Рет қаралды 5,172
ಸತ್ಯ ಸಂಕಲ್ಪ ಸ್ವಾತಂತ್ರ ಸರ್ವೇಶ ಸರ್ವೋತ್ತಮನೆ ಸಾರ್ವಭೌಮಾ ಪ
ಭೃತ್ಯರಿಗೆ ಬಂದ ಪರಿಪರಿ ಭಯಗಳನೆ ಕಳೆದು
ನಿತ್ಯದಲಿ ಕಾಯ್ವ ಸ್ವಾಮೀ ಪ್ರೇಮೀ ಅ.ಪ.
ಆವ ಜನುಮದ ಫಲವೊ ಆವ ಕ್ರಿಯಗಳಿಂದ
ಆವ ಸಾಧನದ ಬಗೆಯೋ |
ಆವುದಿಂದಾವುದಕೆ ಘಟನೆಯನು ಮಾಳ್ಪೆಯೊ ಆವುದೊ ನಿನ್ನಾಟವೋ ||
ಆವ ಪರಿಯಿಂದಲ್ಲಿ ಜೀವಿಗಳ ಸಲಹುವಿಯೊ
ಆವ ನಿನ್ನಾಧೀನವೋ |
ದೇವ ದೇವೇಶ ನಿನ್ನ
ಭಾವ ಬಲ್ಲವರಾರೊ ಭಾವಜನ ಪಿತ ಕೃಪಾಳೊ ಕೇಳೋ ||೧||
ತ್ರಿಪದ ತೈಜಸ ಪ್ರಾಜ್ಞ ವಿಶ್ವರೂಪಗಳಿಂದಸ್ವಪ್ನ ಕಾಲದಲಿ ನೀನೂ ||
ಸುಪರ್ವಾಣ ದೈತ್ಯರ ಸೃಜಿಸಿ ಮನೆಯನು ಮಾಡಿ ಅಪರಿಮಿತ ಕಾರ್ಯಗಳನೂ |
ಸುಫಲ ದುಷ್ಕರ್ಮಗಳ ತೋರಿಸೀ ಜೀವಕ್ಕೆ ಕ್ಲುಪುತವಾಗಿದ್ದವೆಲ್ಲಾ |
ಕೃಪೆಯಿಂದ ತೋರಿ ಬಂದಾಪತ್ತುಗಳ ಕಳೆವ
ಅಪರಿಮಿತ ಸಾಗರಾ ಶೂರಾ ||೨||
ಎನ್ನಂಥ ಪಾಪಿಷ್ಠರಿನ್ನಿಲ್ಲ ಧರೆಯೊಳಗೆ ನಿನ್ನಂಥ ಕರುಣಿಯಿಲ್ಲಾ |
ಚೆನ್ನಗುರು ವಿಜಯರಾಯರ ಪೊಂದಿದವನೆಂದೂ ಮನ್ನಿಸಿ ಸಲಹಬೇಕೋ ||
ಘನ್ನ ಸಂಸಾರದೊಳು ಬವಣೆ ಬಂದಟ್ಟಿದರುನಿನ್ನ ಸ್ಮೃತಿಯೊಂದು ಬರಲೀ |
ಸನ್ನುತಾಂಗಿಯ ರಮಣ ವ್ಯಾಸವಿಠಲ ಮಧ್ವ
ಮುನಿಗೊಲಿದೆ ಉಡುಪಿವಾಸಾ ಶ್ರೀಶಾ ||೩||
🙏ಶ್ರೀ ಕೃಷ್ಣಾರ್ಪಣಮಸ್ತು🙏
Satya saṅkalpa svātantra sarvēśa sarvōttamane sārvabhaumā pa
bhr̥tyarige banda paripari bhayagaḷane kaḷedu
nityadali kāyva svāmī prēmī a.Pa.
Āva janumada phalavo āva kriyagaḷinda
āva sādhanada bageyō |
āvudindāvudake ghaṭaneyanu māḷpeyo āvudo ninnāṭavō ||
āva pariyindalli jīvigaḷa salahuviyo
āva ninnādhīnavō |
dēva dēvēśa ninna
bhāva ballavarāro bhāvajana pita kr̥pāḷo kēḷō ||1||
Tripada taijasa prājña viśvarūpagaḷindasvapna kāladali nīnū ||
suparvāṇa daityara sr̥jisi maneyanu māḍi aparimita kāryagaḷanū |
suphala duṣkarmagaḷa tōrisī jīvakke kluputavāgiddavellā |
kr̥peyinda tōri bandāpattugaḷa kaḷeva
aparimita sāgarā śūrā ||2||
ennantha pāpiṣṭharinnilla dhareyoḷage ninnantha karuṇiyillā |
cennaguru vijayarāyara pondidavanendū mannisi salahabēkō ||
ghanna sansāradoḷu bavaṇe bandaṭṭidaruninna smr̥tiyondu baralī |
sannutāṅgiya ramaṇa vyāsaviṭhala madhva
munigolide uḍupivāsā śrīśā ||3||
🙏śrī kr̥ṣṇārpaṇamastu🙏