لا تتسرع فى رفع دعوى قسمة الملكية الشائعة قبل أن تعرف مخاطرها الشديدة..

[@marwanahmed4587]

جزاك الله خير - ده اخويا الكبير كان عايز يقسم البيت

[@محمدمحمد-ش1غ6د]

حضرتك جبت النهاية شكراً جزيلاً لعرض المشكله ببساطة المشكله إن في أخوات بنات كتير حقهم ضايع

[@kerolesmagdy717]

حضرتك لو فيه اربع قضايا جنح دخول عقار ومنهم ثلاث قاضيا امام دايره قضائيه وعطيت احكام علي المتهمين وقضيه اخري نفس الموضوع امام دايره قضائيه اخري وحكمت بلبرءه علي نفس المتهمين هل هناك تاثير علي القاضيا اللي اخدت احكام بسبب القضيه اللي اخدت براءه ولا رغم ان حكم الادنه هو الاول وليس حكم البرءه وشكرا لك.

[@فاطمه-ز7ب5ط]

حتى اعتقد يصبح فيها اشكال شرعي قسم من الورثه يسكن يالبيت وقسم لا ،خاصه إذا لم يكن هناك اتفاق وتوجد مشاكل اصلا بينهم .

[@shahdmohamed8832]

سيادةالمستشار /اعزكم الله---- صدر ضدنا حكم ثبوت ملكيه في اطيان زراعيه بمقدار الثلث مشاعا في عدة قطع واحواض وقري اي(٤افدنه مشاعا في ١٢فدان ) هل هذا الحكم يعتبر في حال رفع دعوي الفرزوالتجنيب علما بان هذه الاطيان ليست لها عقد مسجل للمورث؟ وهل يجوز طلب احد فرز قطعه من هذا الحكم بموجب إعلام الوراثه؟ ولسيادتكم جزيل الشكر والتقدير ووفقكم الله لما فيه الخير

[@rockyahmedomar1906]

شكرا استاذ بيومى هنك سؤال فى العقد المسجل الذى يخص جدى قد رفض الثهر العقارى اعطائى نسخة منة نظرا لوجود يهود فية ( اقصد الجالية اليهودية ) فقد قام جدى بشراء الارض من اشخاص يهود فى عام 1961 ولكن نصحونى باخذ ارقام قطع الارض واستخراج شهادات من السجل العينى ولكن المحكمة لم تاخذ بهذة الشهادات مع العلم ان هذة الشهادات يوجد بها اسم المالك وهو جدى ورقم العقد السجل هل هذا قانونى ام لا شكرا

[@ghattasayad5865]

اذا كان الميراث ذهب ولدي المتوفي ملف ضرائب مثبت عليه الرصيد من الملكية

[@ghattasayad5865]

محل ذهب

[@دكتورسيدبيوميفوده]

أيوة، إيه السؤال؟

[@point-justice]

في القانون التونسي قيمه العقار في الجلسه الثانيه ينقص اربعين بامائه

[@دكتورسيدبيوميفوده]

ياه كثير أوى

[@Farnas-xm8rg]

جزاك الله خيرا بارك الله في مالك ورزقك واهلك

[@دكتورسيدبيوميفوده]

اللهم آمين، ولكم بالمثل بإذن الله

[@saadfarag3005]

شكرا علي معلومات مفيده انا عندي بيت ملك بورث في ابي مع اخواتي مسجل من زمان ولاكن ان ما عنديش صور العقد او رقم التسجيل و اخي معة اللي العقد اعمل ايه عشان اثبت حقي وشكرا لحضرتك

[@دكتورسيدبيوميفوده]

اسأل عليه فى مكتب الشهر العقاري اللى فى دايرته العقار واستخرج صورة رسمية منه

[@HazemTarek-jl4ny]

طيب انا عندي نفس المشكله و مافيش ورق في الشهر العقاري بس معايا صوره من العقد

[@hassanabaach7588]

إضافة إلى الادلاء برسم الإراثة مع تفريض.

[@fouadalradaideh1312]

اذا كل الشركات متفقين على عدم البيع بالمزاد وواحد فقط يريد ثمن حصته ١٢٥ متر من أصل ٩٠٠ متر ولكن بسعر عالي جدا وطمع وتقدير غير واقعي

[@shehabdarwesh6467]

طيب لو شقه تم شراؤها مناصفة بين اثنين واحدهم يريد التقسيم بسور والشريك الاخر رافض ماهو الحل

[@احمدمصطفىنعمتالله]

حضرتك لو أن المحكمة انتدبت خبير وفي التقرير قال غير قابل للتقسيم ما العمل هم اربع بنات وولد على شقتين في المنزل ولا رافع القضيه احد الورثه

[@دكتورسيدبيوميفوده]

البيت يتباع ويتقسم ثمنه

[@Almala_aldaam]

سعادة المستشار حفظك الله انا أكبر اخواني وأبي استشهد في عام ٢٠١٤ في اليمن وهاجرنا مصر جدي لازال عائش ولدينا ٤ اعمام أخذنا فله في مصر مدينتي باسمي كمقام أبي وإسم اعمامي الان نحن خمسه أسهم مع ان العقار تقصيد لمدت عشر سنين وقد تم السداد لاكنني مضتر أبيع سهمنا هل استطيع بيعه مع العلم ان الجد رافض وبعض الأعمام كون حياتهم متيسره وعايشين في الفله وانا مضتر أبيع السهم لابني مستقبلي انا واخواتي

[@Aasa-g2g]

خمس سيدات وام توفي والدنا وسرق اخي اوراق ملكية والدى ماااذا نفعل منع ميررراثنا

[@دكتورسيدبيوميفوده]

شوفى الجنحة عادة للأسف بتاخد براءة وبالتالى مفيش أمامك غير المطالبة بالريع حاليا، أو القسمة بس طبعا كلامى بشكل عام، دون دراسة التفاصيل والاطلاع على المستندات

[@لوحدياشيك]

هل يمكن رفع دعوة فرز وتجنيب بصحه توقيع و عقد بيع ابتدائي

[@كورةفيالهدف-ع2غ]

يجب ان تشرح بالمستندات

[@دكتورسيدبيوميفوده]

ازاى معلش هاشرح بالمستندات؟

[@jo-on2iv]

لنفرض ان احد الورثة المقتدر ماديا اتفق مع شخص غريب على شراء العقار فى المزاد بسعر غالى وبعدين ياخده منه تانى مالحل

[@Mkld-1]

هل عمل تسجيل وأشهار للأرث بعقد اخضر بالأنصبة يعتبر أفضل

[@aymangaper9971]

بارك الله فى علمك ممكن من فضلك عرض سؤال عن التقسيم

[@دكتورسيدبيوميفوده]

اتفضل

[@doaaali926]

لوسمحت مشكله لاارض زراعيه هي ورث في طرف رافض يعمل طريق للعبوروكل ماتيجي تحكم يجيب محامي جديد وتتاجل مع ان معانا كل الورق اللي يثبت ومعانا إقرار من الخبير

[@abraamashraf9128]

لو سمحت يا استاذنا سؤال من باب خبرتك: هل الافضل دعوى الفرز و التجنيب و دعوى الريع مع بعض في دعوى واحدة. أم كل دعوى منفصلة عن الأخرى ؟ وما هو حالها في حالة عدم وجود سند الملكية ، و لكن توجد مكلفات عقارية بإسم المورث و عقود ايجار قديم بأسمه و كذلك إيصالات المرافق و إيصالات الايجار و اعلام الوراثة بإسم الورثة.

