Рет қаралды 505
హిందువులు బొట్టు ఎందుకు పెట్టుకుంటారు? Why Hindus wear Tilakam? Dharma Dharshan Telugu
సనాతన ధర్మాన్ని పాటించేవారు తమ నుదిటిపై తిలకాన్ని ధరించడమనేది అనాదిగా వస్తున్న సంస్కృతి. అయితే ఈ తిలకాన్ని ధరించడం వెనుక కారణం ఏమిటి అనేది ఈ వీడియోలో తెలుసుకుందాం.
మొదటి కారణం: ఒక వ్యక్తి తాను ధరించే తిలకం ద్వారా తాను ఆస్తికుడో కాదో తెలుస్తుంది. తనకి భగవంతుని పట్ల వున్న పూర్తి విశ్వాసం భక్తిని తెలియజేయడానికి తిలకం ధరిస్తారు.
రెండవ కారణం: భగవంతుడు పరమాత్మ రూపంలో సకలజీవుల దేహాలనందు కొలువైవుంటాడు. మనలో ప్రతిఒక్కరి దేహంలో కూడా పరమాత్మగా కొలువైవున్నాడు. కావున ఈ దేహం కూడా ఒక దేవాలయంతో సమానమే. అందుకే దేహాన్ని దేవాలయంగా భావిస్తూ తిలకంతో అలంకరిస్తారు హిందువులు.
మూడవ కారణం: మనిషికి కనుబొమ్మల మధ్య ఆజ్ఞ చక్రం ఉంటుంది. కావున కనుబొమ్మల మధ్య తిలకాన్ని ధరించడం ద్వారా ఆజ్ఞ చక్రాన్ని చైతన్యవంతం చేసి ఆధ్యాత్మికమైన శక్తిని పొందొచ్చు అని హిందువులు విశ్వసిస్తారు.
ఇలా అనేకమైన కారణాలు తిలకాన్ని ధరించడం వెనుక మనకి కనపడతాయి.