Рет қаралды 3,253
കുമരകം : 2002 -ൽ നടന്ന കുമരകം ബോട്ട്ദുരന്തത്തിന്റെ 19-ാം വാർഷികദിനമാണ് ഇന്ന് . 2002
ജുലൈ 27-ന് പുലർച്ചെ 5.45-ന് മുഹമ്മയിൽ നിന്ന് തിരിച്ച എ 53 ബോട്ട് രാവിലെ 6.10-ന് കുമരകത്തിന് അരകിലോമീറ്റർ അപ്പുറത്ത് അപകടത്തിൽപ്പെടുകയായിരുന്നു. പതിനഞ്ച് സ്ത്രീകളും പതിമൂന്ന് പുരുഷന്മാരും ഒൻപത് മാസം പ്രായമുള്ള കുഞ്ഞുമടക്കം 29 പേരുടെ ജീവൻ നഷ്ടമായി. മുഹമ്മ, കായിപ്പുറം, പുത്തനങ്ങാടി പ്രദേശങ്ങളിൽനിന്ന് പി.എസ്.സി. പരീക്ഷ എഴുതാൻ തിരിച്ച ഉദ്യോഗാർഥികളും.
സ്ഥിരംയാത്രക്കാരായ കൂലിപ്പണിക്കാരും മത്സ്യവിൽപ്പനക്കാരും ആയിരുന്നു ബോട്ടിലെ യാത്രക്കാർ . കൂടുതൽ ആളെ കയറ്റിയ ബോട്ട് കായലിലെ മണൽത്തിട്ടയിൽ ഇടിച്ചാണ് അപകടം. അപകടം നടന്ന ഉടനെ കുമരകം നിവാസികളുടെ സമയോചിതമായ ഇടപെടൽ നിരവധി പേരുടെ ജീവൻ രക്ഷിച്ചു. രക്ഷ പ്രവർത്തനത്തിൽ പങ്കെടുത്തവർ കുമരകംടുഡേയുമായി അന്നത്തെ അനുഭവങ്ങൾ പങ്ക് വെക്കുന്നു.