[@دكتورسيدبيوميفوده]

مش مع بعض

[@دكتورسيدبيوميفوده]

ولازم يكون فيه سند ملكية مسجل

[@LolLol-np1gy]

سلام عليكم لوفي شركة عقارية عبارة عن محلات تجارية بين أبناء العم وأرادوا قسمة الشركة كيف تكون الاجراءات

[@taghredshehata]

هل يسجن الوريث الغير قادر على رسوم الفرز والتجنيب

[@دكتورسيدبيوميفوده]

قصدك مصاريف قضائية بعد انتهاء القضية ؟؟

[@fouadalradaideh1312]

اذا عرضت القطة للمزاد ولم يتقدم احد كم مره يتم عرضها مره ثانية

[@rehammarof5289]

سلام عليكم معايا مشكله كبيره ارجو مساعدتي اشتريت صيدليه المحل والرخصه نصف بيني وبين زميلتي ودلوقتي بينا خلافات كتير مش راضيه تبيعلي جزءها ولا تشتري جزئي اي الحل القانوني وازي نفض الشراكه دي؟

[@sherifyassin2633]

هل يمكن رفع دعوة فرز وتجنيب بعقد بيع مسجل في صندوق اسكان القوات المسلحة

[@دكتورسيدبيوميفوده]

ممكن

[@amrantarawnr9338]

هل يمكن سحب العقد من المحكمه لانه مسجل .....

[@دكتورسيدبيوميفوده]

بعد ما تنتهى القضية

[@Edward711000]

شكراً معالي الدكتور على المعلومات القيمة ولو سمحت لي اسأل معاليك لو في ١٢ قيراط ميراث في عقار بين أخ و٤ اخوات ، الاخ يملك ١٠ قيراط و٣ أسهم تقريباً والأربع اخوات يملكن ١قيراط و٢٠ سهم تقريبا وذلك بعقد مسجل في الشهر العقاري ، الجميع يملك في الأرض ولا واحد يملك في المباني ( الشقق) والعقاري ٥ شقق سكنية فكيف يتم تقسيم الشقق على الورثة في هذه الحالة

[@godyalshref9342]

لو تم رفع قضيه فرز وتجنيب علي ولدي واخواته وتم رفضها بعد انتداب الخبير لتعذر القسمه الكلام ده من ٩٤ وتم تاييد الرفض في الاستئناف وتم رفعها السنه دي بعد وفاه والدي وبعض الورثه هل تقبل الدعوي ام لا

[@أنجمالعودوالعطور]

لو سمحت...لو كان البيت غير مسجل واحنا ثلاث بنات وولد وامي مش عاوزه تعطيني حقي ولا تقسم البيت .. ورافضة تعطيني فلوس لان الشقق مؤجرة بإسمها وإسم واحدة من اخواتي... ايه الحل والاجراء القانوني

[@فاطمه-ز7ب5ط]

طيب ماهو الحل اذا بيت ورث قسم من الورثه مستفيدين من البيت لسكنهم به والوريث الاخر لايوجد عنده سكن ويسكن بالايجارات يعني هل تقبل المحكمه بضرر الناس طرف مستفيد وطرف متضرر اعتقد هذا شرع الله سبحانه وتعالى والغرض منه استفادة جميع الورثه من حقوقهم .

[@mostafahamada9534]

السلام عليكم انا وريث فى أرض و اشتريت نصيب الورثه حقهم على الشيوع بعقود بيع و اخد صحه توقيع و باقى من الورثه فرد لا يريد حل المشكله و الحيازه ب اسم الجد و هى الان واقفه فهل يمكن أن انتقل الحيازه بعقود البيع بالمساحه إلى اشتريتها على الشيوع و الحصول على مستلزمات الزراعه مع العلم الفرد رفع قضيه و القضيه اترفضت ولا يوجد محضر تقسم معايا عقود بيع من الورثه بحصتهم الجمعيه الزراعيه عايزه محضر تقسيم ولا تريد عقود البيع و عليها صحه التوقيع و الان لا امتلك حيازه لصرف المستلزمات الزراعيه و انا واضع يدى على الأرض باكثر من ٣٥ سنه

[@دكتورسيدبيوميفوده]

مشكلتك مع الجمعية الزراعية

[@moustafa.175]

انا ولدي متوفي وعندنا عمارة ١٠ شقق واحنا ٤ ولاد وبنتين وامي وعايزين نقسم الشقق بس اخواتي البنات عايزين يسجلوا في الشهر العقاري ايه الخطوات المفروض نعملها علشان نسجل في الشهر العقاري وشكرا

[@دكتورسيدبيوميفوده]

هتتفقوا مع محامى وتعطولوا الأوراق علشان يسجل عادى جدا، لأن الإجراءات كثيرة ومعقدة شوية

[@tahaamar3956]

السلام عليكم بالنسبه للتسجيل في محاكم بتشتغل في قضايا الفرز بدون ما يكون العقد مسجل

[@دكتورسيدبيوميفوده]

معتقدتش

[@tahaamar3956]

@@دكتورسيدبيوميفوده انا كان عندي قضايا كده

[@dodosalah6086]

لو الاب مات ومش معايا ورق الاراضى والبيوت ازاى احصل عليها ومش عارف الورق ده فين وعاوز حقى اثبت ازاى ان الاب بمتلك البيوت والأراضي

[@دكتورسيدبيوميفوده]

شوف الضرائب العقارية الجمعية الزراعية الشهر العقارى كدة

[@nadaelsayed965]

سلام عليكم لوسمحت ماهوعقوبه القانون في تجاهل احدى كتابه الورث في اعلام وصيه

[@دكتورسيدبيوميفوده]

مش فاهم قصدك تجاهل تسجيل اسم أحد الورثة؟؟

[@salaheldin1059]

عندي استفسار ممكن اتواصل مع حضرتك

[@osama6609]

استٱذن حضرتك انا والدتي ليها ميراث من عقار عل الشيوع هل ينفع يتم رفع دعوه ريع مقابل المده اللي احنا عرفنها متٱخر ولا لا وبيتم حساب الريع ازاي، الجزء الثاني اعلام الوراثه هل ينفع اطعن بالتزوير عليه بعد مدة من الزمن لو محضر الجلسه دشت هل هيتم معرفه التزوير من قبل القاضي ام لا وشكرا لحضرتك

[@دكتورسيدبيوميفوده]

أيوة من حقك تطالب بالريع عن تلك المدة وبترفع دعوى بابطال إعلام الوراثة

[@عزتعيد-م4ب]

السلام عليكم،، لو الام اشترت ارض واحد الأبناء بناها اربع أدوار ومعاه العقد بأسم الام لشراء الأرض، ،وبعد وفاة الام باقى الأخوات عايزين حقهم فى البيت كله وليس بالأرض فقط،، هل قانونا لهم حق بالبيت ام بالأرض، ، ملحوظة دخل الام مثبت فيه انه ضئيل ولا يكفى للبناء والعلاج وملحوظه أخرى كل الأبناء كانوا متزوجين أثناء بناء الأرض خلاف الشخص الذى بناها

