدؐ دی ثناءخوانى کریندےگئے
ايندى تشريف گھِن آون دياں خبراں اوڈيندےگئے
آکھن آوےتاں ڈيکھوں دل ہےدیوانی محمدؐ دى
اينداعرش مُعلّٰى تےذکراذكارتھیندا ہے
فلک تےچن ستاریاں وچ اینداپرچارتھیندا ہے
اَلَمْ النَشْرَحْ گواہ سورت ہےقُرآنى محمدؐ دى
ايکوں خالق نےبخشى دوجہاناں دی ہےسردارى
ايندےلئى بنى بيشک خُدادى ہے خُدائى سارى
کرن نوری ملائک آکےدربانی محمدؐ دى
پڑھن حجر و شجر كلمه محمدؐ دى سلامى وچ
جنگل دے شیر آکے جُھکدےمحمدؐ دى غلامى وچ
نظرآندي بے زباناں تےحکمرانی محمدؐ دى
پھرن کئى وانگ دیوانے او جندڑى یارتوں وارن
کٹا کے گردناں تے تخت شاہی کوں او لت مارن
ڈٹھی جئيں جئيں مُعمبرزُلف سبحانى محمدؐ دى
جہڑےگھروچ محمدؐ دا ذکراس گھردے وچ برکت
ميرا ايمان ہے پَل پَل وسےاس گھردے وچ رحمت
ہے کُھلویندی جنت دے در قدردانی محمدؐ دی
اوندے صفتاں لِکھن ویلےمیکوں خاکیؔ حياآندااے
مَتاں ہووےبےادبی دل دے وچ خوفِ خُدا آندااے
رکھینداہرگھڑی خالق هے نگرانی محمدؐدی
🔰🔰🔰
(بطرز ! خُدا کی عظمتیں کیا ہیں محمدؐ مصطفی جانے)
( بطرز ! تُساکوں مان وطناں دا اساں ہاں يار پردیسی)