Dayosisi 28 za KKKT kuliombea Taifa

Mkuu wa KKKT, Askofu Dkt. Alex Malasusa, ametoa wito kwa Dayosisi zote za KKKT kuliombea Taifa wakati akitoa salamu zake kwenye Ibada ya mazishi ya Askofu wa KKKT-Dayosisi ya Mwanga Askofu Chediel Elinaza Sendoro, aliyefariki dunia kwa ajali ya gari eneo la Kisangiro-Kilimanjaro tarehe 09/09/2024, mwili wake unapumzishwa katika eneo la viwanja vya Kanisa Kuu Mwanga leo tarehe 17/09/2024.
Chediel Elinaza Sendoro alizaliwa tarehe 01/05/1970 akiwa Mtoto wa 4 wa Askofu Mstaafu Elinaza Sendoro aliyewahi kua Askofu wa KKKT-Dayosisi ya Mashariki na Pwani.
Uongozi wa KKKT-Dayosisi ya Kaskazini Mashariki-Tanga,chini ya Baba Askofu Dkt. Msafiri Joseph Mbilu, unaendelea kutoa pole kwa familia ya marehemu, Mkuu wa KKKT, Wana KKKT-Dayosisi ya Mwanga , Ndugu jamaa na marafiki wote walioguswa na msiba huu.