[@علاءعلايه-ض4ز]

حيك الله سيدي القاضي بنيت دور في بيت والدى وتوفى والدى فقامو الورثه بدعوى القسمه الجبريه وبيع البيت وتقسيم ثمنه وانا متظرر من بيعه حيث ان نصيبي وماخسرت علا بنايه ومصروفات الوالد المؤارث للعقار في مستشفيات وادويه ومصروفات شخصيه ووو كبدتني خساير طايله فتره ٢٧عام فهل استطيع منعهم من بيعه وتقسيم الاايجار التابع للورثه في الدور الااول واكتفي بل دور الثاني الخلاصه اذا تم بيعه وتقسيمه وتثمين البيت لن استطيع بناء بيت اخر ماذا اعمل

[@theeloquentlawyer9461]

فى قضاه بيودوها خبير فى حالة عدم وجود عقد مسجل وفى المزاد ممكن احد الورثه يشترى

[@دكتورسيدبيوميفوده]

الخبير مش هيحل مشكلة الملكية، دى مسألة قانونية ليس للخبير دخل بها. وليس معنى ندب خبير قبول الدعوى.

[@ايهابشهاب-ت2غ]

لذلك وجب على كل أب و أم قبل ان يتوفوا ان يقوموا ببيع كل العقار الذي يمتلكونه والبقاليات ويقومون بعدها بتوزيع اثمانهم على شكل مال لكل وريث بالقسمة العادلة

[@دكتورسيدبيوميفوده]

الكلام ده عمليا لأن فيه أولاد جاحدين وغير بارين

[@samarabdelrahman7908]

من فضلك يامستشار انا والدي متوفي وامي واخواتي عايزين يبيعوا الشقة ال احنا ساكنين فيها كيد فيا وغصب عني وانا رافضة قالت لي ان المحكمة هتبيع غصبا عني ويرمو لي نصيبي في المحكمة هو الكلام ده صح حسبي الله ونعم الوكيل يارب فيهم

[@كريمعلى-ل8غ]

لو سمحت جدي اعطي شخص مربط في أرضه لواحد فقير يربط فيها النعجتين اللي عنده وبعد ٣٥سنه حفيد الراجل بيقول المربط دا نصف قيراط وانا عاوز اطلعه منه لانه ممعهوش ورق بملكيته اصلا فاعمل ايه

[@دكتورسيدبيوميفوده]

أعطاها له هبة، ولا على سبيل التسامح؟ لو هبة يفضل موجود علشان والدك ميكونش عليه ذنب أو وزر أمام الله ولو على سبيل التسامح ، ترفع عليه دعوى طرد

[@ahmed5132]

لو منزل قيمته ٥٠٠ الف محكمة كل مرة تنقص مافيش حد ادنى يعنى ع خامس جلسة مثلا هتنقص اى؟؟

[@دكتورسيدبيوميفوده]

للأسف مفيش قيد الأمر حسب تقدير المحكمة

[@mohamadalbohy3481]

هل نسبه المحكمه تكون في حدود ٥ او ٧٪ من ثمن البيع على الاكثر؟

[@دكتورسيدبيوميفوده]

يعنى إيه نسبة المحكمة؟

[@mohamadalbohy3481]

@@دكتورسيدبيوميفوده الفلوس الي بتاخدها المحكمه؟

[@mohamadalbohy3481]

هل بعد الحكم القضائي بالبيع يمكن الاستغناء عن المزاد ؟

[@feryoulaferyoula483]

نفس السؤال ياريت يجاوبنا

[@دكتورسيدبيوميفوده]

شوف أنا مش فاهم السؤال لكن عادة الخصم صاحب المصلحة بيجيب ما حد من طرفه يدخل كمشترى لو مش دى الإجابة قولى السؤال بطريقة واضحة

[@mohamadalbohy3481]

@@دكتورسيدبيوميفوده يا دكتور سيد بعد الموضوع مايخلص المحكمه مستفيده ايه مش اكيد هتاخد فلوس؟

[@worlddj1364]

انا دلوقتي في عقار مكون من ٣ شقق و في ٥ اخوات و في قضية فرز و تجنيب. و لكن انا ابن احد الاخوات و كلهم عملوا لابويا توكيل ببيعهم لحقهم في دور من ٣ الا اخت واحدة عملت توكيل لابويا و لكن لم يتم البيع به ليا. دلوقتي ابويا عملي بيع و شهره في الشهر العقاري ببيعه ليا لنصيبه هو و ال٣ اخوات في الدور دا و انا ساكن فيه من ٢٠١٦. هل ممكن يتم رفع دعوي اخلاء او طرد ليا باي شكل؟ في قضية فرز و تجنيب شغالة حاليا علي كامل ال٣ شقق..

[@دكتورسيدبيوميفوده]

لا أستطيع الافتاء فى قضايا متداولة، الأفضل ترجع لمحاميك لكى لا تتشتت

[@BadrBadr-ej3uy]

ما هو العقار الذي لا يقبل القسمة

[@دكتورسيدبيوميفوده]

يعنى كثير شقة مثلا على ٣ ورثة، طبيعي أنها لا تقبل القسمة عليهم

[@mahmoudelbrishy8468]

لو دعوى القسمة اقترنت بوضع اليد المكسب للملكيه ومفيش حكم ثبوت ملكيه ومفيش مستندات غير المكلفه ووصل الكهرباء وانا غير حائز للعقار هل نرفع دعوى ثبوت ملكيه الاول وبعدين قسمه

[@دكتورسيدبيوميفوده]

الأفضل طبعا

[@OmarAHMED-ih8rk]

طب لو عماره تلات شقق و الورثه اخوات ٢ صبيان و بنتين وكل واحد من الابناء الرجال له شقه و يوجد شقه واحده للبنتين هل تقبل القسمه لهم؟

[@دكتورسيدبيوميفوده]

الشقة غالبا مش هينفع تتقسم، تباع ويقسم ثمنها على البنتين

[@wafaasayed4820]

السلام عليكم يا سياده المستشار محكمه النقض ليها رأي تآني في قضيه الفرز والتجنيب إللي الت عن طريق الميراث لا يشترط عقد مسجل ولو سمحت هل في الريع بالنسبه الميراث هل ترفع ريع ولا كشف حساب عن بقيه حصه إللي واضع يده علي الميراث أرجو الرد للاهميه وجزاك الله خيرا لأن الجلسه أو الشهر وهل حكم قضائي بحصه ميراثيه وتحريات صحه واقعه مفيده في هذه الحاله

[@دكتورسيدبيوميفوده]

أيوة لا يشترط عقد مسجل بين الوارث ومورثه لكن يشترط عقد مسجل لملكية المورث نفسه

[@دكتورسيدبيوميفوده]

ريع لأن بقية حصة دى فى حقيقتها قسمة (يعنى فرز وتجنيب) والمحكمة هتكيفها على أنها قسمة

[@joseph959595]

​@@دكتورسيدبيوميفوده صدر حكم في دعوى قسمة وكان المورث ليس لديه عقد مسجل

[@جبريلمحمد-ث9ت]

