Рет қаралды 10,458
እጅህ
ራሴን ተደግፌ ልቆም
ለረጅም ጊዜ ጣርሁኝ
በእያንዳንዱ እርምጃዬ
በየጥጉ ወደቅሁኝ
ለመጠገን እንዳልመች
ደቅቄ ተሠብሬአለሁ
ህይወት እጁን ጨብጦ
ጡጫው ፊቴን ነው ያገኘው
የማማክራቸው ሁሉ
የሌለ ጤንነት ይሰብኩኛል
ምናልባት ትንሽ ቢሰሙኝ
ከችግሬ ጥቂት ይረዱኛል
ህይወቴ አዘምሞ መሬት ሊነካ
ሊወድቅ ጥቂት ነው የቀረው
እንዲያም ሆኖ የተሸከመው
ብዙ የሰው አደራ አለው
ጌታ ሆይ ገፅታዬን ስገነባ
ዕንባ እና ድካሜን ውጫለሁ
ከዚህ በላይ ልፈነዳ ነው
ራሴን ጸጋህ ላይ ጥያለሁ
አርፋለሁ በጸጋህ
አርፋለሁ በእጅህ
አርፋለሁ በጸጋህ /2x
በሠራ አካሌ ሁሉ
እሣት የሞላ ይመስለኛል
ከውስጤ የሚወጣውን ህመም
መታገስ አቅቶኛል
በደምሥሬ የሚዞረው
እሾህ ሆኖ ይሰማኛል
የገዛ ሥጋዬ እንኳ
እንቅልፍ የለሽ ጠላት ሆኖብኛል
ፈተና ግሳንግሱን እንደያዘ
እንደ ጎርፍ በላዬ አለፈ
ዕንባዬ ፈሶ ፈሶ ደረቀ
ጥንካሬዬ ሁሉ አለቀ
ህይወቴ አዘምሞ መሬት ሊነካ
ሊወድቅ ጥቂት ነው የቀረው
እንዲያም ሆኖ የተሸከመው
ብዙ የሰው አደራ አለው
ጌታ ሆይ ገፅታዬን ስገነባ
ዕንባ እና ድካሜን ውጫለሁ
ከዚህ በላይ ልፈነዳ ነው
ራሴን ጸጋህ ላይ ጥያለሁ
ይሻለኛል ጸጋህ
ይሻለኛል እጅህ
ይሻለኛል ጸጋህ /2x
ሃሳቤ ይታመን እምነቴ ይብዛ
ነፍሴ ትገዛ
ፍቅርህ በእኔ ይታወቅ
እግሬ መንገድህን ይዛ
አንተ እኔን ብለሃል
ማን ይከለክልሃል ማን ይቃወምሃል?!
ፍጥረትን ባበጀ ሁሉን ቻይነትህ
ዕዳዬን ወስደሃል