Рет қаралды 23,141
අවාරේ දවසක්,
උඩ මලුවට කිට්ටුව,
අහස් ගවුව මත,
සමනල අඩවියට,
උතුම් බුදු පාද ලාංඡනය වන්දනාව , පලාබත්ගල හරහා මහ වැසි මදින් උඩ මලුවෙන් නල්ලතන්නියට, සුමන සමන් දෙවි පිහිටින්. (මෙම මාර්ගයේ සුවිශේෂී ස්ථාන වලට ලගවියහැකි වේලාවන් හා පඩි ප්රමාණය සමග මෙහි පැහැදිලි කරයි)
අපි මෙවර සිරිපා කරුණාවට යොදා ගත්තේ රත්නපුර -පලාබත්ගල මාර්ගයයි.කොළඹින් පාන්දර 4.30ට පමණ ඇඹිලිපිටිය බස් රථයෙන් ගමන් ඇරඹූ අපි රත්නපුරයෙන් රත්නපුර -පලාබත්ගල බස් රථයට උදෑසන 7.30ට පමණ නැගුනා.විනාඩි 45ක පැයක පමණ කාලයක් තුළ දී අපි පලාබත්ගල පන්සල (දේවාලය) අසළින් උතුම් සිරිපා කරුණාව අපි ආරම්භ කළා.
පඩි 1200න් උඩ පවනැල්ලට ළඟා වුනු අපි පිළිවෙළින් කොකටිය කන්ද,ලිහිණි අම්බලම,කටු කිතුල වංගුව,කොඩිය,කළු ගඟ(පඩි 5000),ගජ මංසල,ඉඳිකටුපාන,ධර්ම රාජගල,සීත ගඟුල,හීන් ගඟ හරහා ගල් වංගෙඩිය අම්බලමේ රැය පහන් කරා.
පසු දින උදෑසන 7.30ට පමණ නැවතත් සමන් දෙවි පිහිටින් ඉහළට කරුණා කිරීමට ආරම්භ කළ අපි මකර තොරණ,විවේකාරාම පන්සල,ආඬියාමල තැන්න,ඇහැළ කණුව,හුළං කපොල්ල හරහා උඩ මළුවට කරුණා කිරීමට වරම් ලැබුණා.
පොද වැසි,මහ වැසි හා අව් කිරණින් ආශිර්වාද ලබා ගනිමින් උතුම් වූ ශ්රී පාදස්ථානය වැද ගැනීමට භාග්යය ලබා ගත් අපි පහළට කරුණා කිරීමට යොදා ගත්තේ හැටන් නල්ලතන්නි මාර්ගයයි.
රත්නපුර -පලාබත්ගල මාර්ගයේ සුන්දරත්වය මේ වීඩියෝවෙන් අපි ඔයාලට ගෙනාවේ කියා නිම කර නොහැකි නිසාවෙනි.ඉතිං අපි බැති සිතින් ප්රාර්ථනා කරනවා මේ වීඩියෝව බැලුව නොබැලුව සැමට සුමන සමන් දෙවි පිහිටින් සිරිපා කරුණා වරම් ලැබෙන්න කියලා.
වාර සමය තව නොබෝ දිනකින් පටන් ගනිද්දී ඔයාලගෙන් එක ඉල්ලීමක් කරන්න කැමති අපි.
අවාර සමයේ තිබූ සුන්දරත්වය පිරිසිදුභාවය එලෙසම වාර සමයේ දීත් පවත්වා ගන්න අදිටන් කර ගන්න.
ඔයාලා අරන් යන හැම දෙයක්ම ඒ විදිහටම අරන් එන්න.කිසිම දෙයක් එහේ දාලා එන්න එපා.
Travel Ayale (Travel අයාලේ)
අපිව subscribe කරන්න
Share කරන්න
Like කරන්න
ලස්සන තැනකින් ආයෙ හම්බෙමු
"ඇවිදින්න පරිස්සමෙන් පුලුවන් තරම් දුර"
Travel Ayale 🧭
Thanks for watching