Рет қаралды 326
✨8/5開始十點的節目改做暗時九點✨
你敢聽過「#鸞堂」?
鸞堂是台灣讀冊人佇清朝尾成立的社團,
表面上是宗教團體,透過扶鸞的宗教儀式,來傳達神明旨意;
實際上煞是彼當時咧教一般人學文字的所在。
鸞生透過扶鸞的過程,會當學文字、詩文、傳達做人的道理。
扶鸞了後留落來的文字予記錄落來直直傳落去,就是鸞文。
鸞文的內容攏是以台語文書寫,經過整理了後就成做鸞冊,
遮的文章內容除了勸人向善以外,嘛紀錄彼時的天氣、問事,
幫助咱現代人了解早期社會的人文活動。
#「鸞」是啥物?
#啥人會當做「正鸞」?
#扶鸞和童乩起童有啥物無仝?
#對宜蘭開始的鸞堂是怎樣湠到全台灣?
鸞堂毋但有宗教功能,也培育濟濟影響台灣的人才,
比如台灣民主運動頭人蔣渭水、台灣頭一位醫學博士杜聰明、
第一位民選總統李登輝等等,攏佮鸞堂有密切的關係。
這集的節目特別邀請研究鸞堂歷史文化誠濟年的 #楊晉平、
資深正鸞生 #葉雲清,來和逐家介紹神祕的鸞堂
閣有早期台灣文人參鸞堂的故事!
《這是台灣款》
📺播出資訊
頻道|公視台語台14頻道/YT直播
時間|拜二 22:00
重播|拜三 07:00、16:00
主持人:鄭家和
公視台語台官網 www.taigitv.org.tw/
公視台語台FB / ptstaiginews