اطلب من سيادة معاليكم مساعدتى فى حل مشكلتى انا واخى الاكبر المسن حيث توفى والدنا بعد ان كتب لنا عقار مكون من ثلاث طوابق مساحته 120 متر كتبه المرحوم والدنا لابناءه السته فى 2004 نظير مبلغ 45000 جنيه كتيه لست ابناء 3 ذكور و 3 ايناث فو جئنا بعد مرض والدنا وقرب الوفاه ان الاخ الاوسط يضع يده على الدور الثانى المقيم به والدنا وكذلك شقه بالدور الثالث رفعنا قضية فرز وتجنيب من 2019 دخلنا للخبير القضائى واخدنا اعاده لتصحيح الحدود ثم دخلنا مره ثانيه اعاده للخبير وكانت المفاجئه الكبرى كان تقرير الخبير ان العقار لا يمكن تقسيمه حتى لا يؤثر على المبنى والمفاجئه الثانيه ثمن العقار بثمن زهيد لا يصلح ان يكون ربع ثمنه والمفاجئه الثالثه ان اخينا قال ان البيع بالتساوى والرجل مثل الانثى وهذا لم يذكر فى بيع الشيوع ماذا نفعل وقد اقتربت الجلسه يوم 10/10/2022 بعد خروج تقرير الخبير فى جلسة المحكمه السابقه ساعدونى فى هذه الايام المباركه ساعدكم الله ... ولكم جزيل الشكر والاحترام ,,,,,,, وشكراً

[@دكتورسيدبيوميفوده]

اللى يقدر يفيدك أفضل منى المحامى اللى شغال فى القضية، هو الأخرى بتفاصيلها وظروفها

[@tamertito859]

طب لو أراضى زراعيه وخلانى ممتنعين تسليم ولدتى مطلوب اعمل ايه

[@دكتورسيدبيوميفوده]

شوف الجنحة عادة للأسف بتاخد براءة وبالتالى مفيش أمامك غير المطالبة بالريع حاليا، أو القسمة بس طبعا كلامى بشكل عام، دون دراسة التفاصيل والاطلاع على المستندات

[@fatenelsayed-q2j]

لوسمحت انا عايشه في بيت عيله ممكون من اربع ادور بقالي ٣٠ سنه اتابع بنسه ٦٣ ع المشاع والمشترى خد شقه ورافع قضية ع باقى الوراثة من ٦ سنوات عايز ايجار اوشقه وجاه الخبير وسأل ع ايجار ف منطقه ايجار جديد هل له حق ف ايجار او شقه وهل ممكن يطردنى م الشقة علم انا وريثه فالبيت بنسه ٤ قيراط وشكرا لحضرتك وجزاك الله خيرا

[@دكتورسيدبيوميفوده]

هياخد الريع (الايجار) لحين حصول القسمة والمحامي اللى شغال في القضية عارف ظروفها ويقدر يفيدك أكثر منى

[@fatenelsayed-q2j]

@@دكتورسيدبيوميفوده جزاك الله خيرا وشكرا لحضرتك بس انا مش معي محامى

[@شمسالاصيل-ي2ع]

اخويا استولي على ورق ملكيه ابويا الله يرحمه ماذا نفعل. ؟؟؟ حسبي الله ونعم الوكيل اريد حلا. ربنا يكرمك كيف نستطيع اخذ حقوقنا. ست سيدات في محنة نتيجة اخ عاق لامه وخان الامانة اكيد القانون المصرى يدعم المظلوم.

[@دكتورسيدبيوميفوده]

لازم حضرتك تروحى لمحامى ويعرف منك التفاصيل، وإيه طبيعة الأوراق دى، وهل يمكن استخراج صور منها أم لا

[@khaledsalah5256]

دعوى فرز وتجنيب ورفع جنحة عدم تسليم ميراث ولكن بعد استنفاذ كافة الحلول العرفيه

[@شمسالاصيل-ي2ع]

اخبرونا ان القضيه ترفض لعدم وجود عقود وتسجيلها ف شهر عقارى وطلبو مبالغ لانستطيع دفعها وانها قد تستغرق القضية سنين طويله في محاكم

[@شمسالاصيل-ي2ع]

@@khaledsalah5256 حلوله العرفيه اخذ اكتر من نصيبه رغمآ عنا

[@khaledsalah5256]

@@شمسالاصيل-ي2ع يعنى حضرتك عملتوه قسمه رضاءيه بينكم ازاى اتحكمله اكتر من حقه

[@سكويتوب]

سلام على استادنا المحترم لدينا سكن ارضي فيه 6 غرف كبيرة و نحن 5 اخوة،هل يمكن قسمة هدا السكن الارضي بيننا؟

[@دكتورسيدبيوميفوده]

وعليك السلام الأفضل تقسموا وديا بالتراضي وممكن حد ياخد فى الأرضي وحد ياخد حق العلو مثلا (السطح) وهكذا

[@سكويتوب]

@@دكتورسيدبيوميفوده اساتدنا عندنا اخ مستحود على كل الغرف الارضية الستة وفاتح فيها محلات و هو لا يريد التراضي هل هناك حل استادنا الفاضل؟

[@omkareem421]

​​@@سكويتوبعندى نفس المشكله اخواتى البنات مستحوذين على الواحهات بحجه ان ملهمش مكان وبيراعوا الوالده وطلبوا باقى الورثه ان يقيموا فى الخلف ...وطالبوا بتسجيل ان المكان يخصهم هما فقط ولا اعتراض من باقى الورثه واغلقواةالمكان علبهم ......المشكله مش فى المكان المشكله هما قرروا من نفسهم وخلاص .....ولا الرجوع لباقى الورثه ....وصوت عالى ومعاهم حجتهم ان الوالده مريضه.....الحميع لايعترض على وحودهم ....ولا يريد القسمه ....لاكن اعتراضهم ان اى واحد ينفرد بمكان ويصبخ امر واقع ومع الزمن يصبح ملكه بوضع اليد

[@eslamesso9703]

لو حضرتك المحكمة أجلت البيع لعدم وجود مشتري كم مره يمكن للمحكمة التأجيل بمعنى يوجد حد أقصي لعدد مرات التأجيل وتخفيض الثمن

[@دكتورسيدبيوميفوده]

للأسف مفيش حد أقصى أو قيد معين

[@FatehBendib-my1in]

العنوان في واد وكلامكن يا استاذ في واد سرقتم وقتنا

[@Mkld-1]

يقال انه لرفع دعوى فرز وتجنيب يجب اشهار الأرث أولا .. هل هذا صحيح

[@دكتورسيدبيوميفوده]

أيوة من الأفضل طبعا تعمل إشهار حق الإرث عقب الوفاة مباشرة

[@mohamednaguib168]

تقصد اعلام الوراثه

[@MM-qg5xh]

لو سمحت حضرتك, ماذا لو الورث عبارة عن مال و عقار, والمال كافي لنصيب الشخص الذي يريد الخروج من الشيوع لكن باقي الورثة رافضين اعطاءه نصيبه مال فقط ويريدون اعطاؤه جزء من العقار . هل يجوز ان تحكم له المحكمة باعطائه نصيبه من المال فقط ؟

[@دكتورسيدبيوميفوده]

