ازاي تخلي النرجسي يبقى مطيع ؟ "قاعدة ذهبية لكل زوجة نرجسي"

Touch by Mattia Cupelli https: / touch-download-and-roy...
Facebook: https: / mattiacupellicomposer
Official site: www.mattiacupelli.com/
Twitter: / mattia_cupelli
Music promoted by Royalty Free Music Library: • Royalty Free Music ♫ |...
Song: "Sappheiros - Falling (Ft. eSoreni) [Chill]" is under a Creative Commons license (CC-BY)
Music promoted by BreakingCopyright: bit.ly/Sappheiros-Falling
Song: Sappheiros - Dawn (Vlog No Copyright Music)
Music promoted by Vlog No Copyright Music.
Video Link: • Video
قاعدة دهبية لكل زوجة نرجسي ، كل مابعدتي كل ماهو جري وراكي لكن بذكاد مش تجاهل تام ، العبي معاه زي ماتلاعبي طفل استغماية ،الطفل لو استخبيتي عنه فترة طويلة حيخاف ويبدأ يعيط ويقلب اللعبة نكد لكن لو كل شوية تسمعيه صوتك او تخرجي له من المخبأ فيشوفك فيتطمن ويكمل لعب ،
هو ينفع الطفل الأقل من ٨او٩ سنوات انه يكون مطيع؟ طبعا طيب والاقل من ٦ سنوات ؟ ممكن بس بنسبة اقل طيب واللي اقل من اربع و٣ سنوات بيكون اصعب . ودة حال النرجسيين زي الأطفال بالظبط بعضهم ممكن يكون مطيع جدا وبعضهم اقل طاعة وبعضهم مفيش امل انه يكون مطيع
النرجسي نفسيا طفل بس شرير يعني واخد كل الصفات السلبية الليفي الطفل متمسك بتزواته وبيكذب ومايعرفش يعني وعد ولا عهد واذا خاصمك بينفجر في الصريخ والعياط واذا قلتي له سر حيروح يقوله وممكن يذلك بيه لانه مش فاهم يعني ايه سر دة الطفل اللي مش فاهم لكن النرجسي فاهم لكن حابب يكون كدة ،المهم ان النرجسيين مختلفين في السهولة والصعوبة في ترويضهم والسيطرة عليهم اعتقد على حسب هو نموهالنفسي وقف عند أي عمر والله اعلم
انتي جربي الخطوات وشوفي الاستجابة بنفسك وطبعا عارفين انك لازم تكوني تعافيتي من الإدمان قبل أي تعامل معاه
اول حاجة ودي بتكون نتيجة طبيعية للتشافي وهي الصمت التام ودة معظمكم بيعمله او بيتفرض عليه او انك بعد الصدمة بتكوني أصلا في حالة صمت الذهول لكن مش دة الصمت المطلوب الصمت الصح اللي تعمليه مع النرجسي هو الصمت عن اخبارك اللي قلنا في فيديو الاختفاء عن النرجسي (عايزة تعملي صدمة عنيفة للنرجسي؟) اسمعي الفيديو دة كويس ونفذيه حيكون دة الخطوة الأولى في اخضاع النرجسي وانا في الفيديو دة قايلة لك رد فعل النرجسي ودلوقتي حقول لك حتستفيدي ازاي من رد الفعل دة هو حتلاقيه سرحان وملهي عنك شوية لانه بيحاول يستوعب التغيير وبيحاول يفهم فيه ايه وبيخطط لك وبيشوف حيختار انهي طريقة الهوفرينج ولا المعارك فانتي فورا تبادري بتغيير المود اللي وريتيهوله وترجعي فجأة من الانسحاب اللي انتي عاملاه بس بذكاء يعني ايه يعني تبدأي تحكي حاجات مش مهمة او مايفرقش معاكي انه يعرفها او مايعرفهاش يعني مش حيستفيد هو منها أصلا ولو حيستفيد فايدة ضئيلة ماشي المهم انك ترجعي من الانسحاب