Рет қаралды 10,582
ቁም ነገር አለህ
የሰው ዘር ጠምቶኝ ነበር
ብቸኝነት ቤቱን ተክሎብኝ
ሃዘን ትካዜዬ አይሎ
ልቤን መሸከም ከብዶኝ ነበር
እህህ ነበር ቋንቋዬ
አቀበት ሆኖ ኑሮዬ
አንገላቶኝ ነበር ሰልፌ
አፋኝ ወጥመዴን ታቅፌ
ችግሬን ያዩ ሁሉም ሲሸሹ
ምን እንሁን ያሉኝ ደርሰው ሲጠሉኝ
የቅርቤ ያልሁት ሰው ሁሉ ሲቀየር
ግራ ገብቶኝ ነበር
ከፍጡራን መፍትሄ ጠብቄ
በውጤቱ ግን ደንግጫለሁ
ሁሉ ከላይ ሲመለስ
ውስጤ የደረሰው እጅህ ነው
ተመልክቶሃል ጉድለቴ
አሳስቦሃል ጭንቀቴ
ጉዳይህ ሆኗል ጉዳዬ
ቁም ነገር አለህ ከህይወቴ /2x
ለማስታገሻ የወሠድኳቸው
ደዌዬን አብሰውት ነበር
ፍቱን መድኃኒቴን ባላገኝህ
ህመሜ ጨርሶኝ ልቀር
በመጨረሻ ዞሬ አንተ ጋር መጣሁ
ከዚያ ችግሬን ሁሉ አጣሁ
የነፍሴን እንቆቅልሽ ፈታህ
በፍቅርህ የሃዘኔን ጅረት ገታህ
ተመልክቶሃል ጉድለቴ
አሳስቦሃል ጭንቀቴ
ጉዳይህ ሆኗል ጉዳዬ
ቁም ነገር አለህ ከህይወቴ /2x
እንዴት ይረሳል?! /2x
ሁሉ ትቶኝ ሲሄድ ወዳጅ ሆነኛል
እንዴት ይረሳል?! 2x
ጠፍቼ ነበርሁኝ አግተኸኛል
እንዴት ይረሳል?! 2x
ከሞተው ህይወቴ ማር አውጥተሃል
እንዴት ይረሳል?! 2x
ሙላቴ ሆነኸኝ ደስታ አጥግበኸኛል
ተመልክቶሃል ጉድለቴ
አሳስቦሃል ጭንቀቴ
ጉዳይህ ሆኗል ጉዳዬ
ቁም ነገር አለህ ከህይወቴ /2x