Рет қаралды 5,749
ಎನ್ನ ಬಿನ್ನಪ ಕೇಳೊ ಧನ್ವಂತ್ರಿ ದಯಮಾಡೋ ।
ಸಣ್ಣವನು ಇವ ಕೇವಲಾ ॥ ಪ ॥
ಬನ್ನ ಬಡಿಸುವ ರೋಗವನ್ನು ಮೋಚನೆ ಮಾಡಿ ।
ಚೆನ್ನಾಗಿ ಪಾಲಿಸುವದೋ ವಿಭುವೇ ॥ ಅ ಪ ॥
ಆರೋಗ್ಯ ಆಯುಷ್ಯ ಐಶ್ವರ್ಯವೆಂಬೊ ಇವು।
ಮೂರು ವಿಧ ವಸ್ತುಗಳೂ ।
ನಾರಾಯಣನ ಭಜಕರಾದವರ ಸಾಧನಕೆ ।
ಪೂರಕವಾಗಿಪ್ಪವೋ ।
ಘೋರ ವ್ಯಭಿಚಾರ ಪರನಿಂದೆ ವಿತ್ತಾಪ -।
ಹಾರ ಮಾಡಿದ ದೋಷದೀ ॥
ದಾರಿದ್ರರಾಗುವರು ಮೂರು ವಿಧದಿಂದಲಿ ।
ಕಾರಣನೆ ನೀನೆ ದುಷ್ಕರ್ಮ ಪರಿಹರಿಸುವದು ॥ 1 ॥
ವಸುಮತಿಯ ಮೇಲಿನ್ನು ಅಸುರ ಜನರೆ ಬಹಳ ।
ವಶವಲ್ಲ ಕಲಿಯ ಬಾಧೆ ।
ಬಿಸಿಲಿಂದ ಪೀಡಿತಾವಾದ ಸಸಿಗಾಳಂತೆ ।
ಶಿಶುಗಳು ನಾವಿಪ್ಪೆವೋ ।
ಅಸುರಾರಿ ನಿನ್ನ ಕರುಣಾಮೃತದ ಮಳೆಗರೆದು ।
ಕುಶಲದಲಿ ಪಾಲಿಸುವುದೋ ॥
ಕೆಸರಿಂದ ಕೆಸರ ತೊಳೆದಂತೆ ಕರ್ಮದ ಪಥವು ।
ಅಸುನಾಥ ಹರಿಯೇ ಪೊರೆಯೋ ಸ್ವಾಮಿ ॥ 2 ॥
ಆನ್ಯರನು ಭಜಿಸದಲೆ ನಿನ್ನನೆ ತುತಿಸುತ್ತ ।
ನಿನ್ನ ಚಿಹ್ನೆಗಳ ಧರಿಸೀ ।
ನಿನ್ನವರವನೆನಿಸಿ ನಿನ್ನ ನಾಮೋಚ್ಚರಿಸಿ ।
ನಿನ್ನಿಂದ ಉಪಜೀವಿಸೀ ।
ಅನ್ನ ಆರೋಗ್ಯಕ್ಕೆ ಅಲ್ಪ ಜೀವಿಗಳಿಗೆ ।
ಇನ್ನು ಆಲ್ಪರಿಯಬೇಕೇ ॥
ನಿನ್ನ ಸಂಕಲ್ಪ ಭಕ್ತರನು ಪೋಷಿಪೆನೆಂಬ ।
ಘನ್ನ ಬಿರಿದನ್ನು ಉಳುಹೋ ಸಲಹೊ ॥ 3 ॥
ಆದಿವ್ಯಾಧಿಗಳು ಉನ್ಮಾದ ವಿಭ್ರಮ ನಾನಾ ।
ಬಾಧೆಗೌಷಧನು ನೀನೇ ।
ಹೇ ದೇವ ನಿನ್ನ ಕರ ಕಲಶ ಸುಧೆಯನು ಗರೆದು ।
ಸಾಧುಗಳ ಸಂತೈಸುವೀ ।
ಮೋದ ಬಡಿಸುವಿ ನಿನ್ನ ಸಾಧಿಸೂವರಿಗೆ ಶು - ।
ಭೋದಯಗಳನು ಮಾಡಿ ॥
ಆದರಿಸಿ ಇವಗೆ ತವಪಾದ ಧ್ಯಾನವನಿತ್ತು ।
ಸಾಧುಗಳೊಳಗಿಟ್ಟು ಮೋದ ಕೊಡು ಸತತಾ ॥ 4 ॥
ನಿನ್ನವರಲಿ ಇವಗೆ ಇನ್ನು ರತಿಯನು ಕೊಟ್ಟು ।
ನಿನ್ನವನು ಎಂದು ಅರಿದು ।
ನಿನ್ನ ನಾ ಪ್ರಾರ್ಥಿಸಿದೆ ಅನ್ಯರಿಗೆ ಅಲ್ಪರಿಯೆ ।
ಎನ್ನ ಪಾಲಿಸುವ ಧೊರಿಯೆ ।
ಎನ್ನ ಮಾತಲ್ಲವಿದು ಎನ್ನ ಪಿರಿಯರ ಮಾತು ।
ಮನ್ನಿಸಾಬೇಕೊ ಕರುಣಿ ॥
ಅನ್ನಂತ ಗುಣಪೂರ್ಣ ಗೋಪಾಲವಿಠ್ಠಲನೆ ।
ಇನ್ನಿದನೆ ಪಾಲಿಸಯ್ಯ ಜಿಯಾ॥ 5 ॥
🙏ಶ್ರೀ ಕೃಷ್ಣಾರ್ಪಣಮಸ್ತು🙏
Enna binnapa kēḷo dhanvantri dayamāḍō।
saṇṇavanu iva kēvalā॥ pa॥
