【豪．家廚】簡單炆鮑魚｜乾鮑浸發技巧｜伯常堂南非吉品乾鮑｜Simple cooking of South Africa dry abalone

農曆新年就黎到喇！兩個月前我上左個由煤氣烹飪中心舉辦嘅伯常堂南非吉品乾鮑知識分享同烹飪示範，為左試下佢地個食譜，所以我決定買盒番屋企試做😁
大家好👋🏻我叫Parko，我係一個做廚櫃工程同時又鍾意研究煮野食嘅.... 男仕😅 希望拍片同你分享一下屋企廚房設計嘅行內貼士同簡單煮食心得😃
炆鮑魚食譜
材料(可以炆到半斤至一斤乾鮑)：
乾鮑 1斤 (片中有24-30頭)
雞 1隻
雞腳 5-7隻
豬肉 1斤 (有皮有膏最好)
片糖 1件
蠔油 3茶匙
老抽 1-3茶匙 (就自己口味)
做法：
1. 用熱水浸發乾鮑1小時，再轉用凍水浸發，包好保鮮紙後放入雪櫃浸3日，每24小時換一次水 (浸過鮑魚的水記得留作炆鮑魚之用)
2. 浸完3日後，將 雞、雞腳、豬肉出水並用清水沖洗乾淨
3. 將竹蓆放在瓦煲底，然後將鮑魚反轉平均放入
4. 將洗乾淨的雞、雞腳、豬肉平均放在鮑魚上，倒入鮑魚水
5. 之後用中細火炆10小時後關火，然後焗14小時，連續炆焗兩日
6, 兩日後將材料撈起，夾起鮑魚和將鮑汁隔去多餘材料
7. 將鮑魚咀 (沙咀)夾去並用尖刀或牙簽清除內臟
8. 用牙籤插入鮑魚心位置，試試軟硬度，如未可將牙籤慢慢滑落或未夠稔，可將鮑魚連鮑魚汁蒸3~4小時
9. 將鮑魚汁煮熱試味，可按自己口味加入老抽和生粉水調較稀杰度
10. 煮好鮑魚汁後便可加入鮑魚掛味，然後便可上碟食用
想了解更多煮食/廚櫃資訊，記得留意埋我其他社交媒體👇🏻
🔻Facebook: Parko.Ki...
🔻Instagram: parko_kitchen
#炆鮑魚 #炆乾鮑 #鮑魚 #乾鮑 #吉品鮑 #賀年菜式 #新年菜式 #伯常堂 #煤氣烹飪中心
煤氣烹飪中心伯常堂南非吉品乾鮑知識分享及烹飪示範資料如下:
www.towngasfun...

[@karenmarie7609]

清楚、簡單、易跟着煑，🙏🏻👍💪🏻

[@catherinewong8610]

靚仔廚神，介紹示範十分清楚，結尾部份，期待你切開個溏心鮑魚，睇吓啲糖心有幾靚，分享埋你食落口溏心鮑魚嘅口感，有冇食到軟、滑、香、糯、媚😋😋，伴碟可以再加芥菜膽更完美！

[@parko_kitchen]

多謝多謝❤❤

[@HungBronser]

有料到😊👍

[@tonysuper6360]

好多steps是有問題，和懂做的人分享，eg大廚！

[@parko_kitchen]

我而家嘅做法已經同拍片嘅時候都幾有分別😅😅😂😂 因為整多幾次之後都係覺得搵一個假期可以睇實個火去整會好好多 之前太忙冇辦法所以唯有放喺個焗爐裏面🫣🫣🫣

[@judyleung2886]

好詳細，多謝你!

[@lisayang1849]

要先去除鲍鱼沙嘴！再用料煲！

[@parko_kitchen]

多謝你的留言🙂 因為我上堂果時伯常堂說如果煲之前將沙咀除去會令到鮑魚內的糖心成份流走的，又或者你又試一試兩種方法有沒有分別？我下次整我又試下將幾隻鮑魚沙咀去左佢，試試有無分別☺

[@user-re9ug7ng5q]

@@parko_kitchen 无知的人，以为所谓的溏心真是鲍鱼里面有糖水啊？会流走，，笑坏我啦，，好多人还讲煲冰鲜鲍鱼的时候落麦芽糖会令鲍鱼变有溏心

[@parko_kitchen]

非常多謝你的留言及關注我的影片，每一個家庭內都有一位大廚師幫每一位屋企人煮飯，所以煮食方式五花八門，沒有永遠正確的方法😀 但是糖心鮑魚的糖心 並不是你所說的有甜味的糖，而是鮑魚內的養分 名叫糖心。如果有興趣想知道更多鮑魚嘅知識，好歡迎你去煤氣公司烹飪中心報名 上伯常堂鍾博士 的鮑魚課程，她會非常仔細講解糖心鮑魚的知識。最後，非常多謝你的意見👍

[@tonysuper6360]

不清走嘴，煲會有陣臭味！

[@SamChiangOpenKitchen]

​@@tonysuper6360🤫🤫

[@cow-zr4ew]

若用明火煲10小時，焗10小時，再煲10小時，咁少水，點煲呀！

[@johannesgu8855]

Can you do the same with fresh abalone?

