ضحية النرجسي وجلد الذات والوسواس القهري (شفاء الروح -٤)

ما عليك سوى الانتساب إلى هذه القناة للاستفادة من المزايا:
/ @user-id-kawthers-sanad
حجز الاستشارات : kawtharsanad.com/
رقم واتساب ٠٠٢٠١١٥٠٥٨٦٠٥٢
النرجسي والضحية وجلد الذات والوسواس القهري وقمة الاستغلال والابتزاز العاطفي
الشعور بالذنب وجلد الذات من اهم اهداف النرجسي معاكي ، ليه وازاي؟ دلوقتي بيقول لك ان من ضمن الحاجات اللي بتولد الشعور بالذنب عند البني ادم انه يحس انه مش قادر يكون على مستوى التوقعات ، يعني ايه الكلام دة ؟ يعني مثلا لما احد الوالدين يطلب من ابنه انه يكون الأول ع الفصل او المدرسة ويضغط عليه في هذا الاتجاه ولما الطفل ميكونش قادر انه يوصل للمستوى دة فالوالد يزعل او يحزن او يغضب فالطفل يحس انه ماوصلش للتوقع اللي الوالد متوقعه منه ويحس انه اغضبه او احزنه يعني تسبب في الأذى له والطفل بيحب الوالد دة وعارف انه بيحبه ومش بيتأخر عنه في حاجة و... ومع ذلك هو مش قادر يرتقي لمستوى توقعاته ومش عارف يسعده فالطفل هنا بيحس بالذنب فيجتهد اكتر ويحاول اكتر انه يبذل مجهود ومايقدرش فيحس بالذنب اكتر ونرجع لمسألة التغذية الراجعة اللي شرحناها الحلقة اللي فاتت (ازاي نتخلص من الشعور بالعار ) وطبعا الطفل دة كلنا عارفين مصيره في الاخر انه حيكون اما نرجسي او اعتمادي ، المهم تعالي نشوف انتي بقى اكيد كنتي الطفل دة لكن مش شرط طبعا موضوع الدراسة ممكن يكون الام نرجسية فبتستخدمك في البيت في التنضيف والخدمة والطبخ ودايما مش راضية عنك فانتي مش علي مستوى توقعاتها ومن هنا نفهم ان ازاي النرجسي بيحسسك انك مش على مستوى توقعاته انه دايما ينتقدك ودايما مش راضي عن مستوى أي حاجة بتقدميها مهما كانت تافهة ،حالة كانت بتقول انها كانت على مدار ٢٥ سنة جواز يوميا مفيش مرة قدمت له كوباية مية او فنجان قهوة الا لما كان يبص ع الفنجان ويفحصه ويطلع لها فيه أي حاجة مش نضيف مكسور القهوة مطرطشة عليه الكوباية مش بتلمع تخيلوا لمدة ٢٥ سنة لاهو زهق ولا هي حاسة انه بيكسر فيها هي كانت بتقول عنده وسواس نظافة وتعديها وتسكت مرة وتضحك مرة ولما عرفت انه نرجسي وفهمته تاني يوم قالت له انت عليك غسيل الفناجين والكوبايات من هنا ورايح عشان تبقى مرتاح ومن يومها بطل تماما الحركة دي ، الحركة اللي بيعملها النرجسي دي قيها تحطيم أعصاب وانتقاص واذلال ويحسسها انها مش على مستوى توقعاته ويقنعها انها مهملة ومش نظيفة وبالتالي إحساس دائم باذنب انها مش عارفة تراضيه مش عارفة تنظف كوباية ، تخيلوا ان دة بيوصل بعض الحالات للوسواس القهري تخيلوا ان ديفيد هاوكينز بيقول ان استمرار وتوغل الشعور بالذنب بيوصل الضحية لانها تصاب بالوسواس القهري ،فاكرين لما قلت لكم اني لاحظت ان بعض زوجات النرجسي بيجي لهم وسواس قهري وان كتير من أبناء النرجسي بيصابوا بالوسواس القهري ، دلوقتي فهمنا ليه وايه السبب ، طيب ليه الإحساس بالذنب بيوصلنا للوسواس القهري؟ لان طول مانتي حاسة بالذنب انك مثلا ماعملتيش الحاجة دي صح بترجعي تعمليها تاني عشان تبقى صح وبعدين ترجعي تشكي اتعملت صح ولا لا ، زي الحالة دي لولا ان هيي ظنت انه عنده وسواس واخدت الموضوع بشكل مش شخصي كانت أصيبت بالوسواس القهري لانها لو ظنت ان المشكلة فيها كانت حتقف تغسل الفنجات عشر مرات قبل ماتقدم له فيه القهوة عشان هي حاسة انها طول الوقت مذنبة والعيب فيها فتشك في نفسها باستمرار فتغسل الفنجان عشرين مرة ومن هنا بييجي وسواس النظافة ، ولما الانسان بيحس بالذنب في تقصيره مع ربنا لو كان بيتبع شيوخ متزمتة وبتتكلم عن العقاب فقط والنار والترهيب وبتزرع أصلا في الناس الشعور بالذنب بيحصل وسواس العقيدة والعياذ بالله والوسواس في الوضوء وفي الصلاة ، وهكذا قيسي بقى على الكلام دة باقي أنواع الوسواس ، الكلام دة مهم جدا عشان أولادنا قبل مايكون مهم لنا
المهم هو النرجسي فاهم انه حيجيب لك او لاولاده وسواس قهري؟ لا طبعا هو اغبى من كدة بكتير هو أصلا عايز يحسسك بالذنب بس عشان هو عارف وجرب مع ابوه انه لما كان بيضغط عليه ويرفع مستوى توقعاته منه ويحسسه بعدم الرضا فهو كان بيبذل جهد اكبر في انه يرضيه ويحاول يتشقلب عشان ابوه يرضى وابوه يرفع تاني مستوى توقعاته والولد يحاول اكتر ويموت نفسه اكتر عشان يحصل على فتات خبز من القبول والحب من ابوه فهو فاهم التكنيك كويس جدا وبالرغم من انه اذاه اد ايه وخلاه طول عمره حاسس بالذنب وحاسس انه قليل وانه مرفوض الا انه بينفذه معاكي بحذافيره عشان ياخد منك اقصى مجهود واحسن خدمة واكبر قدر من الرعاية والحب والاهتمام لدرجة انه في بعض الأحيان بياخد دور الضحية عشان يبتزك اكتر ويضغط عليكي اكتر ويحسسك بالذنب اكتر فتجتهدي اكتر وتراضيه اكتر وتفضلي كدة تلفي حوالين نفسك
طيب انتي زي ماتفقنا قبل كدة انتي والنرجسي عندكم نفس الشعور بالذنب زي ماعندكم الشعور بالعار وانتي الشعور بالذنب بيعمل فيكي اللي قلناه طيب النرجسي بيحصل له ايه ، النرجسي لما بيشعر بالذنب بيطور ميكانيزم دفاع اسمه الاسقاط بيرمي عليكي كل الحاجات اللي بتحسسه بالذنب عشان كدة طول الوقت يعمل لك اسقاط بكل عيوبه ومشاكله ويوصفك انتي ويتهمك انتي بيها
الحلقة الجاية حنشوف نتخلص ازاي من الشعور بالذنب
#تربية #اطفال-سعداء #تربيةالابناء
#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية

[@saraahmed369]

ممكن حبيبتى تعملنا حلقات مبسطه عن ازاى الحق المراهقين أو الاطفال الصغار أنهم يتأذو أو يتحولوا لنسخه من أبيهم

[@fafafarida899]

جزاك الله خيرا واسعدك ،يارب اعنا على من ظلمنا

[@user-ji6wt1pm9g]

بارك الله فيكى وفى اولادك ❤نفعتينا كتير حضرتك كنتى السبب فى كشف حقيقة زوجى انا كنت على شفا حفره كان بينى وبين الانهيار العصبى شعره وفعلا كان بيتردنى من بيتى لولا حضرتك نبهتينى وربنا يعلم البيت ده اتبنى على اكتافى حسبنا الله ونعم الوكيل

[@gana7361]

ياريت حلقه منفصله عن الوسواس القهرى لو سمحتى وازاى اتعامل معاه او نتخلص منه

[@duhaa.abdullah1562]

شوفي د.ماهر العربي ..طبيب نفسي ..

[@duhaa.abdullah1562]

حسبنا الله ونعم الوكيل ... اللهم اذقهم من كأسهم !!

[@user-np6cg7ws5h]

الواحد مايسبش ودنه تحت سيطره اى حد علشان فعلا ما يصبناش وسواس قهرى

[@enasalsayed3862]

لو سمحتي ممكن تركزي ف الحلقات علي الاطفال خصوصا لو طول ماهو ف البيت يحقر فيهم ويزعق وممكن يضرب وبيتعمد يعمل حركات نص كم علشان الاطفال تقلده بعد مانبهتته ان الأطفال بيقلدوه بقي بيزيد

[@maysoun2510]

الله يحفظك دكتورة أعملي حلقة على الزوج لي يقول لزوجتو انك عاصية و سيحاسبك الله على عدم الطاعة

[@user-ft9lq6cb3l]

فعلا حاليا انا بمر بوسواس في الوضوء وتلاه وسواس الصلاة.يارب عوضك و جبرك يا رب

[@oumnoor1156]

شكرا ياحبيبتي انا مريت بالفترة دي وربنا لي عالم شو صار فيا ولكن الحمد لله صحيت على حالي وربنا يسترني من الأمراض النفسية دي ويقويني لأنو فعلا الحياة مع النرجسي مرض .

[@yvaiskander9535]

بجد رائعة جداااااااااااااا وربنا بعتك ملاك لينا علي الارض ❤️🥰🙏

[@user-rr5ww7dd5m]

ياريت حلقه عن التفكير الزايد الاوفر سينجج

[@duhaa.abdullah1562]

موجودة حلقة أ.داليا رشوان

[@-mona-9058]

هاي الحالة صارت بيه يعيب عليه وعلى شكلي بقيت انظف كثير كثير حتى اوقات اجت عليه انظف لحد ساعة ٢ بالليل وبعدني ماراضية على نفسي بس الحمد الله العزيز كشفه وهسة انظف بس الواجب الله يخلصني منه ويحفظك من كل شر يارب العالمين

[@user-oum-yassr]

مشكورة حبيبتي على جهودكم الطيبة جعلها ربي في ميزان حسناتكم

[@safaamedan9026]

فيديو اكثر من رائع احييكى حبيبتى

[@annemiseverim6773]

شكرا دكتوره لانك عملتي الحلقه وسمعتي تعليقي ❤❤❤❤

[@duhaa.abdullah1562]

حلقة مفيدة وعميقة ..بوركتِ جميلتنا ..❤❤❤

[@NewNew-ot2bo]

الله يبارك فيكي شكرا كتير❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤

[@mahaalbetar3572]

جزاك الله عنا خير الجزاء ربنا يديمك نعمة

[@user-lj5ng3ut7p]

المشكلة ليست في النرجسي المشكله فينا احنه سكتنه وتحملنه التصرفات السخيفه من المجانين بسبب اهلنه الي ماكانوا راضين عن اي شئ نعملوا لما واجهتوا بتصرفاتو الغلط بعد التشافي ومشكله بعد مشكله واهدده انو انا اصبحت مجنونه وسوف اقتله وهو نائم ترك كل التصرفات السلبيه وخاف من اعماقوا سبحان الله واستغفر الله واعدوا لهم ماأستطعتم من قوة لاتؤاخذوني ياجماعه انا تأذيت كثيرا واضطريت انو اعمل كل شئ حتى ابعد شره عني وعن اولادي

[@user-sq5hc4fu3o]

شكرا لحضرتك استاذة كوثر..الحلقة...جدا مفيدة.ومفصلى

[@nancywahid599]

جوزي بيعمل حركه الكبايه دي وفي الاطباق ويفضل ينفخ وصلني في فتره اني بتوتر جدا وانا بغسل المواعين وارجع ابص عليها تاني

[@user-vw2hj2nv5t]

Beautiful video thank you 👏

[@saramostafa6444]

حضرتك بتوضحي وبنتي بتسألي إزاي توقف تأنيب ضميرها

[@wbee5146]

مساء الخير انا شفت فيديو الدماء الغطاء ، يا ريت تغمليلنا حلقة ماهي الطرق الصحية للتعامل مع هذا الاضطراب خصوصا ارضاء الناس عن طريق الغطاء المفرط ❤❤❤❤

[@tymaaalhariri9649]

شكرا ❤❤

[@omaralaa6278]

❤❤❤ وعليكم السلام ورحمة الله وبركاتة هلا ومرحبا بيكى اختى حبيبتى ❤❤❤

[@user-sq5hc4fu3o]