banna baḍisuva rōgavannu mōcane māḍi।
cennāgi pālisuvadō vibhuvē॥ a pa॥
ārōgya āyuṣya aiśvaryavembo ivu।
mūru vidha vastugaḷū।
nārāyaṇana bhajakarādavara sādhanake।
pūrakavāgippavō।
ghōra vyabhicāra paraninde vittāpa -।
hāra māḍida dōṣadī॥
dāridrarāguvaru mūru vidhadindali।
kāraṇane nīne duṣkarma pariharisuvadu॥ 1॥
Vasumatiya mēlinnu asura janare bahaḷa।
vaśavalla kaliya bādhe।
bisilinda pīḍitāvāda sasigāḷante।
śiśugaḷu nāvippevō।
asurāri ninna karuṇāmr̥tada maḷegaredu।
kuśaladali pālisuvudō॥
kesarinda kesara toḷedante karmada pathavu।
asunātha hariyē poreyō svāmi॥ 2॥
ān'yaranu bhajisadale ninnane tutisutta।
ninna cihnegaḷa dharisī।
ninnavaravanenisi ninna nāmōccarisi।
ninninda upajīvisī।
anna ārōgyakke alpa jīvigaḷige।
innu ālpariyabēkē॥
ninna saṅkalpa bhaktaranu pōṣipenemba।
ghanna biridannu uḷuhō salaho॥ 3॥
Ādivyādhigaḷu unmāda vibhrama nānā।
bādhegauṣadhanu nīnē।
hē dēva ninna kara kalaśa sudheyanu garedu।
sādhugaḷa santaisuvī।
mōda baḍisuvi ninna sādhisūvarige śu - ।
bhōdayagaḷanu māḍi॥
ādarisi ivage tavapāda dhyānavanittu।
sādhugaḷoḷagiṭṭu mōda koḍu satatā॥ 4॥
ninnavarali ivage innu ratiyanu koṭṭu।
ninnavanu endu aridu।
ninna nā prārthiside an'yarige alpariye।
enna pālisuva dhoriye।
enna mātallavidu enna piriyara mātu।
mannisābēko karuṇi॥
annanta guṇapūrṇa gōpālaviṭhṭhalane।
innidane pālisayya jiyā॥ 5॥
🙏shri krishnarpanamastu🙏