Рет қаралды 1,131,132
#ነሺዳ#ሚንበር_ቲቪ#Neshida# New_Neshida#Minber_TV
አዝማች
ልክ እንደ ጅረት ሳይታክት ሌት ተቀን የሚፈስ፣
አድማሱን ተሻግሮ በናፍቆት መዲና የሚደርስ፣
ይኸው ሰላምታዬ፣
ለውዱ ነቢዬ፣
አሰላም አለይከ
ሃቢብ ስጦታዬ፣
ሳይነግሩኝ የተዉት የለም ምን ቀርቶ ሃቢብ ካንቱማ፣
እኔው ነኝ የጎደለብኝ ውዴዋ አንቱን ሳልሰማ፣
መንገዱን ገር አድርጎልኝ ያሳየኝ ሁሉን አስፍቶ፣
ማን ሰጠኝ ሰይዲ ያላንቱ ወንድምን መውደድ አብዝቶ።
ስሜቴን ቅድሚያ ሰጥቼ አድሬ ፍፁም ላሳቤ፣
ስንቱን ካፋፍ ላይ ገፋሁት ሰፊውን መንገድ አጥብቤ፣
ማወቄ መስሎኝ ማሸነፍ ስፎክር ቆጨኝ መኖሬ፣
ከካዕባ የሚልቀውን ወንድሜን ቀልቡን ሰብሬ።
መንገድህ ባያሳምነኝ ባየሁት በኔ ዒልም አቅም፣
ጀርባህን ሰተኸኝ አትሂድ መጨከን ከቶ አያፀድቅም፣
ሃሳቤ ባይገጥም ካንተ ቢለያይ መልኩ ቢርቅም፣
ወንድምነቴ ይቀድማል ያለ'ኔ ጨርሶ አትደምቅም።
አዝማች
እንጉርገጉሮ
ሳናጣ መሄጃ መንገድ ሳያንሰን፣
እራቀ መድረሻው እንዳይሆን ቀርተን፣
ስንት ዘመን ሸኘን ቆመን ከጠባቡ፣
ተስኖን መላወስ አቅቶን መሳቡ።
ወይ አልተራመድን በጊዜ ነቅተን፣
ኡኹዋን የረሳን ኒዕማ ሆኖልን፣
ላመል በጠበበ በኩርማን ጉያችን፣
መች አስተቃቀፈን ኪታብ መያዛችን።
የበኒ ቁረይዛው የአሱር ሶላት፣
ሁሉም ቢከውነው በተረዳበት፣
መች በሽታ ሆኖ ኡኹዋ ፈረሰ፣
ማን ተመስግኖበት ማንስ ተወቀሰ?
ይህ ነው እስልምና ይህ ነው የእኛ ዲን፣
ወንድምን የሚያክም ቀልብን የሚያድን።
ያወቅኩት የገራው ለኔ ካራቀህ አንተን ከቅፅሩ፣
መምከን ነው ሂክማ ማጣቴ ካለአደብ ፊደል መቁጠሩ፣
ኢጅቲሃድ ያረከው ባይሰምር ላትሆን መቼም ባለዕዳ፣
ቁጭቱ በቁም ገደለኝ ለማይቀር ማግኘትህ ምንዳ።
ብገፋህ ሳላገናዝብ ዕይታ ንባቤ አንሶ፣
ምን ቢያምረኝ ውስጤ ቢጨክን ቂብላህን መቀየር ደርሶ፣
ተሳስሯል በዲን ልባችን ኡኹዋው መቼም ላይላላ፣
ድምቀት ነው ልዩነታችን ያቆመን በኢስላም ጥላ።
መቀበል ያቃተኝ ምነው ያቆምኩህ ደርሰህ ከበሬ፣
ያወቅኩት ላንተ እስኪገለጥ ኡዝር ያጣሁ ሰባ ቆጥሬ፣
የዘመን ሸክም ክምሩ በጀንበር ግዛት ባይለቅም፣
ከሥሩ ፀንተን እንገኝ ቅርንጫፍ ግንድ ሆኖ አያውቅም።
እንጉርጉሮ
ኪታቡ ሲሞጠል ከየምዕራፉ፣
ሲትሃፈዝ ቅርጧሱ ሳይቀር ሙኣሊፉ፣
ሲሸመደድ ሸርሁ ሳይዛነፍ ሃርፉ፣
ምነው በኡኹዋ በባቡ ማታልፉ፣
ስንት ዘመን ሸኘን ፈውሱን ስናርቀው፣
አብቃቅቶን ዟሂሩ ባጢኑን ሳናውቀው፣
የስንቱን ሩህ ቀማን ህመሙን ዘንግተን፣
በውሃ አስገድደን ተይሙምን ረስተን፣
በፈህም ነው እንጂ ቀሊሉ ሚሰፋ፣
በወንድም ነው እንጂ ተራራ ሚገፋ፣
አንሞላም ለብቻ ኡኹዋ ከጠፋ።
ምን ባይገጣጠም ያንተ ሃሳብ ከሃሳቤ፣
እኩል ባይመዘን ባልጠጋህ በንባቤ፣
ምናል ብታሳየኝ ምልከታህን በሂክማ፣
አመል ካልቸገረ መች ይጠባል ቤቱማ።
ስትከባበሩ ማየት እንጂ ሌላ አንሻም፣
ይህ ነው እስልምና ያላቹንን ቃል አንረሳም፣
መተባበር እንጂ ኃይል የሚያድስ ሚያበረታ፣
ወንድማማችነት የኛ ዓለም ነው ከፍታ!!!!