Рет қаралды 8,224
#retinol #theordinary
الريتينول من اكتر الحاجات الي مستخدمة في علاج الحبوب واثارها وكمان ليه درو في علاج التجاعيد فخلينا نعرف اكتر عنه وازاي نستخدمه
عشان تفهموا اكتر الفيديو ده ارجعوا لفيديو الحبوب وبعدها كملوا ده عشان في معلومات مترتبة علي بعض • ACNE | ايه اسباب الحبو...
فيديو الريتينويد جزء من سلسلة فيديوهات هتتعرض خلال الشهر ده هنتكلم فيها عن كل ال face serums الي منتشرة علي سوشيال ميديا زي hyaluronic acid, niacinamide, vitamin C, AHA, BHA,,, وغيرهم كتير، لو فيحاجة محتاجين تعرفوا عنها اكتر تقدروا تكتبولي في الكومنتات هجاوب عليها او هعمل فيديو
ال retinoid زي ما قلنا قبل كدة دة مستخلص من فيتامين , Aوبيجي في كذا صورة ذي: retinol, adapalene, tretinoin, tazarotene وكلهم ليهم نفس التاثير علي البشرة
واتوافق عليه سنة 1971 كعلاج للحبوب لما وجدوا انه بيساعد في علاج الحبوب الي مكنتش مستجيبة للعلاجات المعروفة عن طريق انه بيفتح المسامم المسدودة سواء بزيوت او دهون من البشرة او خلايا جلد ميته (ودي طريقة تكوين الرؤوس البيضاء والسوداء الي اتكلمنا عليها قبل كدة في فيديو الحبوب) وكمان بيمنع ظهور حبوب جديدة وبالتالي بيقلل من اثار الحبوب
كمان في retinoid علي هيئة حبوب بتتاخد عن طريق الفم بتعالج الحالات الاصعب من الحبوب
وفي 80 القرن الي فات تم الموافقة علية ك antiaging او ضد علامات التقدم في السن عشان وجدوا انه بيحفز انتاج الكولاجين في الجلد وبالتالي بيخفف خطوط التجاعيد الرفيعة الي في الوش والرقبة وكمان بيعالج المسام الواسعة كمان بيحسن الدورة الدموية وبالتالي بيدي نضارة في الوش وبيشيل النقط او البقع الغامقة الي في الجلد
طيب نيجي لاهم سؤال وهو ازاي نستخدمه وخلينا نقوله في صورة خطوات:
1- مهم انك تعمل اختبار حساسية عن طريق انك بتجيب نقطة منه وتحطها في الكوع من جوة مش علي الدقن من تحت زي ما ناس كتير بتقول ده طبعا غلط جدا وبتسيبها 24 ساعة بما ان الريتينويد بيتساب علي البشرة مش بيتغسل، وبعدها بتغسل المكان ده. لو لاحظت اي احمرار او ورم او احساس انك عايز تهرش خلال الوقت ده يبقي النوع ده مش مناسب ليك
2- بتبدا تدخله في الروتين بتاعك بالتدريج: هو بيستخدم اصلا كل يوم في روتين الليل ولكن لو بدأت تستخدمه كل يوم من الاول انت كده هتكون بتضر بشرتك. عشان كدة محتاجين ندخله بالتدريج بنبدأ نستخدمه مرة كل 3 ايام في اول شهر ومرة كل يومين في 2 شهر وكل يوم في 3 شهر وبكده الجلد هيكون اتعود عليه
3- ازاي تستخدمه: في الاول محتاج تحمي الاماكن الحساسة في وشك زي مثلا تحت العين اوحوالين الفم علي حسب بشرتك باستخدام فازلين او eye cream وبعدها بتحط نقطة صغيرة من الريتينويد علي صباعك وتفردها علي وشكل كله وبعدها بتحط مرطب لكن لو بشرتك حساسة ممكن تعمل حركة بيسموها retinoid sandwich انك تحط مرطب وبعدها ريتينويد وبعدها تاني مرطب
4- هيكون عندك best friend جديد وهو ال sunblock: هو في الطبيعي لازم متخرجش منغيره لكن مع استخدام الريتينويد لازم تستخدمه مش عشان بيخلي الجلد حساس اكتر للشمس زي ماهو مشهور عنه لكن عشان لو فاكرين في فيديو ال sunblock قلتلكم ان اشعة الشمس بتساعد في ظهور التجاعيد وانت دلوقت بتستخدم حاجة ضد التجاعيد فطبيعي انك مش هتكون عايز تزود العوامل الي بتعمل تجاعيد
5- الصبر: اهم حاجة الصبر صحيح ممكن يظهر في اول الاستخدام احمرار وجفاف وتقشير في الجلد لكن الاعراض دي هتختفي لما تكمل تستخدمه من اسبوعين ل 4 اسابيع عشان الجسم هيكون اتعود عليه لكن هو اصلا مش بيشتغل كتقشير احنا قلنا شغله ايه في بداية الفيديو
واحب اقولكم انك محتاج تستني من 3-6 شهور عشان تلقي تاثير لو بتستخدمه عشان الحبوب وتستني من 6 شهور لسنة لو بتستخدمه عشان الخطوط او التجاعيد الخفيفة عشان تلقي تغيير ملحوظ او نتيجة ترضيك
6- ممنوع استخدامه مع اي احماض تانية زي AHA & BHA
7- ممنوع استخدامه للpregnant او للحوامل او الي ناويه تبقي حامل في خلال 6 شهور او لو واحدة بترضع ممنوع خالص
تقريبا دي كل حاجة محتاجين تعرفوها عن الريتينويد قبل ما تجبوه وتستخدموه وفي براندس كتير بتوفرة
تقدروا تشتروه من موقع نون وكمان استخدموا كود خصم 10% : AK73
Product recommendations:
Cera Ve: iherbintbbs2949.prfl.me/marmo...
Neutrogena: iherbintbbs2949.prfl.me/marmo...
Differin gel: iherbintbbs2949.prfl.me/marmo...
ولو عجبكم الفيديو متنسوش تنشروه وسط اصحابكم وكمان اعملولي subscribe وفعلوا الجرس عشان تتابعوا الفيديوهات الجديدة، كمان مستنية كل ارائكم واسئلتكم في ال comments
كمان تابعونا علي فيسبوك:
/ marina-magdy-250601468...
وعلي انستجرام:
marmor_jack?igs...
Reference:
www.webmd.com/beauty/retinoid...
www.healthline.com/health/bea...
www.byrdie.com/retinol-vs-ret...
www.health.harvard.edu/stayin...
• How to Use a Retinoid ...
• Answering YOUR Retinol...
DISCLAIMER: This video is not intended to provide diagnosis, treatment, or medical advice. Content provided in this video is for educational purposes only. Please consult with a physician regarding any health-related diagnosis or treatment.
DISCLAIMER: links included in this description might be affiliated links. If you purchase a product or service from the links that I provide I may receive a small commission. There’s no additional charge to you! Thank you for supporting my channel so I can continue to provide you with free content each week!
MEDICAL STUDENT who helps you!