شكرا من القلب لحضرتك استاذة كوثر ربنا يعطيك الصحة والعافية والسعادة ❤نعم حصل. مرضت نفسيا وجسديا. لكن بفضل الله والأستاذة كوثر خرجت من مرحلة الخطر 🌷🌷🌷

[@sasomemo2023]

ازاي بكون بفكر في الموضوع والاقي حضرتك بتتكلمي فيه بعدها..بجد مش فاهمة و نفسي اعرف ده تخاطر ولا ايه😂❤

[@TheAm7asan]

وربي زيك بالضبط كل حلقه تطلع مناسبه مع المرحلة اللي حنا فيها😅

[@user-gb6jx3rs8z]

تسدقو وانا كمان

[@yosraroshdi1700]

نفس الوضع

[@rosalinen]

ممكن حلقه عن ازاي اتدخل لو انا خاله لأطفال امهم حديه وعلاقتهم بها سيئه وهيا مش عايزه ولا حاسه إن في شئ خطأ.

[@sara7300]

طبعا الله تعالى ورسوله أطهر من انه يصيب الإنسان وسواس مرضي لذلك نرى اغلب العلماء يفتون بأهمية تقديم النية على الأعمال لدحض الوسواس الذي هو مدخل للشيطان. وطبعا هذا ليس دعوة للتخاذل في الأعمال بل الحرص على الاتقان هو من الايمان كما ذكر رسولنا الكريم.

[@azzayounis8877]

استاذة كوثر اشرحى لهم كيف يتحولون من النفس اللوامة الى النفس المطمئنة 🎉🎉🎉🎉🎉

[@ahmedr7539]

نفسي تعملي حلقات مش عارفة التزم بالصلاة و أقطع فكرة الالتزام ربنا يجازيكي خير ساعديني بليز

[@user-lj5ng3ut7p]

لما كان عمري ١٥ عام امي كانت تضربني كلما اغسل ماعون وتقول الماعون وسخ ومرة ناقشتها وقلت لها هذي اثار المياه قالت لأخي يضربني فكسر كف ايدي بمغرفة الرز وأنا الان عمري ٤٥ ولم استطع نسيان ذاك اليوم

[@user-oum-yassr]

ممكن استشارة وكيف فضلا وليس أمرا

[@SalsalGhxx]

ممكن النرجسي يروح للدكتور النفسي ويتعالج وهل الطبيب يصارحو انو نرجسي ؟ والنرجسي لما يعرف حقيقته يتقبل ؟

[@hazemsiad2972]

انا متجوزه من عشرين سنه ومكناس اعرف اصلا يعني ايه نرجسي وكنت مهما عملت عمره نيقولا شكرا نادرا لما يقول علي حاجه كويسه يا بالعكس اي حاجه يعملها وحشه وملهاش قيمه حتي لو مشوار رحت خلصت في اي حاجه لو اتكلمت يبقي أنا بعمل فلم والي عملته اي حد يعمله علطول محسسني انه هو الي تعبان وشقيان وعلطول عملي الشمعه الي بتحترق للآخرين لغايه ومقولش بقه علي الانتقاد 24ساعه انتقاد لغايه ما بقيت مش فاهمه هو عايز ايه وللاسف كنت بحبه واستحملت لغايه ما عرفت يعني ايه نرجسي وفهمت هو بيعمل كده ليه وبقالي سنتين بلعب معه بنفس الطريقه وبطلت اهتم بيه بزياده هو حس اني متغربه ودلوقتي هو الي بيشتكي طبعا هو اصلا طول عمره بيشتكي. بس من ساعه ما عرفت الحقيقه واسترديت نفسي حسه اني احسن كتير اهتميت بنفسي وبطلت احبه بقه جوزي بس لا اكتر ولا اقل بس كده انا مرتاحه اكتر علي الاقل بقيت اخد حقي شويه افضل من الاول النرجسي ده لعنه بجد ربنا يحفظ اولادنا منه

[@user-jn2hr3iq8m]

دكتوره هو ممكن يكون نرجسى مع الزوجه بس يعنى ولا اهله ولا ولاده ولا اى حد غيرى انا بس ارجو الرد 🙏🏻

[@user-xk8lc1lj6m]

