ازاى تتعاملى مع الابناء النرجسيين

رقم واتس اب الحجز وشراء كتاب التشافي من العلاقة النرجسية 00971568496791
لينك الواتس اب wa.me/message/MKKOMJ3C77WMB1
حجز الاستشارات : kawtharsanad.com/ما عليك سوى الانتساب إلى هذه القناة للاستفادة من المزايا:
/ @user-id-kawthers-sanad
إزاي تتعاملي مع الابن أو الابنة النرجسيين
الحلقة النهاردة بنتكلم عن الأبناء إللي كبروا وعدو ١٨ سنة أنا مش بتكلم عن الأطفال ولا عن المراهقين لا الأبناء فوق ١٨سنة إللي فعلا يمكن تشخيصهم كان نرجسيين ولازم تطبقي عليهم الاختبارات النرجسية مينفعش نطلق على الابن إنه نرجسي أو الابنة من غير ما نكون متأكدين حد شخص لنا الأول ، ليه لان ممكن الأولاد يكونو عندهم مراهقة متأخرة ممكن يكون الابن خارج من الحياة مع الأب النرجسي عنده أي اضطراب نفسي تاني عنده شخصية حدية عنده باي بولر عنده عنده عصبية زائدة عنده افتقار للمشاعر لإنه إتعامل أسوأ معاملة مبيعرفش يعبر عن مشاعره فبالتالي بيكون تعبيراته كلها فيها عدوانية ممكن يكون عنده اضطراب شخصية مضادة للمجتمع شخصية جنبية نتيجة العيشة مع النرجسي كمان مع تهور الشباب مع صغر سنه مش مدرك لسة غض فممكن تكون تصرفاته كلها غلط وانتي لانك اتعقدتي تفكريه نرجسي عشان كده لازم حد يشخصه لك قبل ما تقرري إن هو نرجسي إللي بيحصل إن الأمهات بتيجي تقول لي ابني بيعمل ١٢٣ هو عدى ال١٨و أو بنتي بتعمل ٣٢١ وانا شايفاها نرجسية أو شايفاه النرجسي لما هي بتحكي في حاجات كتير جدا بتحكيها شبه النرجسي فعلا وبعدين لما أجي أسألها السؤال الفاصل إللي هو فعلا حيقول هي نرجسية ولا لأ أو هو نرجسي ولا لأ ألاقيها بتقول كلام ينفي تماما إن الابن أو الابنة نرجسي إيه هو السؤال الفاصل إنه الابن أو الابنة عندهم مشاعر هل هو حنين عليك هل هو بيحضنك تقول لي أه هو حنين جدا أو هي حنينة جدا وبتخاف على أخواتها أو بيراعي أخته طيب منين قلتي إن هو النرجسي وعنده مشاعر ماهو ياجماعة أول حاجة لازم نسألها ونعرف إذا كان الشخص إللي قدامي نرجسي ولا لأ أهم حاجة المشاعر النرجسي مشاعره قليلة جدا دة إذا كان فيه مشاعر الأغلبية العظمى المشاعر تجمدت الابن أو الابنة هما شباب ممكن يكون فيه شوية مشاعر تكفي قطة تكفي كلب بلكن ماتكفيش الأم ولا الأخوات ولا يراعي و بيكون مختلف تماما عن النرجسي في حتة المشاعر دي طيب أمال ليه هو كل تصرفاته بتكون عنيفة وسيئة وبتكون قريبة جدا من النرجسي وبيبقى عدواني ليه؟ لانه عنده مشاكل نفسية ومحتاج طبيب نفسي يشوفه طيب لو تمام اتأكدنا ان الابن او الابنة نرجسيين حنتعامل ازاي معاهم
١- اول خطوة الحدود حفضل أقول الحدود اهم شيء في علاقة الإباء بالابناء بعد الحب يعني الحب الأول وبعدين الحدود لان الحدود حتعلمه يحترم نفسه وهو كمان يحط لنفسه حدود ، اما في حالة الأبناء النرجسيين فالحدود مهمة للاباء لحماية نفسيتهم وخصوصا الام اللي بتكون ضعيفة ومتعاطفة او اعتمادية لازم تقوي حدودك وتكون صحية والاسبوع اللي فات نزلت حوالي اربع حلقات تقريبا عن الحدود لازم تشوفوهم
