Рет қаралды 19,449
HEESTA: GABDHUHU WAXAY KU FAANAAN
ERAYADA : MAX'UD C/LAAHI CIISE SANGUB
LAXANKA: AXMED CALI CIGAAL
CODKA : AXMED CALI CIGAAL
LYRICS : DHUGMAAL LYRICS
QORAALKA HEESTA (LYRICS)
✍✍✍✍✍✍✍✍✍✍✍
Geedaha waxaa jira
Guxundhaale baasoo
Lugaha kaa gulaaloo
Gacmaha nabar u yeelee
Haddaad tahay mid gaariya
Ha igu dayn galgalashada
Goob taan fadhiistaba
Meel roob ku gayllamay
Ama aar gondaha dhigay
Ama goodir xarig galay
Gedoodii ahaadee
Gabdhuhu waxay ku faanaan
Guri iyo nin yeelee
Waxa guurka kugu diray
Garan maayo aniguye !
_______________________
Garta ruux yaqaannoo
Gardarrada ka jeceloo
Anigoo garawsho leh
Waxaad tahay ka gudayee
Axdigaynnu gooynnay
Goor muu kula xumaaday
Goob taan fariistaba
Meel geel ka dheelmaday
Ama goray ilmaha dhigay
Ama geesi ku cartamay
Geddoodii ahaadee
Gabdhuhu waxay ku faanaan
Guri iyo nin yeelee
Waxa guurka kugu diray
Garan maayo aniguye !
_____________________
Haddii godob aan kaa qabay
Inaad golaha keentood
Guddi aan u saarnoo
Is galaasha weeyee
Guura baaska hoosiyo
Iga daa gilgilashada
Gurxanka iga baxayaa
Wiyil garab ka jabaniyo
Golihii maroodiga
Shimbirkii guuguulaha
Geddoodii ahaadee
Gabdhuhu waxay ku faanaan
Guri iyo nin yeelee
Waxa guurka kugu diray
Garan maayo aniguye !
#dhugmaal_lyrics #cigaal