يادكتوره كل ماكلمه بالمنطق يقولي مفيش فايده هنفضل نلعب لعبه القط والفار دي .شاطر جدا في قلب الترابيزه وكلامه مقنع جدا يقدر يقنع اي حد انه صح وان انا المفتريه القويه اللي منكده عليه .انا تعبت من كتر ما بفكر في كل كلمه قبل ما اقولها نفسي اتكلم بعفويه واريحيه واكون مش خايفه من رد الفعل

[@wafamer1197]

ممكن حلقة عن الوسواس القهري

[@user-bf1dx7xt5y]

👍🏻👍🏻👍🏻

[@besure277]

كان يقلي انت شخصية هستيرية عشان بنهار من المشاكل الي مالها سبب ولما صار عندي ثبات انفعالي توتر وصار مش عارف يبدأ مشكلة

[@hbzrm9329]

هذا ماحصل معي وسواس عصبية وقلق بسب زوج نرجسي خفي ولكن الحمد لله تشافيت منو بمساعدة طبيبة نفسية وضروري تكون طبيبة لانها تفهمك جيدا اذا كنت امراة والله خلال ستة شهور تعافيت

[@majdaamer503]

❤❤

[@MarieMemo-wn3ef]

استاذه كوثر شكرا بس انا عندي سؤال لنفسي انا متابعه حضرتك تقريبا من سنتين وحضرت كل فيديوهات وقريت اغلب الكتب يلي حكيتي عنهم سؤالي هوه ليه لما ادخل بنفسي اوي و كل ما زاد الوعي عندي بتعب اوي برغم من انو بفهم اكتر ببقها بس عايزه انام ومعنديش طاقه ابدا برغم من اني مش بستسلم ومستمره وبغصب نفسي استمر واحسن انا بتكلم عن نفسي الداخلي بعيد عن اي حد ....

[@lilasalhlewani9244]

❤❤❤❤

[@maysoun2510]

ممكن حلقة كمان اذا كرهت الزوجة زوجها كرها شديدا .... اصبحت لا أستطيع ان أنظر له واخاف ان يعاقبني الله على عدم الطاعة

[@tribalchief4674]

الله يعرف الظالم من المظلوم..والله في صفك فلا تخافي .

[@shahendamahmoud9672]

انا امبارح كنت بتكلم بهزار بقوله انا لو اختفيت من حياتك هتحس بايه رد بهزار وقالي هدعي عليكي دعوة تجيب اجلك قلتله ليه قالي عشان وقتها هتكوني ادتيني خازوق انا مش عامل حسابه. هو دة معناه ايه هل معناه انه ضامني للدرجه دى للعلم انا بقالي فتره بقوله سواء بهزار او بجد اني ممكن اكون مش ف حياته هزار وبجد وبيقولى بقيتي مستبيعه قلتله اه معنديش طاقه للمعافره تاني متجوزة من ٨ سنين لسه مكتشفه انه نرجسي خفي من ٣ شهور وبلعب عليه من وقت للتاني وهو بيتسغرب ردود افعالى بردو ومرة قالي حد لعب ف دماغك مكنتيش كدة😂

[@amanilahlali3815]

ياريت تنزعي الموسيقى من مقاطعك ماما كوثر ❤❤وشكرا لك على كل هذا العلم نفعنا الله بك

[@duhaa.abdullah1562]

الموسيقى حلوة..وتحريمها مسألة خلاف ..كزقزقة العصافير ..وهدير الماء ..

[@user-gp6xz6bl3i]

حضرتك لو عايشة معاي مش كدا

[@mariammohamedmostafa5797]

جالي الوسواس من وأنا في الجامعة وكنت بكلم نفسي ولا فكر يعالجني وأنا مكنتش أعرف إنه ليه علاج وكنت بعاني مع نفسي ودلوقتي عندي 38 روحت بنفسي وببدأ أتعالج الحمد لله وليا أخت كده برده وكان بيعاملها كانها إنسان طبيعي ويعنفها وهيا غصب عنها لكنه لا يشعر .... معاناة ومراااااار والله

[@hbzrm9329]

و الان انا انتقم من النرجسي ومطلع عينو واصبح يتهرب مني ويخاف مني

[@user-kx6pv3gg3l]

اه اه اه اه وين كنتي قبل ١٥ سنة

[@nohamody431]

ظهرها الان هي رساله لينا من الله بس علينا الحركه

[@user-kx6pv3gg3l]

@@nohamody431 اني حاسة انها هدية من رب العالمين

[@user-yu8rs6xm9y]