٢- تاني حاجة بقى انك تكوني فاهمة كويس يعني ايه نرجسية وازاي بتكون نفسية النرجسي وليه بيتصرف التصرف الفلاني وليه بيقول الكلام الفلاني وايه اللي بيستثيره وايه اللي بيرضيه ويهديه ، فهمك لنفسية النرجسي مع فهمك لابنك حيسهل عليكي التعامل معاه وحيخليكي تبقي عارفة امتى تشدي وامتى ترخي . وامتى تسكتي وامتى تخاصمي
٣- بما انه ابن مش زوج ومش حينفع نسيبه ونمشي ولا نطرده وخصوصا الصغيرين اللي لسة ماتجوزوش ولا خرجوا من البيت فلازم نتعلم نتواصل معاهم ونتحاور معاهم ودة لازمه تدرب على التواصل الفعال اللي نطلع منه بنتيجة ، يعني لازم يكون كلامك معاهم واضح ومباشر وفي نفس الوقت تتجنبي النقد للشخص نفسه اتكلمي عن الفعل مش عن الشخص يعني التصرف دة كان غلط ماتقوليش انت غلطت او الكلام مش مظبوط ماتقوليش انت كداب ، ماتوصفيش شخصه ابدا باوصاف سلبية اوصفي افعاله بس ، لان هو عنده حساسية عالية من النقد ودة حيخليه هجومي ويفجر المعارك معاه او معاها وانتي كأم بتضطري ترفضي تصرفاته اللي ممكن تؤذيكي او تؤذي اخواتهم فلما ترفضي كوني حريصة انك ترفضي التصرف مش الشخص نفسه بالعكس انتي ممكن تؤكدي له انك بتحبيه وانه مهم في حياتك وانه مقبول جدا لكن التصرف دة مش مقبول
٤- المكافئات مهمة جدا للنرجسي واي شخص بيعمل حاجة كويسة من حقه اننا نكافئه عليها حتى النرجسي لسببين لو كان زوج عشان تتقي شره او عشان تمشي بيتك وتعيشي وتتعايشي ، اما بالنسبة للابناء فمن باب التهدئة والتربية والعلاج لو انتي قوية كفاية انك تعالجيهم ، لازم المكافئات والمددح والاعتراف بالإنجازات بتاعتهم بشكل متزن مش بقوة فتشجعيه على استمراء الوقود الإيجابي ولا بقلة فيحس انه ماخدش حقه ، ولما تمدحي تكوني حريصة على انك تحسسيه انه انسان كويس من جوة وانه محبوب وتكرري عليه ان انتي واخواته بتحبوا وجوده في وسطكم هو محتاج يقتنع داخليا انه محبوب ومرغوب ومش مرفوض ، وتفهميه ان عمله اللي انجزه جيد لكن ماتبالغيش ابدا في المدح وخدي بالك الحب والقبول غير المدح ، المدح مثلا انت ذكي عرفت تعملها او قدرت تنجز ، انت قوي او انت متفوق دة مدح لكن الحب كلماته مختلفة تعبير عن مشاعرك تجاهه انا بحبك انا مقدرش ابعد عنك انا بحب وجودك جنبي بحس بالراحة وانا معاك انت بتحسسني بالأمان ، المدح والحب لازمين لعلاج الشباب النرجسيين مع الحزم والقوة لأننا محتاجين نغير أفكارهم عن نفسهم ونرجع لهم ثقتهم بذواتهم الثقة الحقيقية مش المزيفة اللي بيتقنعوا بيها ،والكلام دة مع الحذر الشديد اننا مانزودش المدح ولا الحب بحيث يتغر انتي كأم فاهمة اولادك حتعرفي توزنيها صح وخدي..... الباقي في اول تعليق
0:00-0:32 المقدمة
0:32-3:24 ازاى اتأكد انه نرجسى
3:24-4:31 أول خطوة تعمليها لو تأكدتى
4:31-4:54 ثانى خطوة
4:54-6:35 ثالث خطوة
6:35-8:58 رابع خطوة
8:58-10:44 خامس خطوة
10:44-12:19 تنويه هام
12:19-12:38 الخاتمة
#صحةـنفسية #القوة #الاكتئاب #النرجسي #النرجسية

