Рет қаралды 174,686
શ્રીમદ ભાગવત સંભળાય ચાલો ગંગા કિનારે
શ્રીમદ ભાગવતનો મહિમા છે મોટો
સાંભળીને પાવન થવાય ચાલો ગંગા કિનારે.....
પરીક્ષિત રાજા મૃગલા રમવાને ગ્યાતાં
મૃગલા રમવા વનમાં રે ગયા
રાજાને લાગી તરસ ચાલો ગંગા કિનારે.....
વનમાં ઋષિના આશ્રમે ગયા
રાજાએ આશ્રમમાં માગ્યા છે પાણી
ઋષિએ સાંભળ્યું નહિ કાઈ ચાલો ગંગા કિનારે.....
પરીક્ષિત રાજા ક્રોધે ભરાણા
મરેલો સાપ ઋષિના ગળામાં નાખ્યો
સુમિત કુમાર જોઈ જાય ચાલો ગંગા કિનારે.....
આવા તે કામ કોણે રે કરિયા
મારા પિતાજી બેઠા એના ધ્યાનમાં
અજાણતા કોણે કર્યા પાપ ચાલો ગંગા કિનારે.....
ઋષિ કુમારે શ્રાપ જ દીધો
તક્ષક નાગને હુકમ કીધો
લેજો રે એમના પ્રાણ ચાલો ગંગા કિનારે.....
પરીક્ષિત રાજા મનમાં મૂંજાણા
હવે બાકી રહ્યા સાત જ દિવસ
કરવા કાયા ના કલ્યાણ ચાલો ગંગા કિનારે.....
પરીક્ષિત રાજાએ શુકદેવ તેડાવ્યા
એકાંતે બેસી વિનંતી કરે છે
બતાવોને નાગ નો ઉપાય ચાલો ગંગા કિનારે.....
શ્રીમદ ભાગવત કથા વંચાવો
દેવ દેવતા ને સંતો તેડાવો
પિતૃને મોક્ષ થઇ જાય ચાલો ગંગા કિનારે.....
એકોતેર હજાર ઋષિ તેડાવ્યા
દુર્વાસા આવ્યાને વાલ્મિકી આવ્યા
સનકાદિક રિશી આવ્યા સાથ ચાલો ગંગા કિનારે.....
રામ રે આવ્યા ને લક્ષમણ આવ્યા
હનુમાનજી આવ્યા ગદા લઇ ચાલો ગંગા કિનારે.....
બ્રહ્માજી આવ્યાને વિષ્ણુજી આવ્યા
ભોળાનાથ આવ્યા ડમરુ લઇ ચાલો ગંગા કિનારે.....
સંતો રે આવ્યા ને ભક્તો રે આવ્યા
નારદજી આવ્યા વીણા લઇ ચાલો ગંગા કિનારે.....
આલાલીલા વાંસના મંડપ રોપાવ્યા
આસોપાલવ ના તોરણ બંધાવ્યા
કેળું ના રોપાવ્યા સ્થંબ ચાલો ગંગા કિનારે.....
એકોતેર હજાર ઋષિ રે આવ્યા
દેવ દેવતા ને સંતો પધાર્યા
આનંદ આનંદ છવાય ચાલો ગંગા કિનારે.....
હરે ક્રિષ્ન હરે કૃષ્ણ હરે મુરારી
હે નાથ નારાયણ વાસુદેવ
એવા એવા શબ્દો સંભળાય ચાલો ગંગા કિનારે.....
પરીક્ષિત રાજા એ આસન આપ્યા
ઊંચા આસન ઉપર સંત ને બેસાડ્યા
નીચા આસન ઉપર ભક્તો ને બેસાડ્યા
ઉભા રહ્યા પરીક્ષિત રાય ચાલો ગંગા કિનારે.....
આકાશ માંથી વેમાન ઉતર્યા
ચંદ્ર સૂર્ય ના અજવાળા પડિયા
પરીક્ષિત વેમાને બેસી જાય ચાલો ગંગા કિનારે.....
#Vasantben
#કીર્તન
#Vasantben_Nimavat
#Gujarati_Kirtan
#Gujarati_Traditional_Kirtan
#Gujarati_Bhakti_Geet
#Satsang_Kirtan
#Bhajan_Kirtan
#વસંતબેન
#વસંતબેન_નિમાવત
#સત્સંગ
#ગુજરાતી_કીર્તન
#ભક્તિ_સંગીત
#Lilivav
#લીલીવાવ
#અરુણાબેન
#Arunaben
#Bhavnagar
#ભાવનગર
#Saurashtra
#સૌરાષ્ટ્ર