كلام صحيح ودقيق كنت دائما اعاني من تانيب الضمير والاحساس بالتقصير والذنب واصبت باوسواس القهري والاكتاب واخيرا توفي زوجي بكورونا بعد زواج دام ٣١ عام والغريب بالموضوع ان االحزن على وفاته دمرني وقتل في الرغبه بالحياه وصار تانيب الضمير تجاهه اكثر ةاكثر ولايفارق بااي لحضه واحده لدرجه اني اصبحت اعيش على الادويه النفسيه

[@loososow9420]

لمادا كل هدا يا اختي لو انت الي متت لما حزن عليك ويكون قد تزوج بسرعه لا تقتلي نفيك فليس ذنبك ان تتزوجي من رجل ليس سوي اتقي الله في نفسك

[@user-yu8rs6xm9y]

@@loososow9420 صحيح يااختي لم يكن سوي ولكني كنت احبه ودائما اسامحه لكن لمامات. بقى ماسك بايدي ويريد يكول شي بس ما كدرت افهم. شيريد يوصللي. ومات بين ايدي شلون اكدر انسى. هذا الموقف. مااكدر

[@loososow9420]

ربنا يصبرك الموت صعب لكن ادا كان الله يرحمه يعاملك بسوء فهد يعني انه لم يكن يحبك لما توفى اخ زوجي ربي يغفر له زوجته لم تحزن الا لبضعه ايام فقط فهي الان تعيش حياه هاديه مع اولادها سنموت كلنا لا داعي للحزن

[@user-yu8rs6xm9y]

@@loososow9420 حبيبتي اشكرج على التعاطف ❤️ كلامج ريحني

[@WardaMebarkia]

دا انا عايشه معاه 31سنه واعملو كل حاجه عشان يرضى ابدا بس انا ايماني بربنا كبير وانا عارفه اني صح ورغم كل الظلم والشر اللي بيمارسو علينا انا اولادي عدينا مرحلة الخطر والحمد لله وقدرت احمي ولادي منو وانتصرنا عليه بإذن الله ورب يجيب الخير يا دكتوره وشكرا لحضرتك على مجهوداتك

[@user-yl6vz6fw2v]

كيف اختي عديتي مرحلة الخطر ايش عملتي

[@WardaMebarkia]

@@user-yl6vz6fw2v عديت مرحلة الخطر اولا بالصبر والايمان لحد ما كبرنا بناتي 2 وتعلمو وتجوزوا اقولهم خليكوا منو واصبروا واتعلموا حتى تكبروا وسمعوا الكلام ونجحوا أما الاولاد عندي 3 باسم الله الكبير تحت البنات عمره 23سنه تعبت شويا معاه لأنه كما قالت الدكتوره كان بيحبو قوي جدا لما بدأ يكبر بقى يصطدم بيه كتير واتاثر شويه وعدينا المرحلة دي وكان يبكي زي الاطفال واقعد اواسي فيه واقوله دا بيحبك وكده والتنين صبيان الاخرين أجمد شويا من الكبير فضلت العب دور الام والدكتور والمرشد واحيانا المدافع عن ولادي الصغير عنده 18سنه والحمد لله اقوللهم ابوكم انسان مريض ما تزعلوش منو منجواه بيحبكو وتستمر الحياة وبق انسان هو اللي محطم ومهمش ومنطوي في غرفته والله هو الموفق وهو المعين

[@Munasalman]