[@jowanajhon8442]

الله لا يضيع تربية ام اخلصت تربيتها في أولادها، الله لا يضيع مهما كانت المعطيات الحالية تقول انو ضاع التعب ، الا ان رحمة الله تنقذك في اللحظة الاشد يأسا.. لا تتركي الدعاء ولا تهمليها والله انو الدعاء يصنع المعجزات و يسهل الشديد و يلين الحديد .. الدعاء لله سبحانه وتعالى هو القادر على تسخير عباده لك ❤❤❤

[@amlosman616]

نرجو المزيد من حلقات التعامل مع الابن النرجسي ضرورى❤

[@user-ei8cm6nb9c]

فعلا ضروري يادكتوره ربي يسعدك ويكتب اجرك يارب

[@Ahlam35-eg6nc]

فعلا نريد المزيد وعن السيكوباتي كثير بنتي ١٩ سنة وسيكوباتية ضربتني مرتين

[@read55]

يا جماعة ضروري جدا لو داخلة باسمك الحقيقي متكتبيش تعليق.. او و انتي حاطة صورتك او صور عيالك.... بيظهر الاسم والصورة للكل...وارد تلاقي سلفتك او حماتك او اختك او هو نفسه لو مراقب راوتر النت او تليفونك و هيشوفوا كاتبين ايه.... غيروا اسمكم و صوركم ... او ادخلوا بحساب جديد ميبينش اي بيانات عنكم ... و فيه برضو اللي بتكتب تعليق و تقول اسامي جوزها و عيالها خلو بالكو يا جماعة.... كان مفهمني انه تؤام روحي طلع كان مراقب و مهكر كل حاجة ...حسبي الله ونعم الوكيل

[@kyyy359]

عشان هيك انا داخلة بحساب وهمي😂😂😂

[@yuosefayman3616]

مراقب الرواتر أزاي مش فاهمه ؟

[@read55]

@@yuosefayman3616 فيه برنامج بيجيب كل حاجة اتفتحت من اي تليفون مربوط بالراوتر ده

[@fatifati1]

كيف اعرف ان الانترنيت والهاتف مراقبين

[@HILDAGAHWICH-yh9si]

ابني عمرو 4سنين وبيحكي كلام مش كويس ابوه النرجسي بيعلمو على سب وشتم وبحس انو ماعندو تعاطف ومشاعر كتير

[@Medo_3467]

أنا محبطه جدا أنا نفسي اعرف ليه كل الي في حياتي نرجسيين حربت حرب مش طبيعيه من زوجين وام واخوات واهل زوجين علشان انجي باولادي وفي الاخر يطلعوا نرجسيين

[@tymaaalhariri9649]

جزاك الله خيرا أ. كوثر ❤❤

[@hkamallo4423]

اشكرك جداً أستاذة كوثر جزاك الله عنا كل خير استفدت منك كثير عندي طلب عندك لو تكرمتي تنزليلنا فيديوهات أكثر عن التعامل مع الأبناء النرجسيين و طرق معالجتهم قدر المستطاع

[@user-fk9tf4ox6g]

جزاكم الله خيرا يا دكتور وبارك الله فيكم ♥️♥️

[@okeet8577]

الله اجازيك عنا كل خير

[@fatemahbarrak9067]

عشت استاة كوثر.

[@sherrysherry3952]

جزاك الله خيرا كثيرا

[@samarsoliman7410]

ربنا يكرمك ويبارك فيك اد ايه الموضوع ده مهم جدا انا لسه مش عارفة احدد ابني نرجسي ولا لأ يارب تهدي كل الاولاد ويجعلهم قرة عين لنا جزاكم الله عنا كل خير

[@nmsqsham326]

جزاكي الله كل خير على الفيديوهات للابناء نحن بحاجة ماسة لها

[@hebaabdelmonem4864]

انت جميلة ربنا يكرمك❤

[@user-iw6fb7xh6q]

أنا كان أبي نرجسي ظاهر وبعدين عشت مع زوج نرجسي خفي وبعد 25 سنة عرفت انه نرجسي أوفي الأخير ابني الكبير كان يعاملني بلطف لما كبر حتي يوم زفافه كانّه شخص ثاني قاطعنا كلنا أنا واخواتو

[@samiasam2359]

ربنا معاك نفس زوجي خفي وخبيث وكنت مع ام نرجسية ولم أعلم بعد 17 سنة والآن بيسم ابني الأكبر إني أكره حسبي الله ونعم الوكيل

[@user-iw6fb7xh6q]

@@samiasam2359 الله المستعان

[@randaelgohary7553]

ياريت حلقات اكتر في نفس الموضوع ونعمل ايه في سن ال ١٦ وسلوكياته نرجسية ناخد خطوة قبل ال ١٨

[@user-nm4cs8ku9e]

حسبنا الله ونعم الوكيل فيهم كلهم

[@hanaagaber9267]

اللهم صل وسلم وبارك على نبينا محمد وعلى اله وصحبه وسلم تسليما كثيرا جزاكم الله خيرا ❤

[@aminamakhtari2107]

اللهم صل وسلم وبارك على سيدنا محمد طب القلوب و دواىها وعافية الابدان و شفائها ونور الابصار وضيائها وروح الأرواح وسر بقائها وعلى اله في كل لمحة ونفس عدد ما وسعه علم الله

[@Huda-bj9ii]

شكراا

[@nadaelshehawy5776]

لا حول ولا قوة الا بالله مفيش حد كتير شاف الحلقه عشان الاولاد نشاهد الحلقه عشان النرجسي فقط

[@HILDAGAHWICH-yh9si]

لانو في ناس كتير اولاد صغار لسه مش نرجسيين

[@user-jy9cy8um6s]

