Рет қаралды 878
Hierdie fantastiese sop het ek in Engeland ontdek en vir jare probeer om dit net so lekker te maak. Alhoewel die sop sekerlik die lekkerste sop is wat ek ken, is dit boonop vullend en maak van enige koue wintersaand ‘n onvergeetlike geleentheid om na UIT te sien. Heerlik saam met vars gebakte plaasbrood en botter. Jy kan ook as jy wil die ekstra myl stap en hierdie sop opdien saam met suurroom en lemmetjie wat jy vars oor die sop kan sit en uitdruk tydens opdiening. Yummy. Dit is ook ‘n baie goeie idee om hierdie sop te viervoudig en te vries vir nog koue aande wat voorlê.
Bestandele:
250 gram bees maalvleis
1 Tafellepel olyfolie
1 Ui (opgekap)
2 Knoffelhuisies (fyn gerasper)
1 Rooi Pepper (opgekap)
1 klein rooi rissie (matig) opgekap
1 Tafellepel komyn
1 Tafellepel matige paprika (gerookte paprika smaak lieflik)
1 knypie rooipeper
1 Tafellepel Balsamiese Asyn
750ml goeie kwaliteit hoender-aftreksel
3 Tafellepels Tamatie pasta
3-4 lourierblare
1-2 tafellepels geurmiddels soos die Kosmeester Kortes Braaimeestergeur Vleisspeserye met rissie (of sout en swart peper) kosmeester.co.za
400 gram geblikte tamaties
400 gram geblikte nierbone afgespoel (kidney beans). Vars boontjies ook lekker, in hierdie geval berei 400g soos per pakkie)
Metode: Soos in die video - braai die maalvleis, uie en knoffel vir ‘n paar minute. Voeg die Rooi Pepper, Rissie en Speserye by vir 5-15 minute. Voeg nou die asyn, hoenderaftreksel, tamatie pasta, lourierblare en Braaimeestergeur met rissie by (of sout en swartpeper) en kook vir 5 minute. In die tussentyd, sit die blikkie tamaties en helfte van die boontjies in ‘n voedselverwerker en prosesseer to glad. Voeg in die kastrol saam met die oorblywende boontjies saam met die ander bestandele en kook oor ‘n lae hitte vir 45 minute. Maak seker jy roer gereeld en kyk dat niks op die bodem van die kastrol aanbrand nie.
Tafellepel = 15ml
Teelepel = 5ml
#sop #kosmeesterkortes #chilliconcarne