Рет қаралды 10,759
गोंदावले भक्त निवास
मी सौ. जयश्री कुलकर्णी पंढरपुरची असुन नेहेमीच आपल्याला उपयुक्त असे व्हिडिओ बनवत असते
आज मी आपल्याला गोंदावले भक्त निवासची माहिती देत आहे
भक्त निवास
२५ वर्षांपूर्वी ६०-७० खोल्या होत्या. आज निवासासाठी जवळपास अडीचशे खोल्या आहेत. आता बऱ्याचशा नव्या इमारतीत भरपूर प्रकाशाची सोय, पंखे, खोलीला लागूनच स्वतंत्र स्वच्छतागृह व खाटा, गाद्या व उशा दिल्या आहेत. एवढे असले तरी मूळ साधेपण कायम आहे. सोयीचे रूपांतर विलासात होऊ नये याची दक्षता घेतलेली आहे. कुठेही भपका नाही. वातानुकूल सोय नाही आणि मूळ तत्त्व- ‘कशाचेच द्रव्य घ्यायचे नाही’- ते आजही अनुसरले जात आहे. आज भक्तनिवासासाठी श्रीराम, चैतन्य, आनंदसागर, डॉ. कुर्तकोटी, चिंतामणी, रामानन्द निवास या काळानुरूप अधिकाधिक सोयीच्या इमारती उभ्या राहिल्या आहेत. तसेच गर्दीच्या वेळी विविध हॉल मध्ये भक्तांची सोय करण्यात येते.
कसे याल?......
श्री ब्रह्मचैतन्य महाराज गोंदवलेकर यांच्या वास्तव्याने पुनीत झालेले गोंदावले हे महाराष्ट्रातील अग्रगण्य तीर्थक्षेत्र आहे. सातारा जिल्ह्यातील माण तालुक्यामधे, पुणे-पंढरपूर रस्त्यावर साताऱ्यापासून अंदाजे ६४ कि.मी. वर गोंदावले बुद्रुक हे गाव आहे. पुण्याहून (१५३ कि.मी.) व मुंबईहून (३२० कि.मी.) येण्यासाठी एस् टी महामंडळाची रोजची सेवा उपलब्ध आहे. तसेच राष्ट्रीय महामार्ग ४ मार्गे पुण्याहून येताना शिरवळ फाट्यापासून लोणंद फलटण दहिवडी मार्गेही गोंदवल्यास येऊ शकतो. तसेच महाराष्ट्रातील सांगली, सातारा, सोलापूर, पंढरपूर, ठाणे वगैरे बऱ्याच ठिकाणाहूनही बससेवा उपलब्ध आहे.
maps.app.goo.gl/5ajCKSnsRyLAN...
रेल्वेने गोंदवल्यास यायचे असेल तर पुणे-मिरज रेल्वेमार्गावरील कोरेगाव येथे उतरून पुढे बसमार्गे येथे येऊ शकतो.
गोंदावले आॕफिस
फोन नंबर
२१६५२५८३६४