Рет қаралды 100,992
Heesta: Guur hayga filanin
Luuqda: Aamina Feer & Max'ed S Tubeec
Lyrics: DHUGMAAL LYRICS
QORAALKA HEESTA (LYRICS)
Geeraar hordhac ah - Aamina Feer
Galalowsin meeloo ay
Galowgiyo ugaadhii
Geesaha dhaafee
Aday gogoli kuu taal
Galadayda dhaaxaan
Geed iyo hadh jiifee
Ha iga goosan caawaad
Iga gacan saraysaa
Geeraar hordhac ah - Maxamed Saleeban:
Anoo kuu go’aayoo
Garabkaa filayaad
Axdigeenii goysoo
Geesta iga dhaaftee
Nabsi gaaxsanaabaa
Boowdyaha ku gooyee
Guur ha iga filanine
Gurigaygan ii dhaaf
QORAALKA HEESTA
Aamina Feyr:
Nabsi ruuxii gaaxshaa
Godolkiisa maalee
Sidaan aniga kuu galay
Gefi maysid adiguyee
Aargudashadaaduna
Gar ilaahey weeyee
Ha iga goosan caawaad
Iga gacan saraysaa
MAXAMED SALEEBAAN:
Qof gefaa abaalkii
Yahay guul darraantee
Waxaan ahay nin gabaryahay
Gacantaadu malagtee
Waxaan ahay gar-eexo iyo
Godob kaa tirsanayee
Guur ha iga filanine
Gurigaygan ii dhaaf
AAMINA FEER:
Adoo gacal isoo biday
Waataan ku gowrshee
Ku garwaaqsan waayee
Kaa taagtay gacantee
Waxaan anigu geystaa
Goobtaa i joojee
Ha iga goosan caawaad
Iga gacan saraysaa
MAXAMED SALEEBAAN:
Waxaan ahay nin gacalkii
Owgaa u gooyoo
Waxaan ahay gargaarkii
Galad kaaga waayee
Waxaan ahay gandood iyo
Gocosho u dambeysee
Guur ha iga filanine
Gurigeygan iidhaaf
AAMINA FEER:
Gowraha habeenkii
Gudcurkaad istaagtiyo
Garkii aad iqabatiyo
Guubaabadaadii
Gardarraan u qaatoo
Kuumaan garaabine
Ha iga goosan caawaad
Iga gacan saraysaa
MAXAMED SALEEBAAN:
Sidaan ahay nin gaaloo
Xarameynkii galayoo
Gubay maalin ciidoo
Lagu soo gurmaday baad
Gabi dheer isaartood
Igu goolibaadhee
Guur ha iga filanine
Guur ha iga filanine
Gurigaygan iidhaaf
#dhugmaallyrics #dhugmaal_lyrics #DHUGMAAL