وتبيني انك عادية جدا ورجعتي لطبيعتك الطيعة اللي كنتيها قبل كدة وتوهميه انك طبيعية ولا كأن حاجة كانت حاصلة ودة حيربكه في الأول وحيخليه يحتار ويفكر اكتر لكن لو طولتي شوية حيرتاح بس حيكون متحسب وحيحاول يعدل سلوكه شوية عشان ماترجعيش للاختفاء تاني ،ولما يرتاح انك رجعتي حيرجع يتعوج تاني وانتيب تحسي بدة من قبلها بتلاقي وشه بدأ يتقلب او نظراته بقت مش طبيعية المهم انتيب تحسي ان نذير الشؤم مقرب كدة تروحي منفذة الاختفاء تاني ودايما تخلي تصرفاتك فجائية لان النرجسي بيكره المفاجئات وبيخاف ويرتبك منها جدا ،
تاني خطوة انك تخلقي لنفسك ملاذ امن والملاذ الامن دة مش مكان ولا شخص وبس الملاذ الامن دة مجموعة حاجات مع بعض أولها يكون عندك مجموعة دعم تسمعك وتساعدك وتقدر توفر الإحساس بالأمان لما تحسي بالخوف من هجر النرجسي ودة حيزود شجاعتك وقوتك ، تاني حاجة يكون عندك مكان خاص بيكي بعيد عن النرجسي أي مكان ولو إمكانات شقتة بسيطة وضيقة خلي مكانك دة في المطبخ لان دة اقل مكان بيحبه النرجسي غالبا المهم يكون عندك مكان تلجأي له لما تحسي بالتوتر والقلق وتقعدي فيه تذكري ربنا ولو عندك صالون مقفول يبقى هو دة مكانك وتفرشي فيه مصليتك ويكون دة ملاذك الامن فعلا، ثالث حااجة لازم يكون لكي وقت خاص بيكي تعملي فيه حاجة او ماتعمليش حاجة وقت تحسي فيه بالحرية انك حرة والوقت دة غالبا يكون النرجسي نايم او برة البيت واحرصي ان الوقت دة يكون قبل الفجر بنص ساعة وبعد الفجر بنص ساعة ،رابع حاجة الرياضة والحركة السريعة اللي بتخرج طاقة الغضب ،خامس حاجة واهم حاجة علاقتك بنفسك انتي اآمن حد على نفسك بعد ربنا خليكي محاور جيد لنفسك باحترام وحب وتقدير مش بناتقاد ولوم وجلد ،وسادس حاجة بقى ودي مفروض تبدأيها من اول يوم تكتشفي انه نرجسي هي انك تعملي لنفسك مصدر دخل وعلى فكرة حالات كتير جدا عملت دة ونجحت فيه والحمد لله
الملاذ الامن دة بيخلي النرجسي مش فاهم انتي بتعملي ايه بيشوف فيكي شوية غموض ودة بيخليه يقرب وعايز يفهم وفي نفس الوقت بيعمل له اثارة وتحدي فيبدأ يقرب ويهوفر ويحاول يراضي عشان يدخل تاني جوة عالمك فاوعي دة يحصل ،في نفس الوقت الملاذ الامن بيخليكي تحسي بقيمة نفسك ودة اللي حيخليكي توقفي النرجسي وتحافظي على حدودك وتباني قوية للنرجسي
تالت حاجة بقى ودي مهمة للغاية حاجة اسمها الدفع المسبق يعني ايه يعني العلاقة مع النرجسي بقت علاقة مصلحة شوفو الفيديو دة موجود ع القناة ، اسمه(ضحية النرجسي وكره العلاقة الحميمة) الفيديو بيشرح ازاي العلاقة مع النرجسي لازم ترتكز على المصلحة بالحق وهات وخد ومفيش خد وبس لازم تدي طالما حتاخد ولكن بشرط ان النرجسي لو اخد الأول مش حيدي فانتي بقى تشغلي معاه خاصية الدفع المسبق ،ادفع الأول وبعدين خد والكلام دة مشروح بالتفصيل في الفيديو ،
صدقيني لو اتوفرت فيكي الثلاث حاجات دي حتلاقيه بقى مطيع وهادي ودة حصل مع حالات كتير لكن طبعا لازم

