Рет қаралды 65,837
@ ShreeSwamiraj Maulee
श्रीस्वामी समर्थ महाराजांनी देह ठेवण्या अगोदर काही आठवडे , श्रींचे कृपांकित भक्त श्री. रामानंद बिडकर (ज्यांना आपण श्रीबिडकर महाराज असे ओळखतो) अक्कलकोटी श्रींच्या दर्शनास आले होते. श्रीस्वामी माऊलींचे दर्शन घेताच, श्रीमहाराज त्यांना म्हणाले, " आता या पुढे तू इथे अक्कलकोटास येवू नकोस. लागलीच नर्मदा परिक्रमेला प्रारंभ कर ". श्रींच्या आज्ञेनुसार श्रीबिडकर महाराज नर्मदा परिक्रमेला निघाले आणि काही दिवसातच अक्कलकोट येथे श्रीस्वामी महाराजांनी देह ठेवला.
श्रीबिडकर महाराजांना ही खबर मिळताच त्यांना असाह्य दुःख झाले. मन खासावीस झाले. काय करावे काय नाही,...काहीच कळेनासे झाले. आता आपण पुढे जावे का अक्कलकोट गाठावे या विचारात ते एका खडकावर बसले असता, त्यांच्या पुढे प्रकेक्ष्य श्रीस्वामी महाराज अवतीर्ण झाले आणि त्यांना म्हणाले, " अरे तू कशाला एवढा दुःखी होतोस ! आम्ही कुठेही गेलो नाही. हम गया नाही जिंदा है", असे म्हणून त्यांनी त्यांना धीर दिला आणि सांगितले, " ही परिक्रमा तू जिथून सुरू केली आहेस तिथेच पूर्ण कर. आम्ही सदैव तुझ्या बरोबरच आहोत". या नंतर श्री बिडकर महाराजांनी परिक्रमा पूर्ण केली.
भक्तगणहो,..पौराणिक मान्यतेनुसार एकदा भगवान शिवशंकर ध्यानास बसले असता, त्यांच्या घामाचा एक थेंब पृथ्वीवर पडला आणि त्या थेंबाचे एका विशाल देखण्या नदीत परिवर्तन झाले. हे पाहता भगवान प्रसन्न झाले आणि या नदीस आशीर्वाद दिला. म्हणाले,...तुझे रूप आणि पावित्र्य पाहून मला आनंद झाला आहे. म्हणून तुला आम्ही आशीर्वाद देत आहोत. जो कोणी तुझी परिक्रमा करेल,.. तुझ्या पत्रात स्नान करेल त्याला तू सुखी आणि संपन्न करशील. या पुढे तुझे आम्ही,.. नर्मदा असे नमाभिधान करत आहोत.
भगवान शिवशंकरानी या नदीला नर्मदा असे नाम बहाल केले ज्याचा अर्थ सुखाचा दाता होय. नर्म म्हणजे सुख आणि दा म्हणजे दाता. अशी ही नर्मदामैया आज तागायात सर्वांना सुखी करत आली आहे. श्रीस्वामी भक्तांसहा समस्त भाविक आज मोठ्या संख्येने नर्मदा मैयाचे दर्शन घेत आहेत,...परिक्रमा करत आहेत.
काही दिवसांपूर्वी आम्हाला श्रीमंत श्री. उदयनजी आचार्य यांचे नर्मदा परीक्रमेचे स्वानुभव शूट करण्याची संधी मिळाली आणि आपल्या या चॅनलला अलभ्य लाभ झाला. श्री. उदयन जी यांनी नर्मदा मैयाच्या तीन परिक्रमा केल्या आहेत. त्या वेळी त्यांना मैयानी खूप सुखद अनुभव दिले आहेत. ते ऐकण्यास आपली काही मंडळी उत्सुक होती.
श्रीस्वामीराज माऊली,... आपल्या यूट्यूब चॅनलची टीम, गिरनार परिवार- डोंबिवली या कार्यक्रमाचे आयोजक यांचे खूप खूप आभार मानत आहे.
श्रीस्वामीराज माऊली टीम सह
आपला,
मिलिंद नंदकुमार पिळगांवकर
व्हॉट्सॲप : ९३७२०६०१९६
मार्गशीर्ष कृ. ६ - शके १९४३
शनिवार - दिनांक २५ डिसेंबर २०२१, ( नाताळ - ख्रिसमस )
#narmada #narmadamission @udayanacharya1060 #omkareshwar
नोंद : या एपिसोड मध्ये माझ्या सुरुवातीच्या निवेदनात चुकून "नर्मदा प्रदक्षिणा" असा उलेख झाला आहे. तो,...."नर्मदा परिक्रमा" असा समजावा. चुकी बद्दल क्षमस्व.
श्रीमंत श्री. उदयनजी आचार्य यांचे नर्मदा मैयाच्या परिक्रमेचे स्वानुभव. भाग : २:
• श्रीमंत श्री. उदयनजी आ...