❤

[@lilasalhlewani9244]

❤❤❤❤

[@jana-hk1pi]

هو فعلن الشخصية دي بتتصخش بعد سن ١٨ سنه

[@user-sl4wj5sm7u]

طب والمراهقين اللى تحت 18..... انا بنتى 17 ومش قادره اوديها لمتخصص عشان اعرف شخصيتها لكن تصرفاتها كلها زى ابوها.... بتحضنى بس قاسيه شويه مبتفكرش غير ف نفسها ومصلحتها اوقات بتبكى واحس ان عندها مشاعر وأوقات بتكون جامده حتى لو استعطفتها مش عارفه ومبقتش فاهمه حاجه أنا هتجنن وبالأخص انى مش هعرف استشير متخصص

[@user-sr7vs9gd7v]

ابحثي عن الطبيب النفسي للطفل والمراهق ويوجد اطباؤ تخصص نفسي للبالغ والطفل والمراهق دكتور مش اختصاصي او اختصاصية لازم دكتوراه او بروفيسور طب نفسي والمراهق صعب جدا ربنا يعينك ولكنها فترة قاسية وستمر ان شاء الله

[@user-sl4wj5sm7u]

@@user-sr7vs9gd7v يارب تمر لكن انا مفيش ف امكانياتى انى اوديها وكمان هي سابت البيت بمساعدته بقالها شهر ونص وتقريبا مقطعانى وقاعده عند امه وابوه اللى هما اساس نرجسيته

[@user-sr7vs9gd7v]

@@user-sl4wj5sm7u صبر جميل والله المستعان الله يرزقك من واسع فضله وكرمه

[@besan9170]

طيب لو ١٨سنه والفلوس من ابوة وبردوا ميقدرش يتطاول عليه بيعمل كدة معايا انا بس طيب احيانا بيخاف لو تعبت بيبقه اكتر واحد بيخاف عليا لكن متعب في كل الصفات ثلوث ظلام جبان جدا لكن معايا فظيع وصوت عالي

[@totabashir4677]

الله يجازيك خيرا. أنا محتارة في الأبناء ال عندي ... كلهم رأفضين التعامل معي خالص ... ممكن لو ما تكلمت معهم شهر ممكن ما يتكلموا معي. ولا يريدوا قرب مني أبدا كلما تقربت منهم ينفروا .. بطريقة فجة ...لو قلت لهم أخرجوا تفسحوا يرفضوا لأن أنا قلت .. تصوري الوضع كيف .. طبعا والدهم نرجسي ..

[@user-pd6qu1lg5q]

هل الشخصية النرجسية ناقدة ؟

[@a.h2619]

انا عندي ابني 6سنين كان كويس اوي وبيحبني بقاله شويه شهور حاساه بيكرهني ومتاكد انني بكرهه بيتعامل طول الوقت انني فرحانه فيه او مبسوطه انه اتعور او خايف مع ان عمري ما عملت اي حاجه تحسسه كده بقي عنيد اوي معايا ومابيسمعش كلامي وبيحاول يعمل كل حاجه تزهقني وبقي بيقولي انا مبحبكيش او يقوللي بحب بابا اكتر منك ويقعد يقوللي بحبك بس شويه صغيرين انا متاكده ان اهل جوزي قالوله عنني كلام وحش مش عارفه اصلح ده ازاي بيقطع قلبي كلامه ده

[@user-je9jh5mb8z]

السلام عليكم ورحمة الله وبركاته ارجوكي يادكتوره ردي عليا انفصلت منه من سنتين والحمد لله اتعفيت منه وبدأت شغلي وجبت شقه واستقريت وببعتله البنات يوم فالاسبوع بس بيحاول دايما يسوأ صورتي قدامهم بس انا بحتويهم وببقا طفله معاهم وبحبهم جدا للاسف اخر مره بدأ ينزل ليهم فديوهات ع تيك توك وان زعلان ع غزه وده مضايقني جدا ان منزل ليهم فديوهات وان البنات تدخل فيتك توك والكلام الفارغ ده عشان صورته لان بينزل قران واحاديث واد ايه زعلان ع فلسطين ومحاولاته الحقيره واد ايه لازم نقف معاهم وهو اصلا مبيبعتش فلوس لبناته ولا لبس ولا هدوم حتي عيد ولا اكل وانا احيانا بستلف عشان اجيب احتياجتهم وهو لا شء نهائي مش عارفه امنعه ازاي ان ينزل ليهم فديوهات انا مليش اي صيله بيه وعملاله حظر من كل حاجه ومش عاوزه اكلمه لانه قليل الادب وبيتبلي عليا ان عاوزه ارجعله

[@tasnimmohammed5515]

❤