يإما تتفقوا رضاء مع بعض، يإما المحكمة هى اللى تقسم

[@waffaelasser6247]

لو سمحت هل يتم بطلان القسمه لو مر علي عدم القسمه 33 عام ؟

[@دكتورسيدبيوميفوده]

شوف طالما بالتراضي مفيش مشكلة ولا بطلان ولا حاجة

[@user-wd4tz5rw3h]

السلام عليكم عقار وراثه قسم ساكنين فيه وقسم ما ساكنين فيه توفي الوريث الذي ساكن في البيت وله اولاد كبار واقاصرين كيف يباع العقار

[@noraarfaa7649]

ممكن رقم تلفونك ضرورى عندي مشكله كبيره فى ورث

[@دكتورسيدبيوميفوده]

٠١٠١٥٨٨٣٧٦١ ابعتى على الواتس

[@kamelmasoud868]

طيب يافندم لو في اطفال قصر من ضمن الورثة الحالة دي المحكمة بتعمل ايه

[@دكتورسيدبيوميفوده]

اللى بيمثلهم فى الدعوى أمام المحكمة الولى أو الوصى عليهم. ونصيبهم لو عينا بيسلم للولى أو الوصى. ولو نقدا بيودع فى حسابهم البنكى تحت إشراف نيابة الأسرة

[@ابومحمد-م2ع9ت]

اخي ممكن اسالك هل تجيبني

[@Sara_Salah117]

حضرتك انا محاميه ومش عارفه اتصرف ازاي ف القضيه دي والمفروض أن القضيه دي انا عايزه اضمن فيها حق ولدي .. انا هحكي لحضرتك الموضوع باختصار جدي كان عنده حته ارض وكان مشتريها وكان باني عليها بيت بعد كدا مات بعد الوفاه عماتي قالو لابويا احنا عايزين نهد البيت ونبنيه من اول وجديد وفعلا ولدي مشي ف إجراءات الترخيص واخد عقد ابتدائي ومسجل في الشهر العقاري والرخصه فيها دور ارضي وثلاث علوي بس ابويا معملش قسمه اتفاقيه بينه وبين اعمامي وعماتي طبعا هما سابعه اخوات ب ابويا بس كان في عم واخد نصيبو قبل مايهدوا البيت يعني مش محسوب .. ليا اتنين عمات اخدو الدور الارضي .. واحنا الدور الاول علوي .. وعم من اعمامي اخد الدور الثاني علوي فاضل اتنين .. بنت عمي اللي واخد الدور الثاني عايزه الدور الثالث علوي وبيعت عم من اعمامي اللي فاضلين بورق سوري كدا أنها اخدت الدور الثالث ف عمي اللي فاضل عايز ياخدوا وماخانقين ع الدور دا ومحدش فيهم عايز ياخد الرابع عشان هيدفعوا ترخيص لأن الرخصه مكتوب فيها دور ارضي وثلاث علوي تمام انا بقي كنت عايزه اعمل قسمه رضائيه بينا عمي اللي ماخانق مع بنت عمي الثاني رافض وفيه نزاع ومش راضيين يمضو دلوقت اعمل اي لو رفعت قضيه فرز هتكون عيني لأن كل واحد متحددلوا دور ناقص البنيان بس انا فكرت اعمل عقد تنازل رسمي من اعمامي لابويا لأن اللي احنا فيه دا حاله شيوع كلنا ف شقق بعض وانا عايزه اضمن حق ابويا ف قولت اعمل عقد تنازل منهم لابويا لأن البيت ليه عقد ابتدائي واروح اوثقه في الشهر العقاري هل دا كدا صحيح ام لا ارجوا الرد لان الموضوع دا بقالوا سنه ومش عارفه اعمل فيه اي ارجوا مكنش طولت ع حضرتك أو ازعجت حضرتك وشكرا ..

[@دكتورسيدبيوميفوده]

مفيش مشكلة لو هيعملوا عقد تنازل يبقي تمام

[@Sara_Salah117]

@@دكتورسيدبيوميفوده طب تمام اوي طب حضرتك في عم اللي هو مش عايز بنت عمي تاخد الدور دا ف السويس ورافض يعمل لاي حد توكيل بس كل اعمامي موافقين لازم يمضي برضو ولا لا

[@دكتورسيدبيوميفوده]

@@Sara_Salah117 طبعا لازم يمضى

[@Sara_Salah117]

@@دكتورسيدبيوميفوده منا مش عارفه اعملوا اي دا بس الاكيد حضرتك أن عقد التنازل دا صح

[@دكتورسيدبيوميفوده]

@@Sara_Salah117 صح بس لازم كل الأطراف تمضى عليه

[@bode3186]

رقم حضرتك لو سمحت

[@omarmonir3766]

لو سمحت ضروري ترد عليا ارجوك انا والدتي خدت قطعه ارض من ميراث ابوها المتوفي بالتراضي بينها وبين اخواتها شفاهيه بدون اوراق ع المشاع وبنيناها بيت ٣ادوار ومقيمين في البيت لاكثر من١٦سنه والمرافق باسم والدتي ووالدتي اتوفت وعايز ابيع اعمل ايه البيت ٨٠متر والورثه بيقولوا ان والدتي واخده اكتر من حقها ١٥متر رغم انهم باعوا حاجات كتير ع المشاع ومحدش قالهم حاجه اعمل اي عشان ابيع

[@عبدالرحمنببجي-س2غ]

المراس يسقط بعد كام سنه

[@دكتورسيدبيوميفوده]

٣٣ سنة

[@دكتورسيدبيوميفوده]

حاول تعمل معاهم تسوية وديا أفضل لأن لو دخلت القضاء هتاخد وقت طويل وهتصرف كثير

[@khalidaliraqi7799]

كم مصروفات الدعوي

[@دكتورسيدبيوميفوده]

حسب موضوعها وقيمتها

[@عادلالقزاز-ق6ط]

السلام عليكم الله وبركاته معالي المستشار المحترم مساء الخير يافندم لو معايا إقرار تنازل عن نصيب اخويا في الشقة التي يمتلكها والدنا وأخي أخذ كل حقه نقدا وعدا كما هو مذكور في الإقرار ومضي وبصم ع الإقرار ومعه اتنين شهود مضوا ولكنه موش عايز يخلي الشقة بعد الميعاد المحدد من قبلنا والشهود أنكروا أنهم شافوا اخي وهو بيستلم الفلوس لأنهم بينه وبينهم معاملات خارجية فهل لو اشتكي ببطلان الإقرار ممكن يبطله مع أن دي كلها امضتهم مع بصمة اخي وهو استلم الفلوس وبنى بها منزل آخر علما بأن والدي ع قيد الحياة وهذا كله تم بناءا ع رغبة والدنا وجزاكم الله خيرا عنا يارب العالمين

[@دكتورسيدبيوميفوده]

الإقرار سليم طالما توقيعه سليم

[@عادلالقزاز-ق6ط]

@@دكتورسيدبيوميفوده الله يبارك في عمرك وعُمر أحبابك يارب العالمين هل لو مضى أكثر من ١٠ سنوات ع الامضاء والبصمه ممكن يبطلوه بحجة أن الامضاء قديم مع أن الوالد لسه متوفي حديثا وان الطب الشرعي ( الخبير ) هيقول أن الامضاء والبصمه قديمة بالله عليك يامحترم دلني حتى لايضيع حقي وحق اولادي الصغار وجزاكم الله خيرا عنا يارب العالمين

