Рет қаралды 12,250
ರಚನೆ : ಶ್ರೀ ಪುರಂದರ ದಾಸರು
ಮನಶುದ್ಧಿಯಿಲ್ಲದವಗೆ ಮಂತ್ರದ ಫಲವೇನು
ತನು ಶುದ್ಧಿಯಿಲ್ಲದವಗೆ ತೀರ್ಥದ ಫಲವೇನು
ಮಿಂದಲ್ಲಿ ಫಲವೇನು ಮೀನುಮೊಸಳೆಯಂತೆ
ನಿಂದಲ್ಲಿ ಫಲವೇನು ಶ್ರೀಶೈಲದ ಕಾಗೆಯಂತೆ
ಹೊರಗೆ ಮಿಂದು ಒಳಗೆ ಮೀಯದವರ ಕಂಡು
ಬೆರಗಾಗಿ ನಗುತಿದ್ದ ಪುರಂದರವಿಠಲ
ಸ್ನಾನವ ಮಾಡಿರೊ ಜ್ಞಾನ ತೀರ್ಥದಲ್ಲಿ ||ಪ||
ನಾನು ನನ್ನದು ಎಂಬ ಅಹಂಕಾರವ ಬಿಟ್ಟು ||ಅ.ಪ||
ತಂದೆ ತಾಯಿಗಳ ಸೇವೆ ಒಂದು ಸ್ನಾನ |
ಬಂಧನದವರ ಬಿಡಿಸಲೊಂದು ಸ್ನಾನ ||
ಮುಂದಣ ಮಾರ್ಗ ತಿಳಿದುದೊಂದು ಸ್ನಾನ |
ಇಂದಿರೇಶನ ಧ್ಯಾನವೇ ಗಂಗಾ ಸ್ನಾನ||೧||
ಪರಸತಿಯ ಬಯಸದಿದ್ದರೆ ಒಂದು ಸ್ನಾನ |
ಪರರ ನಿಂದಿಸದಿರುವುದು ಒಂದು ಸ್ನಾನ ||
ಪರರೊಡವೆಯ ಅಪಹರಿಸದಿರೆ ಒಂದು ಸ್ನಾನ |
ಪರತತ್ವ ತಿಳಿದುಕೊಂಡರೆ ಗಂಗಾ ಸ್ನಾನ ||೨||
ತನ್ನೊಳು ತಾನೇ ತಿಳಿದುದೊಂದು ಸ್ನಾನ |
ಅನ್ಯಾಯ ನುಡಿಯದಿದ್ದರೆ ಒಂದು ಸ್ನಾನ ||
ಅನ್ಯಾಯ ಮಾಡದಿರಲು ಒಂದು ಸ್ನಾನ |
ಚೆನ್ನಾಗಿ ಹರಿಯ ನೆನೆಯೆ ಗಂಗಾ ಸ್ನಾನ ||೩||
ಅತ್ತೆ ಮಾವರ ಸೇವೆಯು ಒಂದು ಸ್ನಾನ |
ಭರ್ತನ ಮಾತ ಕೇಳುವುದು ಒಂದು ಸ್ನಾನ ||
ಕ್ಷೇತ್ರ ಪಾತ್ರರ ಸಹವಾಸ ಒಂದು ಸ್ನಾನ |
ಪಾರ್ಥಸಾರಥಿಯ ಧ್ಯಾನವೇ ಗಂಗಾ ಸ್ನಾನ ||೪||
ವೇದ ಶಾಸ್ತ್ರವನೋದುವುದೊಂದು ಸ್ನಾನ |
ಭೇದಾಭೇದವ ತಿಳಿದರೊಂದು ಸ್ನಾನ ||
ಸಾಧು ಸಜ್ಜನರ ಸಂಗ ಒಂದು ಸ್ನಾನ |
ಪುರಂದರವಠಲನ ಧ್ಯಾನವೇ ಗಂಗಾ ಸ್ನಾನ ||೫||
🙏ಶ್ರೀ ಕೃಷ್ಣಾರ್ಪಣಮಸ್ತು🙏
Racane: Śrī purandara dāsaru
manaśud'dhiyilladavage mantrada phalavēnu
tanu śud'dhiyilladavage tīrthada phalavēnu
mindalli phalavēnu mīnumosaḷeyante
nindalli phalavēnu śrīśailada kāgeyante
horage mindu oḷage mīyadavara kaṇḍu
beragāgi nagutidda purandaraviṭhala
snānava māḍiro jñāna tīrthadalli ||pa||
nānu nannadu emba ahaṅkārava biṭṭu ||a.Pa||
Tande tāyigaḷa sēve ondu snāna |
bandhanadavara biḍisalondu snāna ||
mundaṇa mārga tiḷidudondu snāna |
indirēśana dhyānavē gaṅgā snāna||1||
parasatiya bayasadiddare ondu snāna |
parara nindisadiruvudu ondu snāna ||
pararoḍaveya apaharisadire ondu snāna |
paratatva tiḷidukoṇḍare gaṅgā snāna ||2||
Tannoḷu tānē tiḷidudondu snāna |
an'yāya nuḍiyadiddare ondu snāna ||
an'yāya māḍadiralu ondu snāna |
cennāgi hariya neneye gaṅgā snāna ||3||
atte māvara sēveyu ondu snāna |
bhartana māta kēḷuvudu ondu snāna ||
kṣētra pātrara sahavāsa ondu snāna |
pārthasārathiya dhyānavē gaṅgā snāna ||4||
vēda śāstravanōduvudondu snāna |
bhēdābhēdava tiḷidarondu snāna ||
sādhu sajjanara saṅga ondu snāna |
purandaravaṭhalana dhyānavē gaṅgā snāna ||5||
🙏śrī kr̥ṣṇārpaṇamastu🙏