BAADA YA MATOKEO SUGU AFUNGUKA YAKE || MSIGWA NAE ASEMA YAKE

Mwenyekiti mpya wa Chama cha Demokrasia na Maendeleo (Chadema) Kanda ya Nyasa, Joseph Mbilinyi 'Sugu' ameahidi kuwaunganisha wanachama wote kama kazi yake ya kwanza baada ya kutangazwa mshindi wa nafasi hiyo.
Katika uchaguzi huo Sugu alichuana na Mchungaji Peter Msigwa, ambaye amashindwa kutetea nafasi yake hiyo kwa kupata kura 52 dhidi ya 54 za Sugu. Akizungumza leo Jumatano, Mei 29 muda mfupi uliopita baada ya kutangazwa, Sugu amesema kazi yake itakuwa kuwaunganisha wanachama wote baada ya kumalizika kwa uchaguzi huo. Hatua hiyo inatokana na kawaida ya kuibuka kwa makundi wakati wa uchaguzi.