Рет қаралды 85,419
#solocamping #diyaluma #waterfall #solohiker
හුදෙකලාවක ඇති නිදහස සුවය රිසි සේ විඳගැනීමට හැකිවූ ලංකාවේ දෙවෙනි උසම දියඇල්ල මුදුනේ තනිව ගත කර කඳවුරු රාත්රිය ⛺🏞️🌧️
ඉර අවරට බැස යෑමට හෝරාවකට පමණ කලියෙන් සුන්දර දියලුම මුදුන සොයා ගමන් ඇරඹීමට ගමන පටන් ගත් මා කෙමෙන් කෙමෙන් තරමක් එළිමහන් මාර්ගයකින් ඇතුල් වී පාර සොයාගෙන දියලුම වෙත ලඟා වෙත්ම සවස 5 ට පමණ විය,
මිනිසුන්ගෙන් කලාතුරකින් හුදෙකලා වන දියලුම මුදුන මාව පිළිගැනීමට මෙන් හුදෙකලාවෙන් රැකී තිබීමම මට සතුටට කරුණක් විය, මා සෙවූ නිදහස අද මේ දිය මනාලි මත වීම එයට හේතුවක් විය,
සැන්දෑ යාමයේ කුරුල්ලන්ගේ කලබලකාරී හඬත් සමඟ හිරු අවරට යන්නට පෙර හනිකට කඳවුරු බිම සකස් කර මා වනයේ දැවැන්තයාගෙන් ආරක්ෂා වීමට ගිණිමැළයක්ද සකසා සීතල දියෙන් පැන් පහසු වී තරමක් විවේකීව සිටි අතර රාත්රී වත්ම රාත්රී ආහාර පිළියෙල කරනවාත් සමඟම වටින් පිටින් රැයට ක්රියාත්මක වන සතුන්ගේ හඬ එකින් එක මතුවත්ම, ඒ නාදයට දොළ පහරේ නාදය එකතු වී මා සිටින්නේ දෙව්ලොවක බව මට දැනෙන්නට විය .
කෙසේ විස්තර කරන්නද රාත්රී අහස දෙස කූඩාරම් බිමෙන් එළියට විත් මා විඳි නිදහස, නිදහසේ පහලට කඩා හැළෙන සුන්දර දිය කොමළියගේ පහසින් ගත මෙන්ම සිතද සීතල වන්නට විය, වටින් පිටින් ඇසෙන සතෙකුගේ හඬක් වන්නට මේ දියලුම මුදුනටම අද මා පමණි,
රාත්රිය එසේ අවසන් වත්ම උදෑසන තවත් සුන්දර වූයේ මහ වැස්සක හඬත් සමඟ මා අවදි වූ නිසාය, බලාපොරොත්තු නොවූ මහ වැස්සක් මා පිළිගැනීමට මෙන් දියලුම මුදුනට කඩාවැටුණු අතර මෙය මා බලාපොරොත්තුවෙන්ම සිටි මොහොතකි,
දිය බිඳු කූඩාරටම වැටෙත්ම ඇසෙන නාදයෙන් ඇඟම කිළිපොලා යන අතර එය මාගේ ප්රියතම නාදයකි, මහ වැස්සේම වට පිටේ සුන්දරත්වය විඳ ගත් මා උදෑසන ආහාරට සැකැසීමට සූදානම් වූ අතර ඉතිරි වී තිබුනේ බිත්තරයක් පමණි , සමපෝෂ තිබූ අතර සීනී ගෙන ඒමට අමතකව තිබුනි 🥲 .
තියෙන දේ පුළුවන් විදියට සකසා කිරි තේකක් සමඟින් සප්පායම් වූ මා වැස්ස පහව ගොස් මොහොතකට පසු විපරම් කළ විට දක්නට ලැබුනේ මහා හස්තිරාජයෙකු උදෑසන ආහාරය ගනිමින් සිටින දසුනක් ය,
සුන්දර දියලුම මගැර මාගේ මීලඟ ගමනාන්තය සඳහා මා යා යුතු අතර මාගේ සිත මෙහි නතර වී ඇත, සිත මෙහි තබා ගෙන ආ සියල්ල සමඟ මා නැවත ගමන් ඇරඹූ අතර ඒ මොහොතේම නැවතත් මහ වැස්සක් කඩාහැලුනි,
හුදෙකලා කඳවුරු රාත්රියක හොඳම රාත්රිය මෙය වන්නට තවත් සැක නොමැත, කීමට බොහෝ දේ ඇත සියල්ල පැවසීමට නොහැකිය තවත් දිනෙක සොඳුරු ඉසව්වකින් ඔබව හමුවෙනකන් සියළුම දෙනාට ජය මම Solo Hiker 🙏❤🍃