[@williamtsang8760]

你嘅鮑魚都發得幾靚幾大隻幾夠身! 我都係鍾意煮嘢食嘅麻甩佬, 分享少少經驗... 雞肉排骨就算唔好似街外酒樓咁油炸, 我試過先煎香所有肉類先炆會更香! 最後鮑汁調味, 如果你嫌太甜, 可以攞件金華火腿切片隔水蒸啲火腿汁出嚟, 增添鹹鮮味(如鮑魚汁鹹味未足夠可免此工序), 小弟覺得 老抽味始終會破壞你咁好心機整嘅鮑魚肉汁... 我自己會落日本天頂蠔油,兩滴花雕 同埋小小麥芽糖, 就會夠色! 我多數會配搭扎膠公同食, 煲完雞湯後撈起 最後同鮑魚一齊燴, 生粉芡都唔使打就夠膠夠濃稠 (如果冇炆花膠, 燴鮑魚時, 放一件普通發起嘅花膠仔都有呢個功能)

[@parko_kitchen]

你好，多謝你嘅回覆！ 係呀係呀，上年拍完條片之後我年中都炆過幾次，發覺老抽會影響咗原本嘅味道。但係條片已經拍咗好似有中間改唔到，所以就冇辦法。我又喺留言講過下🤣🤣 臨近團年飯，我已經準備發花膠用之前炆好嘅鮑魚，連埋啲鮑魚汁一齊再整😁😁芡汁真係睇情況，上兩次我都冇再落芡汁😋😋 見你咁講完之後其實下次試吓可以拍多一條片就係將隻花膠放落去炆🤣🤣 連埋冬菇同豬肉一煲過😁😁

[@williamtsang8760]

@@parko_kitchen 鍾意煮食嘅人一定會不斷改進盡善盡美! 不過冬菇又係要預先分開炆, 如果晨早同鮑魚一齊炆, 又係會破壞鮑汁味道。 最尾一齊用鮑汁燴翻就得👍

[@parko_kitchen]

哈哈！我會分開用砂糖豆粉油醃好咗之後 蒸大概10到12分鐘 差唔多食之前先加落去😁😁

[@woonpengfong7300]

😅

[@user-re9ug7ng5q]

点解尾音甘长？每一句都要拉长来讲

[@parko_kitchen]

因為無經驗，我會練習多點。

[@mantam7622]

唔明搣咗鮑魚咀裡便的糖心會流失

[@parko_kitchen]

溏心是鮑魚內的一種養分 簡單來說先清除鮑魚嘴，就好像打開了一個缺口讓養分流失。以上嘅資訊都係我上堂學返嚟，但實際上我都試驗過先清除鮑魚嘴再炆鮑魚 老實講同先炆鮑魚後清除鮑魚嘴 口感上真係沒有什麼分別😅 養分有冇流失到我都唔夠膽講，如果用埋鮑魚汁送飯，應該啲養份都會返去自己度😅 多謝你睇我條片😊😊

[@jlee3088]

請問電子瓦撐處理方法.

[@parko_kitchen]

你好，謝謝你的留言！ 如果用電子瓦撐的話就方便很多，將所有材料放進電子瓦撐慢火4至5小時，之後關火。第二天重複四至5小時，然後關火。做好出來應該只剩下一半鮑魚汁，這樣做可以夾出來了。記得不要加老抽，因為試過幾次之後我發覺加了老抽會影響原味。 希望幫到你啦！謝謝😁😁

[@jlee3088]

@豪。家廚 thank you very much.

[@CXC828]

4條片都有2.13K 訂閱, 唔繼續唔更新就浪費! ​ 希望你唔會 唔開心, 拍片一定有留言, 只須選擇一啲有建設性有正面資訊去睇就可以, 一啲只係掉底一句冇建議, 謾罵, 跟本無須理會.

[@parko_kitchen]

你好，多謝你支持我的影片！ 非常多謝你的回覆！我都明白的，這4條片都是上年拍的，之後我工作太忙所以先停了下來，等農曆年假時有時候我會再拍一些簡單影片再分享給大家，謝謝你！

[@yuking5320]

應該 切開睇睇是怎樣

[@parko_kitchen]

你好，多謝你的留言！ 因為這是第一條片，經驗不足，有機會我會切開再影😂😂😅😅，謝謝

[@mantam7622]

無料扮四条

[@parko_kitchen]

你好，多謝你的回覆！ 其實我真係上完堂之後試做過一次就拍左條片，所以炆鮑魚經驗真係極少 =] 只係想分享上完堂真係炆到，開心下。謝謝！

[@jamestang2584]

分明就係撩交嗌兼學嘢.😂

[@kktsang1958]

南非沒有吉品鮑

[@parko_kitchen]

是的, 因為是伯常堂將吉品鮑帶到南非養殖, 像移民一樣🙂🙂

[@yanxicheng8763]

你咁樣好似係煲鮑魚雞湯呀，你冇落金華火腿同花膠，應該煲金華火腿花膠雞湯、在胃鮑魚，但每日都要拎出嚟煲滾在攤凍！起碼呢個步驟48-72小時！

[@quadwok3511]

外行辦識，睇到7。33，真係好比面你垃圾級教煮壞食材，封+指向下

[@parko_kitchen]

非常感謝你的留言！這個方法純粹係就我自己，老實講上完堂之後就跟住個食譜拍條片信心都唔太大😂😂 我而家再炆鮑魚嘅時候同我拍片嘅方法都好有分別😅😅 我都會選擇有長假期 慢慢睇住個火去炆仲好 味道更濃郁 炆之前清走沙嘴做完之後食落口，其實我覺得分別真係唔太大 如果養分有流失，其實我都會撈晒啲汁🤣🤣🤣

[@mantam7622]

煲一次鮑魚你就夠胆教人煲真係胆生毛

[@parko_kitchen]

你好，多謝你的留言！ 係呀，我仲要第一次拍片，都真係驚驚地。主要係想跟着個食譜做一次，睇吓個食譜堅定流😅😅 教人就梗係唔敢當啦😅😅 而家只會係大時大節，四大長老生日先至會整😁😁，祝你新年快樂！身體健康！