[@2eagles]

يعني طول الوقت هو بغباؤه وقذارته وكل سيئاته عايش حياته على حساب اعصابنا وحياتنا وعمرنا اللي بيفوت واحنا نفضل نفكر ازاي نتعامل وازاي نتكلم ولو اتكلمنا نقول ايه ومشاعرنا المكبوتة واحساسنا المقتول لمجرد اننا إبتُلينا باشباه الرجال

[@AMR_GAMES222]

النرجسي عاوز واحده لقيمه وخبيثه زيه بس للأسف هو مش بيتزوج غير الطيبه اللي على نياتها ربنا لا تحملنا ما لا طاقه لنا به واعف عنا

[@omanas2526]

عآآجل انطلقت سـفينة الصلاة على النبي محمدﷺ فاركب معنا ولا تكن من الغافلين

[@user-ow5rp5pn8z]

اقسم بالله البعد عن الشخصيه دي غنيمه .. دمر اعصابي .كرهني بنفسي.. بعدني عن ربي ... حسبنا الله ونعمه الوكيل انا لله وانا اليه راجعون اللهم أجرنا في مصيبتنا واخلفنا خيرا منها يارب

[@hawawiamel2945]

بلاها الزواج... اذا لم يكن الزوج هو الأمان و السند و الرحمة

[@user-ik1br1rj6p]

عايزه زوجك النرجسى يكون زى الخاتم فاصباعك زى ما قالت الدكتورة ألجأ لربنا وداومى على الدعاء ده يارب يا من سخرت البحر لموسى سخر لى زوجى والله المدومه على الدعاء ده فرق معايا فى حياتى

[@nagwanagwa9381]

أجمل حاجة إن القرب من الله و كثرة الدعاء تزيح الأحزان ، الرياضة و الإعتماد ع الذات مهم جدا ...

[@user-tz3jp1ji7k]

ربنا يعوض كل واحدة عن أي وجع عاشت فيه ، عن كل مره عيطت واستنجدت بربنا وهي قافله بابها من غير ما حد يحس بيها ، عن كل ابتسامه وراها ألم وصرخة وجع ، عن كل حلم ضاع قدام عنيها ومعرفتش تعمل حاجه ، عن كل كسرة نفس ووجع قلب وخيانة وغدر من أقرب الناس ليها ، ربنا يعوضنا جميعاً🤲.🤲😭😭😭

[@AyaAhmed-pp3ni]

طب ماهو النرجسي عادة بياخد فلوس زوجته لما تشتغل

[@eslamgr4016]

