Рет қаралды 9,712
#Swabhimani #Jana kavi #1815 #1818
ඉතින් ආයුබෝවන් ලක් මවුනි ගරු
01
දෙදහස් වසක් සිට අප සතුව පැවතිය
නිදහස් කිරුල අද සතුරන් ට අයිතිය
උදහස් කම නිසා විය දනගෙ විමතිය
නිදහස් බව නසා ගති සිහල ජාතිය
02
ඇහැලේපොලගෙ රැවටිලි බස් නොව නිම්මේ
සිහලේ රදළවරු අදහාගෙන පෙම්මේ
තුමූ ලේ සිහල රද පෙළ වනසා දැම්මේ
සිහ ලේ වතුර දෝ දැන් සිරිලක් අම්මේ
03
නීතිය මගේ නොවේ එය දැනගත් නමුදු
භීතිය සිදු කළේ ඇහැලේපොළ මැතිඳු
ජාතිය රට සමය ඉන් සිහසුන ද ඉදු
පීතිය සිතින් පරසතුරන් වෙතම පිදූ
04
අපායට බියෙන් මත්පැන් නොබිව් මට
උපායෙන් පොවා යළි මා ගෙන සතුට
පපාදර සිටිය සුරතල් කුමරු සෙට
කපා දැමූ බැවින් විය සතුරන් ට රට
05
නොකළෙමි කිසි දොසක් මගෙ සොහොයුරන් වෙත
දැරුවෙමි රටෙහි දියුණුව පිණිස නන් තැත
ඉවසමි මහත් දුක් ඉන් මේ ලෙසින් පත සැ
නසෙමි අහෝ කෙලෙසින් බොළඳ වෙන්කත
06
නෙක දුක් සැවොම විඳිමින් සොමි ගුණෙන් යුතු
විතරක් නොවන වැඩ සැදු මහා දනන් වෙතා
සිරි වික්මන් නමැති සුරතල් ඔබේ පුතා
අද දුක් විඳින සිරකරුවෙකු අහෝ ඉතා
07
විහිදා දසත සරසණ මිණි කිකිණි රැසේ
දළදා මැදුර මැදුරේ රන්කොත සමග නුබ කුසේ
මහා දාගැබ් සිරස දිලි කොත් කැරලි වැසේ
පැහැදා පෙනේ තවමත් මට උතුරු දෙසේ
08
සවැනි ය මුණි සඳුගේ සිරිපද මන කල්ල
ගිහිණිය සුමනගිරි පෙර දිග සිරි දුල්ල
රමණිය අවර දෙස දිසි අත්තනගල්ල
කැලණිය සහ පෙනේ තව පොල් තුරු නිල්ල
09
උපනිමි ඔබේ කුස මෙලෙසින් පිරි රුසිරු
දැරුවෙමි කිරුළ විඳිමින් සැම රජ ඉසුරු
සුරකිමි ඔබේ දරු කැල බිඳිමින් සතුරු
හැර යමි දුකින් අද ඔබ ලක් මවුනි ගරු
10
බුහුමන් යසස් දැරු සිරිලක් මෑණියනි
නමදිම් මහත් ගුණ කඳ සිහි කර බැතිනි
රජකම් කළත් කළ කම් පළ දෙන බැවිනි
මෙතරම් දුකක් සිදුවිය මගේ පෙර පවිනි
11
අහෝ ගණඳුරයි අද පෙරදිග මැණික
හො හෝ හඬ නැඟෙයි හදවතෙහි ටික ටික
සහෝදර පිරිස ගෙන් පැමිණි මේ දුක
කොහෝම වත් ඉවසමි සතුටින් නිසැක
12
විකුම් සිහළ පරපුර සිහි තිබෙන තුරු
උතුම් රාජ ලේ ටික මගෙ සිඳෙන තුරු
නෙතින් කඳුළු නොහෙලමි දිවි තිබෙන තුරු
ඉතින් ආයුබෝවන් ලක් මවුනි ගරු