[@دكتورسيدبيوميفوده]

الطب الشرعي بيضاهى التوقيع والبصمات من خلال مستندات مضاهاة رسمية زى قسيمة الزواج، استمارة البطاقة وهكذا

[@دكتورسيدبيوميفوده]

لكن لازم تروح لمحامي يشوف التنازل ويعرف منك التفاصيل

[@مامتمحمدومريم-ص4ظ]

لو جدي توفي وكتب لينا احنا واولاد خالتي نصف البيت والنص التاني العرف بينا انه يبقي لاولاد خالي وللعلم جدي كل اولاده توفوا قبل وفاته واولاد الخال رفضين يعملوا اعلام وراثة والعقد اخدين عليه صحة توقيع فقط وهمامقيمين بالمنزل هنقدر نعمل قضية قسمةوناخد حقنا

[@دكتورسيدبيوميفوده]

طبعا تقدروا

[@عمادلاشين-ث9م]

السلام عليكم بعد اذن سيادتكم معالي المستشار الغالي علينا انا والدي حي يرزق اطال الله في عمره وقال لنا انا واخوتي أن الحياة صعبه وكل واحد يخلص التاني في ( منزل والدي ) ( بناءا على رغبة والدي ) فانا أعطيت لاخويا حقه بموجب إقرار بالتنازل عن حقه في منزل والدي ومضى عليه وبصم وعليه اتنين شهود وأخذ حقه كاملا عدا ونقدا ومذكور كده في التنازل واتفقنا على مدة معينه يبني فيها منزله هو ولكن موش عايز يطلع من منزل والدي اللي هو اخد فيه حقه فلو اخويا ده جرى له حاجة كده حقي ضاع خصوصا أنه ليس عقد بل هى ورقة ليس عليها تاريخ مكتوبه ع الكمبيوتر مكتوب فيها ( تنازل عن حقي في منزل والدي ووصف المنزل ومساحته ) دلني بالله عليك ماالعمل لكي اضمن حق اولادي الصغار . ربنا يبارك فيك ويحفظك انت وجميع أحبابك يارب العالمين

[@دكتورسيدبيوميفوده]

شوف مفيش كلام عن ميراث طالما الوالد حى يرزق لازم الوضع ده يتم تصحيح من خلال والدك نفسه، تروح لمحامي يعملك عقد من والدك، يكون بصيغة واضحة ودقيقة

[@ahmedasmah7584]

لو سمحت حضرتك لو فعلا الخبير عمل تقدير وهو مبالغ فيه وغالبا هيبقى فيه استحالة للبيع حتى لو تم تخفيضه للمرة الثانية ... رسوم المحكمة سواء تم البيع أو لم يتم برضه هتقرر المحكمة رسوم أو الرسوم عند إتمام عملية البيع .شكرا لحضرتك

[@دكتورسيدبيوميفوده]

الرسوم القضائية يتم تقديرها عند إنتهاء الدعوى أيا كانت نتيجتها

[@ahmedasmah7584]

@@دكتورسيدبيوميفوده شكرا لحضرتك .... هل الرسوم تحسب على سعر البيع الى قرره الخبير بنسبة معينة أو على سعر البيع الفعلى

[@دكتورسيدبيوميفوده]

@@ahmedasmah7584 على السعر الذى تم به البيع فعلا

[@oommoomm1072]

@@دكتورسيدبيوميفوده لوسمحت يادكتور،منزل جدي ميراث منذ اكثر من عشرين سنة،واريد بيع حصتي فيه،ارجو نصيحةحضرتك،جزاكم الله خيرا

[@khalidaliraqi7799]

@@دكتورسيدبيوميفوده طيب بتبقي كام نسبة الرسوم بعد البيع

[@RafatAlbdry]

السلام عليكم ورحمه الله ممكن تسمحلي حضرتك ورقم تليفونك عندى قطعه ارض وعليه مشكل مع المجلس المحلي

[@دكتورسيدبيوميفوده]

وعليكم السلام ورحمة الله وبركاته ٠١٠١٥٨٨٣٧٦١ ابعتلى على الواتس

[@kerolesmagdy717]

حضرتك احنا ٦ اخوت فية ٤ رافعين ٢ علي ارض تركتها المورثة من ٢٠١٥ ورفعنا عليها بصورية المطلقة والمورثة كانت قاعدة معهم في معيشة واحدة وبعد ما ماتت المورثة طلع عقد اني هي بصمة وخاتمة علي العقد لانها مكنتش بتمضي رفعنا قضية الطعن بصورية المطلقة وواثبتنا بكل الطرق ان العقود صورية مطلقة وكمان الشهود اللي شهدين علي العقد المحكمة استعدهم وراحوا شهدوا والقاضي سالهم العقود فية فلوس قالوا لا احنا مشفناش فلوس وسألهم كام سوال تاني المهم الشهادة كانت في مصلحتنا وكمان كتبنا في المذكرة اللي قدمنها للقاضي انوا احد المرفوع ضدهم الطعن بصورية المطلقة هو من قام بتقديم الختم ودة دليل علي هو من قام بتسطير العقد وهو ايضا من قام بختمة وبصمها وهي نايمة لانها مرة كبيرة في السن ومن السهل تبصيمها وهي نايمة وأيضا جاءت تقرير الخبير ان مواصفات الختم متطابق للي علي العقد وإضافة اللي ذلك ان المورثة كبيرة في سن ماتت عن عمر ٨٨ عام وقت تحرير العقود كانت عندها ٨٥ سنة وكانت مصابة بلسكر وزهايمر وكانت قاعدة معاهم في معيشة واحدة والكلام دة اكد علية الشهود اللي شهدين علي العقد وكتبنا مذكرة بكل حاجة تثبت الصورية وكمان ان هي قاعدة مععهم من السهل انقيادها بسهولة وكمان عدم وجود اي مبالغ خاصة لها بلبنوك ودة دليل انها لا تقبض اي فلوس منهم وهموا قدموا مذكرة بتقول انهم طالبين الرفض بصورية المطلقة الثلاث أسباب وهي ١- ان أقوال الشهود مسرحية هزلية واعتقد دة سبب غير مقنع لان المحكمة هي من طالبت الشهود وهو كدة بيشكك في المحكمة ٢- عدم وجود شهادة الضد واعتقد ان شهادة الضد لاتأخذكم الا بين المتعاقدين وانا لست طرف في العقد وكمان العقود ظهرت بعد. وفاة المورثة ٣- اخر سبب عدم اشهار عريضة الدعوي طيب احنا رافعين القضية من ٢٠١٥ والمحكمة قبلة الدعوي ولا ترفضها وكمان قضايا الريع مش من القضايا اللي تطلب اشهار عريضة الدعوي هل هذة الأسباب ممكن تاخد بيها المحكمة رغم أقوال الشهود وممكن تحرمنا في الميراث واحنا رافعين بصورية مطلقة تدلسية قومها الغش والتدليس ملحوظة القضية علي ٤ فدان ارض طعنين علية بصورية المطلقة أرجو الرد ولك وفر التحية والتقدير

[@mohamednaguib168]

انت رافع دعوة فرز وتجنيب ولا دعوة اى

[@احمدرشاد-غ3ج]

طيب الحل ايه

[@دكتورسيدبيوميفوده]

أنا شخصيا أنصح الموكلين بالتسوية الودية. وإلا فلا بديل سوى رفع دعوى تثبيت ملكية إذا كان لها محل وتوافرت شروطها.

