張敬軒帶新人黎展峯出巡被一句「掛住你囉」嚇親 入行廿年都講唔出口

文化藝術大使的張敬軒與英皇新人黎展峯（Andy）一起受訪，張敬軒指FIF是很有心將香港藝術家帶到國際的機構，自己亦希望可以將其他國家的藝術家帶到香港做文化交流。提到中秋節在即，張敬軒表示今年會是人生第一次，在中秋節當晚約朋友打機，自己本來玩格鬥遊戲最叻，不過最近就愛上體育，所以亦有玩足球遊戲，更指打機之餘亦有落場踢波：「以前啲朋友打牌居多，而家打波多，而家開始玩足球，不過未搵到踢咩位置，佢哋話我暫時嘅狀態係做啦啦隊，未可以落場踢。」
張敬軒還表示小時候做過前鋒，不過已是30年前的事，提議他組英皇足球隊，他笑指怕不夠人，但可以搞男女混合：「衛詩雅都踢得下，再搵Mani（霍汶希）做領隊。」張敬軒指11月將會到澳洲做巡迴演唱會，所以可藉住做運動鍛鍊，今次將會在墨爾本和悉尼開騷，也會帶同黎展峯一起去：「我都好堅持要佢哋由幕後做起，咁安全感會多啲，佢咁高可以幫我掛燈、掛衫。」
此時黎展峯就突然爆出一句：「掛住你囉或者。」嚇到張敬軒措手不及，並說：「而家啲新人真係叻，我入咗行20幾年都講唔出口。」張敬軒又表示現在除了教導黎展峯外，亦會跟對方交流一下日常：「佢哋新一代都有自己諗法，佢會講吓佢哋呢一代點樣玩IG，咁樣交際又或者玩緊啲咩game，佢最近好興玩嗰啲blackmagic，我而家學緊，學下啦，如果唔係驚自己癡呆。」
#張敬軒 #黎展峯 #星島娛樂
-----------------------------------------------------------------------
更多娛樂新聞，即去👇🏼👇🏼👇🏼
星島娛樂 bit.ly/3wO0HmP
頭條娛樂 bit.ly/38Lh8qT
想睇更多…TVB ▸ bit.ly/3NGExsh
想睇更多…ViuTV ▸ bit.ly/3yZK7Sg
Facebook ▹ bit.ly/3NU2OLF
Instagram ▹ bit.ly/3lJ7pnB

[@stephtheofficial]

Andy Lai such a sweet guy🤣🤣🤣🥰🥰🥰

[@kayl6476]

軒仔答緊女記者問題，好幾次句話都未講完都成日有個男記者插嘴，其他啲記者都係，講打機講到仲大聲過軒仔，冚晒佢把聲。

[@akkwok6887]

女記者好chur

[@陳桂珠-d9d]

黎展峰無分天下無。

[@suibingchau3385]

軒公訪問中這個新人突然插嘴講咗 一句《掛住你》軒公話而家啲新人《嘆氣》自己20年都唔敢講出掛住你依句說話，記者話佢醒目😮軒公講這個新人 佢是公司其他組別組員，佢太多嘢講啦 所以被人掉咗過來俾佢，在其他軒公訪問中 睇過佢 突然插嘴入去講話，而家有啲新人真喺想出位，記者直接問你先講都未遲啦？😐佢出咗三首歌未聽過

[@kayl6476]

咁而家係兩個人企喺鏡頭面前，即係同時訪問嗰兩個人，咁個記者問緊軒仔有關於新人嘅嘢佢答兩句有咩問題？！

[@peachshum2387]

你會唔會睇多次確認下😂反而係個男記者係咁打斷軒公答問題喎。。。個新人就係答嗲左句“掛住你”，其餘無問都無出聲。軒公帶得佢出嚟都係經過佢嘅觀察同認證，個新人識俾反應都係醒目呀，一舊木咁佢公司唔簽佢啦下嘛😂😂😂😂