Рет қаралды 255,420
घरच्या घरी तयार करा हॉटेलपेक्षा भारी मटण दम बिर्याणी 😍 | Mutton Dum Biryani - Panvel (Navi Mumbai) आम्ही रविवारच्या दिवशी मटण दम बिर्याणी घरी बनवली होती. गेल्या रविवारी आमच्या लग्नाचा वाढदिवस आणि व्हॅलेंटाईन दिवस सुद्धा होता. त्यानिमित्ताने आमच्या घरी आम्ही मटण बिर्याणीचा बेत आखला होता. आम्ही मागच्या वेळेस चिकन दम बिर्याणी बनवली होती. आज यावेळेस म्हटले चला मटण दम बिर्याणी तयार करूया. आमच्या घरात फक्त मी आणि माझा भाऊ दोघेच बोकडाचे मटण खातो. बोकडाचे मटण अतिशय चविष्ट, शरीरासाठी अतिशय उपयुक्त असे आहे. रविवार सकाळी आमच्या नेहमीच्या मटणवाल्याकडून मटण खरेदी करून आणले. वर्षा आणि प्रांजुसाठी किलोभर चिकन खरेदी केले. घरी येऊन आम्ही चांगले साफ करून त्या मटणाला मॅरीनेट करून घेतले. मटण बिर्याणी तयार करताना मटण चांगले म्यरीनेशन केलं पाहिजे. मॅरीनेट केलेलं मटण खूप छान तयार होते. मटण मॅरीनेट करण्यासाठी आम्ही घरगुती मसाले आणि खडे मसाले वापरले आहेत. दह्याच्या वापर खास करून बिर्याणी तयार करताना केला जातो. अर्धा तास मटण आम्ही मॅरीनेट करून ठेवले होते. तोपर्यंत आम्ही बासमती राईस उकळ्या पाण्यातून अर्धा शिजवून घेतला. बिर्याणीचा बासमती राईस आपल्याला 90 टक्के शिजवून घ्यायचा असतो. बासमती राईस उकळताना त्यात आम्ही खडे मसाले सुद्धा वापरले आहेत. बासमती राईस शिजल्यावर आम्ही त्यातले पाणी काढून घेतले आणि राईस थंड होण्यासाठी ठेवला. आता आम्ही मटण कुकरला शिजवून घेतले. मटण कुकरला शिजवताना त्याला सुद्धा फोडणी द्यावी लागते. #MuttonDumBiryani #MuttonBiryani #MuttonRecipe #sforsatish
आम्ही मटण शिजवताना कांदे आणि टोमॅटो याची पेस्ट तयार केली होती. कांदे आणि टोमॅटो भाजून त्याची मस्त पेस्ट तयार करायची. फोडणीला दोन बारीक कांदे कापून खडे मसाले वापरून त्याची फोडणी आम्ही मटनाला दिली. दही आम्ही मटण शिजवताना वापरले. पाणी जास्त न घालता कुकरला चार शिट्ट्या येईपर्यंत शिजवले. हे कुकरमध्ये शिजलेले मटण त्यातील मटण सुक्का आम्ही काही अर्धा मटण एक टोपात काढून घेतला. आता आम्ही बिर्याणी दम देण्यासाठी तयारी केली. मटण दम बिर्याणी बनवताना लेअरिंग करावी लागते. कुकरमध्ये शिजवलेले मटण मोठ्या टोपात तळाला ठेवले त्यावर भात, कोथिंबीर, पुदिना, देशी घी, थोडेसे कलर पाणी शिंपडले. असे दोन थर देऊन आमची मटण बिर्याणी दम देण्यासाठी तयार होती. कमीत कमी अर्धा तास आपल्याला मंद आचेवर दम द्यावा लागतो. मटनातील ग्रेव्ही असल्यामुळे अर्धा कच्चा आलेला बासमती राईस सुद्धा त्यामध्ये शिजतो. टोपाच्या काठांना आम्ही गव्हाचे मळलेली पीठ लावले. काठांना गव्हाचे पीठ लावल्याने दम मधून हवा अजिबात बाहेर जात नाही. आम्ही अर्ध्या तासाने दम बिर्याणी खाण्यासाठी बाहेर काढली. मटण दम बिर्याणी अतिशय लाजवाब झाली होती. अस्सल मटण बिर्याणीची चव आम्ही बनवलेल्या मटण बिर्याणीला आली होती. आम्ही बनवलेली मटण बिर्याणी हॉटेलपेक्षा भारी बनली होती. वर्षाने त्यांना चिकन सुक्का बनवला होता. प्रांजु आणि वर्षाने चाखत चाखत मटण बिर्याणी खाल्ली. मटण बिर्याणी बनवून आमचा रविवारचा बेत लय भारी झाला होता. तुम्हाला या व्हिडिओमध्ये आम्ही घरी बनवलेली मटण दम बिर्याणी दाखवली आहे. मटण दम बिर्याणीचा व्हिडीओ आवडल्यास लाईक, शेअर आणि कमेंट करायला विसरू नका.
तुमचे प्रेम असेच कायम असुद्या !
मला संपर्क करण्यासाठी फेसबुक आणि इन्स्टाग्रामवर फॉलो करा.
/ koknatlamumbaikar
/ koknatlamumbaikar