غريب! تدرين يا أستاذة كوثر أنا ما يعمل معاي هذا الشيء نهائيًا، ولا مرة علّق تعليق سلبي عن أي شيء أنا أسويه له بشكل شخصي أبدًا 😅 لكن عنده طريقة ثانية، مثلاً بالفترة اللي ما كنت موظفة فيها، كان يحاول يوصّل لي شعور بالتأنيب غير مباشر، يعني مثلاً يبعث لي أرقام التوظيف ويقولي تواصلي معاهم، أو يذكرني بعدد المرات اللي توظفت فيها وانسحبت من الوظيفة لأني مزاجية -على حد كلامه-، أو يحاول يفكّر بصوت عالي نيابةً عني شلون أقدر استفيد من شهادتي. هذا كله وهو أصلاً غير موظف ولا يسعى لوظيفة ولا يرتبط أو يلتزم بوظيفة حتى. لكن كان طول الوقت يحاول يحسسني أني غير كافية، لأني غير موظفة. طبعًا هو متخيّل أن هذا الشيء، راح يعود عليه بفائدة، يعني إذا أنا توظفت هو راح يستفيد ماديًا، ولا أخفيك أن هذه الخطة فعالة قبل سنة، قبل معرفتي بنرجسيته. كان يستفيد مني ماديًا وبرضاي وعلى حساب شعوري بعد. هذا كله هو يسميه "دعم ومساندة"، ويذكرني بأنه هو سمح لي وعطاني كامل حريتي في أني اختار شكل حياتي وأتوظف وأتحرك براحتي وما حبسني داخل البيت مثل ما باقي الرجال تعمل هههههه 😂 بالمُناسبة؛ قعدت فترة ألهث وراء الوظائف وأحاول أعبي هذا الفراغ من حيث أحس بقيمتي واستمد منه بعض التقدير، يعني كان يأثر فعلاً، مش بس كلام بالهوا.

[@sham9446]

يعطيك الف عافيه ضغط نفسي وجلد الذات على شكل طاعة له وللواقع _ غصب اضطرار _ لانه في ابتزاز عاطفي انت في غربة ملكيش غير اهلي وهو عارف باخطاءهم ومع ذلك بيزيد ضغط وإلزام بيهم _ احساس أنهم الأهم _ اني كنت اقول له انت بتضحي بي وباولادك لأجل رضاهم لدرجة وسواس أنه عاوز يقتلني ويخلص مني قبل ما افرح بيوم مثال. لينا فترة عندو سبب جعله هادىء نوعا ما ويمشي الأمور زرنا ناس جايين من سفر سياحة لاوروبا تاني يوم اخترع حكاية عارف اني مش راضية عنها و رفضتها لكنه فضل يعيد ويزيد وغصب عملها ودخل هو يعاتب ومن بين الكلام بدي اثبت انك مريضة وانا عاوز وحدة تانية اسافر معاها بقول لنفسي ما كمية حقده وحسده وغباؤه عندك احلى زوجة وبإمكانك تكون سعيد معها وتسافر لكنه غير راضي أو حسد من ناحية مادية بيشعر أنه المضحي عشان أولاده فبيحرم نفسه من متعة زي السفر وبفس الوقت لو عندي هشاشة نفسية كنت هطق من القهر اقله لانه بيقول انت مريضة لاني ما طاوعته وفي يومها ابني وقف لصفه ولأول مرة أرى أنه اخد روح بيه ولأول مرة كان هيضرب لأن ضربه سابقا معنوي وتسلط وغصب ومواقف أشد من القتل كان يومها بحالة غليان مش طبيعي ثاني يوم بدأ يهدى شوي لو بالغصب على نفسه فكرتي دائما أننا في مجتمعنا العربي قلة من الناس بتعرف تعبر عن غضبها بطريقة صحية وفي الغالب كله بيضرب كله

[@TheAm7asan]

الحلقة جايه في وقتها ماشيه في مرحلة انفصال وجالس يعمل دور الضحية ويتضلم ويتشفع في اهلي ماكنت اتاثر في الدور اللي يمثله الى فترة معينه و الان بديت اشفق عليه وصرت اخاف اني فعلا اظلمه 😢 وانا رافضته حتى لو بحن عليه مثل ولادي

[@user-iv8ps7kf3q]

هو مفتري فعلاً يفجر بالخصومه ويسوي اي شيء يقدر عليه ويطغى ويظلم ولما تهربين منه يتمسكن ويطلع نفسه ضحيه لدرجة انتي اللي عشتي الجحيم معاه تصدقينه ! من كثر اتقانه للدور

[@ghadamedhat5838]

كان بيوقع قهوة وهو بيشرب فى الشغل ويرجعلى آخر اليوم فلما اغسل القميص البقعة مكنتش بتطلع فيقول انه هو مبقعش قميصه وان انا اللى بقعته. وغسيلى مش نظيف مبعرفش اغسل..وقعدت سنين مصدقاه لحد ما اكتشفت ان البقع دايما مكان الزراير يعنى هو اللى بيبقعها لان لو انا اللى ببقعها هتبقى فى بقع فى ظهر القميص...ولما قلتله تعالى نشهد الناس وهم يقولوا مين فينا اللى بيبقعها خرس للابد