Рет қаралды 99,850
එක් කාමරයක කැබිනට්ටුවක පිළිවෙලකට තබා ඇති බස් රථ සහ ලොරි රථ විශාල ප්රමාණයකි. ඒවා එකින් එක නම් කොට තිබීම තවත් විශේෂත්වයකි. "මේවා මම අවුරුදු පනහක විතර ඉදන් හදන්නේ.." "මෙතන තියෙන්නේ පොඩ්ඩයි..බස් තුන්දාහකට වඩා මම හදලා තියෙනවා.." සෝමදාස මහතා හඩ අවදි කලේ අපට තිබූ කුතුහලය මදක් අඩු කරවමිනි.
අඩියක, අඩි එක හමාරක පමන වන කුඩා බස් රථ සෑම අතින්ම සැබැවින්ම මාර්ගයේ දාවනය වන බස් රථ වල පෙනුමට සමානය. එවායේ පිටත ආලේප කර ඇති තීන්ත වලට අමතරව මාර්ගයේ දාවනය වන බස් රථ වල ඇති තහඩු පෙනුම ඇති තැන් වලට සමාන ලෙස මෙම නිර්මාණ වලට ඇලුමිනියම් තහඩු යොදා ඇත්තේ බස් රථයක සැබෑ පෙනුමට සමාන වූ පෙනුමක් මේ කුඩා බස් රථ වලටත් ලබා දීමට යි.
කුඩා බස් රථ වල ඇතුලත ඇති සීට් සහ එන්ජින් බොක්ස් මෙන්ම කුඩා සුක්කානමද ඒ ආකාරයෙන්ම නිර්මාණය කොට ඇත්තේ මෙම නිර්මාණ වල වටිනාකම තවත් වැඩි කරවමිනුයි. බස් රථ නිර්මාණ වලට යොදා ඇති විදුලි පහන්,පැති කන්ණාඩි සහ අංක තහඩු සැබෑ බස් රථ වලට සම්පූර්ණයෙන්ම සමාන ලෙස නිර්මාණය කිරීමට සෝමදාස මහතාට හැකි වී තිබේ. තවදුරටත් බස් රථය දාවනය වන මාර්ගය,ගමනාන්තය සහ ඩිපෝවේ නම අංකය පවා එලෙසින්ම සියුම් ලෙස සටහන් කිරීමට මේ නිර්මාණ කරුවා සමත් වී තිබේ.
මෙලෙස නිර්මාණය කොට ඇති බස් රථ ගණනාවකි. ඒ අතර ලංකාවේ පලමු "ජන සතු බස් රථයේ" සිට මෑත කාලයේ වඩාත් කතා බහට ලක් වූ "දම් රැජින" බස් රථයත් දැක ගත හැකිය. "මගේ බස් එකතුවේ බස් ගොඩක් අඩුයි.. හැබැයි මෙතනත් තියෙනවා ලංකාවේ පලවෙනි බස් එකේ ඉදන් අද දුවන ඉන්ටර්සිටි බස් එකට වෙනකම් බස් ටික." නැවතත් සෝමදාස මහතා අපට තොරතුරු පැවසූවේ අපටද තිබූ පැනයන් ඔහුගෙන් විමසීමට අවස්ථාවක් සලසමිනුයි.
"සෝමදාස මහත්තයා මේක විනෝදාංශයක් විදිහටද කරන්න ගත්තේ..?" මා විමසූවේ මෙතරම් සියුම් නිර්මාණයක් කිරීමට නම් දැඩි ආශාවක් සහ හොද මානසික තත්වයක් පැවතිය යුතු නිසාවෙනි. "ඔව් ඔව්.. මේ මම හදලා තියෙන්නේ ඉස්සර මම පොඩි කාලේ අපේ ගේ ලග නතර කරන බස් එක.. එතකොට මේ තියෙන්නේ මම ඉස්කෝලේ ගිය බස් එක.. තව මේ තියෙන්නේ අපි ට්රිප් ගිය බස් එක. තව ඉතිං බස් එකක් දැක්කොත් ඒක හදනවා..කවුරු හරි ෆොටෝ එකක් දීලා ඒක හදලා දෙන්න කිව්වොත් හදලා දෙනවා.." සෝමදාස මහතා කියාගෙන ගියේ එකින් එක බස් රථ අතට ගනිමිනුයි. "මේ ට්රෑම් බස්.. මේවා තමා කොළඹ මුලින්ම දිව්ව බස්.. සුද්දා ගෙනාපුවා නේ..දැන් මේවා නෑ... බංඩාරනායක මහත්තයා ජන සතු කරපු පළවෙනි බස් එක නම් බංඩාරනායක සම්මන්ත්රණ ශාලාව ඉස්සරහ තියෙනවා ප්රදර්ශනේට මයෙ හිතේ.." සෝමදාස මහතා තවත් බස් රථ කිහිපයක් අපට පෙන්වීය.
බස් රථයක් නිර්මාණය කිරීමට දින හතත් - දහයත් අතර කාලයක් ගතවෙන අතර මේ වන විට තම ජීවනෝපාය වී ඇත්තේ ත් මේ සොදුරු විනෝදාංශය බව පැවසූ හෙතෙමේ බස් රථ ගැන කුතුහලයකින් පසු වූ අප හට ඈත අතීතයේ භාවිතා කල බස් රථ වල සිට මෑත කාලයේ අප ගමන් බිමන් සදහා යොදා ගන්නා බස් රථ දක්වා විශාල විස්තර ගොන්නක් පැවසූවේ ඒ ඒ කාල වල තිබූ බස් රථ වල අනු රූ නිර්මාණ පෙන්වමිනුයි. තවද එතුමා බස් රථ දාවනය වන රූට් එක, බස් රථයේ අංකය, ඩිපෝව සහ එම බස් රථයේ විශේෂත්වය ගැනත් පැවසූවේ මතකයෙන් සහ ඒවා ලියා ඇති පොත් පත් පෙන්වමිනුයි.
වසර පනහකටත් අධික කාලයක සිට සිදු කරණු ලබන මෙම නිර්මාණ විවිධ විවිධ වූ ක්ෂේත්රයන් ගනනාවකට යොදා ගත හැකි වුවත් ඒ සදහා නිසි වටිනාකමක් නොලැබීම පිළිබද මා හට සංචාරකයෙකු වශයෙනුත් මේ සොදුරු දේශයට ආදරය කරණ මිනිසෙකු වශයෙනුත් ඇත්තේ කනස්සල්ලකි.
අප පැය ගනනාවක් බස් රථ බලමින් සහ ඒ ගැන විස්තර දැන ගනිමින් ගත කල අතර ඉන් පසු ඉතා නිහතමානී සහ රටට සම්පතක් වූ සොදුරු නිර්මාණ කරුවෙකු වූ "සෝමදාස ලේඛමගේ" මහතාට සමු දුන් අප නැවතත් ගමන් කලේ "මානාව ඇල්ල" සොයාගෙනයි.
It is a unique video about a great craftsman. This person is highly passionate about buses. It's hard to find a difference between an actual and his toy bus. He has made many toy buses, and his collection includes the first bus transport in Sri Lanka. He is doing this now as a hobby, his only income. While talking about his past, he was generous enough to show us his bus collection with most of the details of every piece. I have kept his phone number on the video for anyone interested in purchasing one of his craftsmanship. I hope you will enjoy the video.
Greetings
I am Dinesh
➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖
Instagram - / dinesh_a_pathum
➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖
“Copyright @ [Dinesh A Pathum 2023]. Any illegal reproduction of this content will result in immediate legal action.‼️“