Рет қаралды 6,222
Api Katha Nokara Imu (අපි කතා නොකර ඉමු) - Malinda Pradeep | Lyric Video
Original Vocals: Janaka Wickramasinghe
Music: Gunadasa Kapuge
Lyrics: Sunil R Gamage
1975 දී මගේ පළමු රාජකාරි විමර්ශනය සඳහා මඩකලපුව පොල් වගා කිරීමේ මණ්ඩලයේ කාර්යාලයට යන්න අවස්ථාව උදා වෙනවා. කුඩා අවදියේ මඩකලපුවට ගොස් තිබූ නමුත් ඒ දුර ගමන මට බොහෝම ආශ්වාදනීය වුණා. ඒත් කාර්යාලයට ගිය පසුව තමා රාජකාරියේ බරපතලකම මට තේරුණේ. බලන බලන පැත්තෙ ඇහෙන්නෙ දමිළ භාෂාව. මට දමිළ වචනයක් බැහැ. මා මිත්ර ගණකාධිකාරි මහීල්ට මං කීවා "මේ විමර්ශනය මට කරන්ට බැරි වෙයි. මට දමිළ බැහැනේ".
"ඒක නම් එහෙම තමා. නිර්මලා ළඟ තමා file තියෙන්නෙ. එයාට ඉංගිරිසිත් බෑ. සිංහලත් බෑ. ඔයා කෝකටත් නිර්මලාගෙන් file ටික ඉල්ල ගන්නකෝ".
"කොහොමද ඉල්ලනේ".
"පාල් ඉරිකි කියල ඉල්ලන්න".
මං නිර්මලා ළඟට ගිහින් ඇහැව්වා. නිර්මලාගෙ දිගටි ඇස් දෙකෙන් මා දිහා රවල බලල නැගිටල යන්න ගියා. මට තේරුණා වැඩේ අවුල් කියලා. මං මහීල්ට කිව්වා "විහිලු කරන්න එපා මහීල්". ඒ ගමන මහීල් කිව්වා. "තන පාල් ඉරිකි කියල අහන්න".
හොඳ වෙලාවට ළඟ හිටපු කන්දසාමි කීවා. මහත්තයා ඕවා අහන්න එපා. ඔය කියන්නෙ "තන කිරි" තියෙනවද අහන්න.
වැඩේ තේරුම් ගත්ත මම නිර්මාලාට බොහොම ආදරෙන් කතා කළා. ඇය අපූරුවට සිංහල කතා කරනවා. කොහොම හරි සති දෙකක් යනකොට විමර්ශනය අවසන් කළා. මේ කාලය තුළ මං පළමු වතාවට නිර්මලා එක්ක කෝවිලකට ගියා. නිර්මලා පළමු වතාවට මාත් එක්ක පන්සල් ගියා. හැන්දෑවට සිංදු කියන මාලු බලන්න කල්ලඩි පාලම උඩට ගියා. එක දවසක් මං නිර්මලාට පොඩි අදහසක් කිව්වා. එක පාරටම ඇය දෙමළ කතා කරන විදිහට කීවෙ
"අපි කතා නොකර ඉමු අප්පා" කියලා. ඊට පස්සෙ ටික කාලෙකින් නිර්මලා යාපනය විශ්ව විද්යාලයට ගිහින් තිබුණා. අද වෙන තුරු කිසිම තොරතුරක් නෑ. ඊට පසු කාලෙක ජානක වික්රමසිංහ මල්ලි මාව හොයා ගෙන එනවා ගීතයක් ලියා ගන්ට පොලොන්නරුවේ ඉඳන්. ආ ගිය තොරතුරු කියද්දි පාන්දර මඩකලපු කෝච්චියේ ආවා කියනකොටම මට නිර්මලා මතක් වුණා.
"අපි කතා නොකර ඉමු අප්පා" මතක් වුණා.
ඔහොම තමා ගීතය ලියන්න අත්දැකීම් ලැබුවෙ. ජානක මල්ලිගේ ගීත අතර අතිශය ජනප්රිය ගීතයක් මේ. මේ ගීතයට තනු නිර්මාණය කළේ විශාරද ගුණදාස කපුගේ ශූරීන්. මේ cover එක ගයන්නේ මලින්ද ප්රදීප්. මේ cover එක දුකක්. ඇහැට කඳුළක්. ඒක වෙනම කතාවක්.
#sinhalasongs #sinhalasongscollection #sunilrgamage