اشكرك يا دكتورة على هذا الفيديو الجميل وعايزة اقول لكل زوجة زوجها نرجسى بعد تجربتى مع الزوج النرجسى ٢٠ سنة النتيجة هى ان النرجسى عمره ما يتغير لكن انتى اللى لازم تتغيرى ولما بتتغيرى بتعرفى تتعاملى معاه لان فى الحقيقة الشخص النرجسى ضعيف جدا من جواه والحقيقة الأكبر انه بيخاف جدا انه يفقد الضحية اللى معاه ولما بتتغيرى ساعتها بتشعرى انك انت الاقوى فتمشى الحياه وتعالوا اقولكم تعملوا ايه بالظبط " نمرة واحد لما يحاول يستفزك على اى حاجة لازم يلاقى قدامه لوح تلج افصلى ما بين مشاعرك وبين الكلام السلبى اللى بيقوله " يعنى لا غضب ولا عصبيه ولا بكاء ولا تنطيط ولا صراخ وكلام من ده والستات فاهمنى كويس " نمرة ٢ لما يعمل صمت عقابى اوعى تروحي ليه علشان تصالحيه بطلوا تعملو ا كدا اتركيه فى صمته وعيشى حياتك خلصي شغل البيت اخرجى انتى والاولاد ومتغضبيش على الاكل لو هو غضب وساب الاكل كلى انتى وولادك لانه راجل وفلوسه فى جيبه وهايطلع ياكل برة البيت ويسيبك حزينه وجعانة لان اصلا زعلك مش بيفرق معاه فى حاجة وكمان لو زعلتى انتى كمان العيال هايتنكدوا ومش هايكلوا " نمرة ٣ ودى عايزة زكاء شويه لازم يشوفك مبسوطة بس مش بالشكل الاوفر لدرجة انه يشتمك مثلا فتضحكى ساعتها هايمسكها عليكى غلطة ويقول ان عقلك مش تمام ومحتاجة كشف لكن لو شتمك مثلا تقولي له بجد هو ده رايك فيا تصدق ماكنتش اعرف وتنهى الحوار " نمرة ٤ قبل ماتطلبى منه حاجة لازم تكونى متوقعة رفضه فيكون عندك يا اما حل بديل او عندك تقبل من البداية للرفض وهاشرح ده ازاى يعنى مثلا عايزة تروحى عند اهلك بعد اسبوع تيجى تعرفيه انك عندك قلق على امك او والدك ونفسك تروحى تشوفيهم بكرة طبعا هايرفض ويقولك اسباب ان مثلا مش فاضيين او انتى تعبانه مش حمل المشوار او انتى لسه كنتى عندهم قريب المهم انه يرفض علشان يضايقك لكن بعد كدا هيوافق لوحده علشان يحصل على الوقود الايجابى منك المهم هنا بقى فى لحظة الرفض ما تنفعليش وتغضبى وتعمليها مشكلة

[@user-ey6dm5ut4p]

على فكرة الشغل مش بس بيحسسك انك مش محتاجة للنرحسي ماديا وبس كمان مش محتجاله نفسيا لانك بتتعامل مع ناس تانية وبتقابل شخصيات جديدة وبيساعد كمان على التعافى من النرجسي

[@tiktoklives._.3962]

فعلا هو بيكره المطبخ وسيرة الاكل بتعصبه والقرب من الله بيحرقه كأنه شيطان رجيم بينام بعمق وبيصحي فايق يتسلي علي الضحية ينكد عليها وفي الاخر يتهمها انها هي مصدر نكده وحرق دمه

[@adamnounou1418]

النرجسي واحد حقير لكن والله ربي عوضني ومعايا لاني بحق متوكلة عليه ودائما ادعي وقول ياربي انت وليي مالي غيرك يارب

[@maliamalia5069]

الزواج بالرجل النرجسيي اصعب واوجع حاجة حصلتلي في حياتي ، دمرني، مرضني، حسبي الله ونعم الوكيل فيه.

[@shereen6937]

دا ظلم اللى بيحصل و حرب صامتة حرب فظيعة مين يتحمل يعيش كدا . يارب ارحمنى برحمتك

[@salwamohamed2464]

ياريت ندعوا جميعا لبعض ولكل المستضعفين انا دايما بدعي لنفسي ولكل ضحيه في مكاني اللهم استجب سبحانه نعم المولي ونعم النصير

[@jawhrasassi8947]

انا من كثرت التوتر في يوم قلبت طاولة وأخذت سكينة لاضرب بها نفسي انا في الستين من عمري أصبحت مريضة نفسيا وايضا بالدم ارجوكم ادعولي ربي يقويني

[@user-wj9zs2gd8l]

ست كوثر بحسك امي انا يتيمة ولما بسمعك ارتاح نفسياً ربي يحفظك

[@monaabdelhakeim7785]

انا اول مرة اشوف بعد 30سنة جواز وانا فاهمة اني مش زوجة صالحة ومش عارفة ارضي ربنا في زوجي

[@user-en4mo9ed5p]

أقسم بالله بكيت عندما قلت زي ماكنت مموتانفسك بمحاولة إرضاء العبد السيئ ضاع العمر سبهللا معاهم ربي يعوض يارب