[@احمدرشاد-غ3ج]

@@دكتورسيدبيوميفوده هو حضرتك مكتبك فين

[@دكتورسيدبيوميفوده]

١١٦ أ شارع الهرم الرئيسي أمام فندق جوهرة الأهرام جيزة

[@khaledsalah5256]

@@دكتورسيدبيوميفوده بعد اذن حضرتك لو فيه شقه ورث باسم امى والورثه 3اولاد وبنت ازاى اخد حقى لو الورثه مش عايزين يبيعوه الشقه أو لم يقدر أحد منهم شراء حقى وإعطائه لى نقدى كيفية التسويه القانونيه

[@دكتورسيدبيوميفوده]

@@khaledsalah5256 كدة هتضطر ترفع دعوى قسمة، بعد التأكد من توافر شروط قبولها مع محاميك قبل رفعها

[@عادلالقزاز-ق6ط]

السلام عليكم ورحمه الله وبركاته بعد اذن سيادتكم سيادة المستشار المحترم انا أعطيت اخي حقه في منزل والدي ووالدنا مازال على قيد الحياة بناءاع رغبة والدنا وأخذت عليه إقرار بالتنازل فهل ممكن يطعن بالتزوير واذكر سيادتكم أن دي امضت وبصمة اخي ودي امضت الشهود فعلا واستلم الفلوس كاملة عدا ونقدا كماهو مذكور في اقرار التنازل وموش عايز يخلي الشقه مع أنه أخذ الفلوس وبنى بها منزل آخر ولكن الشهود كانوا من صفه هو وانكروا أنهم شاهدوا حاجة لانه بينه وبينهم معاملات أخرى ممكن في الحالة دي يكسب القضيه والاقرار يبقى باطل واذكر سيادتكم بأن والدي على قيد الحياة ربنا يعطيه الصحة وهذا الإقرار غير مفعل من أي جهة حكومية دلني بالله عليك ماالعمل حتى لايضيع حق اولادي الصغار وربنا مايرميك في ضيقة انت ولا حبايبك يارب العالمين

[@دكتورسيدبيوميفوده]

المحامى اللى شغال في القضية هو اللى يفيدك أكثر منى

[@ahmedelgendy6222]

ممكن رقم حضرتك

[@دكتورسيدبيوميفوده]

٠١٠١٥٨٨٣٧٦١ واتس فقط لو تكرمت وهارد عليك فى أقرب فرصة

[@ahmedshehta7551]

هل ممكن اعمل دعوي فرز وتجنيب للسجل العيني لان سالت حد قالي لو سجل عيني ماينفعش يتعمل دعوي فرز وتجنيب

[@دكتورسيدبيوميفوده]

مفيش ما يمنع

[@elhagalieldakhakhny6418]

لو سمحت لينا بيت مكون من أربع شقق ارضى و اول علوي كل دور على شقتين والمدخل في منتصف البيت علي الشيوع امتلك منه شقتين فوق بعض في ناحيه واحده من المنزل بأقرار بحق التمليك من المؤرث بدون حصه في الأرض وكمان شاري نصيب اتنين من الورثه من أرض وبناء بنفس العقار (ميراثهم) وفيه حاليا دعوه فرز وتجنيب وهنا السؤال هل الخبير ممكن يديني نصيبي في الميراث ونصيب اخواتي اللي اشتريت منهم تحت الشقق اللي انا امتلكها (في الأرض) ؟ كما يوجد مساحه فضاء امام المنزل بعمق ٣ متر بطول وجهت البيت فاكنت عاوز اعرف هل الخبير هيراعي ان الجزء الفاضي اللي قدام الشقتين يكون من ضمن نصيبي لان ده المنفس الوحيد الشقه؟وهل يحتسب مساحة الشوارع من ضمن الأرض؟ وما هيا الطريقه التي يتبعها الخبير في هذه الحاله في القسمه ؟

[@دكتورسيدبيوميفوده]

لو العقار ينفع يتقسم بحسب طبيعته الخبير بيقترح خطة للقسمة، وهنا بيراعى كل الاعتبارات بحيث تكون التقسيمة عادلة. لو مينفعش بيتباع ويتقسم ثمنه

[@kamelmasoud868]

السلام عليكم يادكتور لوسمحت انا خالتي توفي زوجها وترك بنتين قاصر وترك اخ واختين وزوجها وأخوه يعيشان في منزل واحد عقار دورين علوي ودور ارضى ماذا تفعل لتضمن حقها وحق بناتها

[@دكتورسيدبيوميفوده]

يعملوا قسمة اتفاقية علشان كل حاجة تبقي واضحة ومحددة

[@moemenjribi5780]

@@دكتورسيدبيوميفوده ر طجج

[@اسكندراني-ج5ز]

استاذ لو في أرض عليها بيت ورث و العقد الأصلي اللي اشتري بيه الاب الأرض والبيت موجود وفي واحد من الأخوات مستولى على البيت و بيقول دي مشاع مفيش عقد علشان يستولي هو عليها هل ده يجوز مع العلم ان الورثه الباقين معاهم صور رسميه من العقد الأساسي بتاع الأرض والبيت

[@دكتورسيدبيوميفوده]

حضرتك بتقول باقي الورثة معاهم صور رسمية من عقود الملكية. إيه المشكلة بأه؟ ما يقول زى ما يقول.

[@اسكندراني-ج5ز]

@@دكتورسيدبيوميفوده الف شكر

[@دكتورسيدبيوميفوده]

@@اسكندراني-ج5ز عفوا

[@walidallam5042]

حضرتك أنا ولدتي توفت وتركت عقار مكون من ثلاث طوابق وأنا أسكن الطابق الثالث منذ زواجي سنه 2001 ومعي اختان واحده منهم توفت قبل وفاة الأم بعامين ولديها ثلاث أطفال وتم ذكرهم في إعلام الورث والأخت الموجوده على قيد الحياة رفعت دعوه فرز وتجنيب فما هو الموقف القانوني الخاص بي من حيث القسمه أو البيع علما بأن عداد الكهرباء والغاز بأسمي لهذا الطابق

[@دكتورسيدبيوميفوده]

صعب أقول رأيي لازم تروح لمحام وتقعد معاه تطلعه على الأوراق ويعرف منك شوية تفاصيل

[@khalidaliraqi7799]

يافندم عم اولاد اختي طرد ولاد اخوه من البيت وله ربع البيت فقط وولاد اخوه لهم ال٣ تربع البيت رفعوا دعوي ريع ولها ٣ سنوات ورفعو جنحه عدم تسليم ميراث اتحكم فيها ب١٠٠ الف واستانف ورفع دعوي فرز وتجنيب واولاد اختي مايقدرو علي مصاريف الفرز والتجنيب هل الفرز والتجنيب يلغي حق ولاد اختي في دعوي منع الميراث وايه يقصد عمهم من هذه الدعوي وهوا اللي مستولي عالبيت وقلنا انه خلاص هايحل بعد حكم ال ١٠٠ الف لا طلع لنا في مصيبه جديده سنين وسنين بالمحاكمايه راي حضرتك نعمل ايه

