Рет қаралды 12,103
ይመጣል
ከቀናት መሃከል በድንገት
ማንም በማያውቀው ሰዓት
ሁሉ እንደ ሁሌው ሲኖር ሳለ
የሚሆን ልዩ ነገር አለ
ይህ አብሮን የኖረ ሰማይ
ከሁሉ ገዝፎ የሚታይ
መከለያነቱ ይቀራል
እንደ ጨርቅ ይተረተራል
ዓይኖች ሁሉ ወደላይ
በጉን በግርማው ልናይ
በደም ተረጭቷል ልብሱ
ዕዳዬን የወሠደው ንጉሡ
የተጫነኝ ሃዘን መከራ
የባለጋራዬ ፉከራ
እንደ ጉም በኖ ሊጠፋ
ከሰማይ መለከት ሲነፋ
የማይዋረድ የምድር ክብር
እንደፀና የሚቀር ልዕልና የለም
ፍጡር የቱን ያህል ቢንጠራራ
የባለቤቷ ናት ዓለም
ኢየሱስ ክርስቶስ ይመጣል
ዓይኖች ሁሉ ያዩታል /2x
የማይዋረድ የምድር ክብር
እንደፀና የሚቀር ልዕልና የለም
ፍጡር የቱን ያህል ቢንጠራራ
የባለቤቷ ናት ዓለም