Рет қаралды 60,392
للقراءة :
يا ترف مالله من الدنيا عطاني
كل ما الزم قرش قال مع السلامة
أحشمه عما ينقص من مكاني
وأرخصه من دون وجهي والكرامة
ماني بحاتم ولا عنتر زماني
مير ما فيه لا بخل ولا رخامه
رافع راسي لكن الموت جاني
صارت تثقل علي الابتسامة
يا معين إللي من أيامه يعاني
والعرب لاهين ما قالوا علامه
يعرفون الشاعر فلان الفلاني
يتناقل في مجالسهم كلامه
ما بغيت الشعر والشعر ابتلاني
كل ما صديت لزمني خطامه
شاعر مرهي وخادمني لساني
مستعد أحط هامة فوق هامة
إن مدحت أرفع على سهيل اليماني
وإن هجيت أدفن تحت ساحل تهامه
يا ترف ما عاد في بطني معاني
لاعبيني واسجعي سجع الحمامة
اطربي سمع ما يطرب من للاغاني
واضحكي لليل ويودع ظلامه
ويش أبي فالبدر وانتي بدر ثاني
فيك شامة والبدر ما فيه شامه
ارفعي راسك على الجوزا تراني
أنا ابوك إللي رفع راسك مقامه
أحمد الله يوم شيدت المباني
لا على جرف هيال ولا عدامه
امتنقي من عريبين المجاني
بنت شيخان يردون الجهامه
يا ترف لو ما كتاب الله حداني
والكتاب أعرف حلاله من حرامه
لا أمنع الخطاب من قاصي وداني
مثل منع الزير سالم لليمامه
لو ما أحس بشرهة طوال اليماني
والله إنك ما تحطين اللثامة
اللثامه فوق هطلان الاذاني
وأنتي إللي تستحقين العمامة
وزال باقي لي على الدنيا ثواني
والله إنك ما تشوفين الندامه
وان سبقتك كل من في الأرض فاني
سامحيني والوعد يوم القيامة
للشاعر / وصل العطياني.