[@دكتورسيدبيوميفوده]

معلش المسألة صعبة شوية للأسف ومحتاجة محامى خبرته كبيرة وواضح أن هدفه من الفرز والتجنيب التخلص من الجنحة ربنا يكون فى عونهم ويرجعلهم حقهم بإذن الله

[@khalidaliraqi7799]

طيب ايه الحل لو خد براءه في جنحة منع الميراث وكيف اليتامي يوصلو لحقهم ابوهم سايب لهم بيت ب٥ ميليون ومش طايلين حاجه ان حد عطف عليهم ياكلو ولو مفيش يجوعوا هل دا يرضي ربنا وليه القانون عقيم مش بيرجع الحقوق

[@mohamedabdullah1821]

بعد اذنك أنا زوجي توفي ومعايا طفل صغير وحماتي عاوزه تبيع شقه الزوجيه علشان تاخد نصيبها بسعر السوق.. لعدم مقدرتي علي الشراء بالسعر إلي هي طلباه ،أنا معنديش مكان تآني للسكن أتصرف إزاي ؟! هل المجلس ااحسبي هيوافق علي البيع ؟! هل المحكمه فعلا ممكن توافق بالبيع مع اعتبار وجود قاصر من ضمن الورثه ؟

[@دكتورسيدبيوميفوده]

الحقيقة المجلس الحسبى مالوش دعوة وميقدرش يمنع البيع، كل اللى يهم المجلس الحسبي أن يكون الثمن هو سعر السوق فحاولى تحلى معاها ودى

[@mohamedabdullah1821]

@@دكتورسيدبيوميفوده والحكمه لو الجده رفعت فرز وتجنيب؟؟؟

[@amrohassan8681]

من فضل حضرتك أولاد خالتي مسيطرين علي عقار بحصة 17 قيراط و والدتى الله يرحمها لها 4 قيراط حصتها و لنا خالة علي قيد الحياة لها 3 قيراط فد دول الورثة الحاليين للعقار واولاد خالتي دول منهم واحد يسكن بشقة بالعقارو كانوا بيدفعوا لوالدتى ايجار هزيل جدا جدا و و كانت والدتى بتعمل ايصال لواحد منهم يسكن شقة بالعقار و الان هما ممتنعين عن دفع الايجار من سنتين و البيت ده اصلا مورث من جدتى لوالدتى الى خالاتى و والدتى و الان من يمتلك بالفعل فيه احنا من والدتى الله يرحمها بعدد 4 قيراط كما ذكرت و خالتى 3 قيراط و اولاد خالتى المتوفية 17 قيراط و هما ممتنعين عن سداد الاجرة و الان الاجرة المفروض كانت تزيد من سنين فاتت لانهم بياجروا ايجار جديد و بيملكوا شقق و مسيطرين علي البيت كمان و مش عاوزين يعطوا لنا نصيبنا في ريع العقار بما يرضي الله فايه الحل معاهم و اي دعوة نرفعها ؟؟؟؟؟؟؟؟؟؟؟؟؟؟؟؟؟؟؟؟؟؟؟؟ البيت علي المشاع للعلم حضرتك و حصة والدتي 4 قيراط علي الشيوع مع جزيل الشكر لحضرتك معالي المسشار

[@دكتورسيدبيوميفوده]

الوضع يختلف هل عقد إيجار جديد أم قديم، وعلى حسب ده تقدر تحدد موقفك، يإما تطالب بالايجار أو بالريع لازم تروح لمحامي يطلع على عقد الايجار، علشان تقدر تحدد موقفك

[@kerolesmagdy717]

حضرتك احنا ٦ اخوت فية ٤ رافعين ٢ علي ارض تركتها المورثة من ٢٠١٥ ورفعنا عليها بصورية المطلقة والمورثة كانت قاعدة معهم في معيشة واحدة وبعد ما ماتت المورثة طلع عقد اني هي بصمة وخاتمة علي العقد لانها مكنتش بتمضي رفعنا قضية الطعن بصورية المطلقة وواثبتنا بكل الطرق ان العقود صورية مطلقة وكمان الشهود اللي شهدين علي العقد المحكمة استعدهم وراحوا شهدوا والقاضي سالهم العقود فية فلوس قالوا لا احنا مشفناش فلوس وسألهم كام سوال تاني المهم الشهادة كانت في مصلحتنا وكمان كتبنا في المذكرة اللي قدمنها للقاضي انوا احد المرفوع ضدهم الطعن بصورية المطلقة هو من قام بتقديم الختم ودة دليل علي هو من قام بتسطير العقد وهو ايضا من قام بختمة وبصمها وهي نايمة لانها مرة كبيرة في السن ومن السهل تبصيمها وهي نايمة وأيضا جاءت تقرير الخبير ان مواصفات الختم متطابق للي علي العقد وإضافة اللي ذلك ان المورثة كبيرة في سن ماتت عن عمر ٨٨ عام وقت تحرير العقود كانت عندها ٨٥ سنة وكانت مصابة بلسكر وزهايمر وكانت قاعدة معاهم في معيشة واحدة والكلام دة اكد علية الشهود اللي شهدين علي العقد وكتبنا مذكرة بكل حاجة تثبت الصورية وكمان ان هي قاعدة مععهم من السهل انقيادها بسهولة وكمان عدم وجود اي مبالغ خاصة لها بلبنوك ودة دليل انها لا تقبض اي فلوس منهم وهموا قدموا مذكرة بتقول انهم طالبين الرفض بصورية المطلقة الثلاث أسباب وهي ١- ان أقوال الشهود مسرحية هزلية واعتقد دة سبب غير مقنع لان المحكمة هي من طالبت الشهود وهو كدة بيشكك في المحكمة ٢- عدم وجود شهادة الضد واعتقد ان شهادة الضد لاتأخذكم الا بين المتعاقدين وانا لست طرف في العقد وكمان العقود ظهرت بعد. وفاة المورثة ٣- اخر سبب عدم اشهار عريضة الدعوي طيب احنا رافعين القضية من ٢٠١٥ والمحكمة قبلة الدعوي ولا ترفضها وكمان قضايا الريع مش من القضايا اللي تطلب اشهار عريضة الدعوي هل هذة الأسباب ممكن تاخد بيها المحكمة رغم أقوال الشهود وممكن تحرمنا في الميراث واحنا رافعين بصورية مطلقة تدلسية قومها الغش والتدليس ملحوظة القضية علي ٤ فدان ارض طعنين علية بصورية المطلقة أرجو الرد ولك وفر التحية والتقدير

[@دكتورسيدبيوميفوده]

الحقيقة صعب مناقشة الموضوع بهذه الطريقة خاصة وجود قضية متداولة يلزم عرض الأمر على محام والمناقشة معه فى كل التفاصيل واطلاعه على كافة المستندات المتعلقة بالموضوع

[@kerolesmagdy717]

@@دكتورسيدبيوميفوده هل قضايا الريع يلزم اشهار عريضة الدعوي بسجل العيني